Study
- Anukramaṇī
- tai॰ā॰ 1.14
- Saṃhitā citations
- Source
- Taittirīya / Ṛgveda corpus, as compiled in Yājuṣa Mantra Ratnākaram. Learn svara from a guru.
tai॰ā॰ 1.14
yo'sau̍ ta̱pannu̱deti̍| sa sarve̍ṣāṃ bhū̱tānā̎ṃ prā̱ṇānā̱dāyo̱deti̍|
mā me̎ pra̱jāyā̱ mā pa̍śū̱nām| mā mama̍ prā̱ṇānā̱dāyoda̍gāḥ|
a̱sau yo̎'sta̱meti̍| sa sarve̍ṣāṃ bhū̱tānā̎ṃ prā̱ṇānā̱dāyā̱stameti̍|
mā me̎ pra̱jāyā̱ mā pa̍śū̱nām| mā mama̍ prā̱ṇānā̱dāyāsta̍ṃ gāḥ|
a̱sau ya ā̱pūrya̍ti| sa sarve̍ṣāṃ bhū̱tānā̎ṃ prā̱ṇairā̱pūrya̍ti||64||
mā me̎ pra̱jāyā̱ mā pa̍śū̱nām| mā mama̍ prā̱ṇairā̱pūri̍ṣṭhāḥ|
a̱sau yo̍'pa̱kṣīya̍ti| sa sarve̍ṣāṃ bhū̱tānā̎ṃ prā̱ṇairapa̍kṣīyati|
mā me̎ pra̱jāyā̱ mā pa̍śū̱nām| mā mama̍ prā̱ṇairapa̍kṣeṣṭhāḥ|
a̱mūni̱ nakṣa̍trāṇi| sarve̍ṣāṃ bhū̱tānā̎ṃ prā̱ṇairapa̍prasarpanti̱ cothsa̍rpanti ca|
mā me̎ pra̱jāyā̱ mā pa̍śū̱nām| mā mama̍ prā̱ṇairapa̍prasṛpata̱ mothsṛ̍pata||65||
i̱me māsā̎ścārdhamā̱sāśca̍| sarve̍ṣāṃ bhū̱tānā̎ṃ prā̱ṇairapa̍prasarpanti̱ cothsa̍rpanti ca|
mā me̎ pra̱jāyā̱ mā pa̍śū̱nām| mā mama̍ prā̱ṇairapa̍prasṛpata̱ mothsṛ̍pata|
i̱ma ṛ̱tava̍ḥ| sarve̍ṣāṃ bhū̱tānā̎ṃ prā̱ṇairapa̍prasarpanti̱ cothsa̍rpanti ca|
mā me̎ pra̱jāyā̱ mā pa̍śū̱nām| mā mama̍ prā̱ṇairapa̍prasṛpata̱ mothsṛ̍pata|
a̱yagͫ sa̍ṃvathsa̱raḥ| sarve̍ṣāṃ bhū̱tānā̎ṃ prā̱ṇairapa̍prasarpati̱ cothsa̍rpati ca||66||
mā me̎ pra̱jāyā̱ mā pa̍śū̱nām| mā mama̍ prā̱ṇairapa̍prasṛpa̱ mothsṛ̍pa|
i̱damaha̍ḥ| sarve̍ṣāṃ bhū̱tānā̎ṃ prā̱ṇairapa̍prasarpati̱ cothsa̍rpati ca|
mā me̎ pra̱jāyā̱ mā pa̍śū̱nām| mā mama̍ prā̱ṇairapa̍prasṛpa̱ mothsṛ̍pa|
i̱yagͫ rātri̍ḥ| sarve̍ṣāṃ bhū̱tānā̎ṃ prā̱ṇairapa̍prasarpati̱ cothsa̍rpati ca|
mā me̎ pra̱jāyā̱ mā pa̍śū̱nām| mā mama̍ prā̱ṇairapa̍prasṛpa̱ mothsṛ̍pa|
oṃ bhūrbhuva̱ḥ sva̍ḥ| etadvo mithunaṃ mā no mithu̍nagͫ rī̱ḍhvam||67|| ॥TA 1.14॥
||1||