Study
- Anukramaṇī
- Saṃhitā citations
- Source
tai॰ā॰ 1.22
yo̍'pāṃ puṣpa̱ṃ veda̍| puṣpa̍vān pra̱jāvā̎n paśu̱mān bha̍vati|
ca̱ndramā̱ vā a̱pāṃ puṣpam̎| puṣpa̍vān pra̱jāvā̎n paśu̱mān bha̍vati|
ya e̱vaṃ veda̍| yo̍'pāmā̱yata̍na̱ṃ veda̍|
ā̱yata̍navān bhavati| a̱gnirvā a̱pāmā̱yata̍nam|
ā̱yata̍navān bhavati| yo̎'gnerā̱yata̍na̱ṃ veda̍||78||
ā̱yata̍navān bhavati| āpo̱ vā a̱gnerā̱yata̍nam|
ā̱yata̍navān bhavati| ya e̱vaṃ veda̍|
yo̍'pāmā̱yata̍na̱ṃ veda̍| ā̱yata̍navān bhavati|
vā̱yurvā a̱pāmā̱yata̍nam| ā̱yata̍navān bhavati|
yo vā̱yorā̱yata̍na̱ṃ veda̍| ā̱yata̍navān bhavati||79||
āpo̱ vai vā̱yorā̱yata̍nam| ā̱yata̍navān bhavati|
ya e̱vaṃ veda̍| yo̍'pāmā̱yata̍na̱ṃ veda̍|
ā̱yata̍navān bhavati| a̱sau vai tapa̍nna̱pāmā̱yata̍nam|
ā̱yata̍navān bhavati| yo̍'muṣya̱ tapa̍ta ā̱yata̍na̱ṃ veda̍|
ā̱yata̍navān bhavati| āpo̱ vā a̱muṣya̱ tapa̍ta ā̱yata̍nam||80||
ā̱yata̍navān bhavati| ya e̱vaṃ veda̍|
yo̍'pāmā̱yata̍na̱ṃ veda̍| ā̱yata̍navān bhavati|
ca̱ndramā̱ vā a̱pāmā̱yata̍nam| ā̱yata̍navān bhavati|
yaśca̱ndrama̍sa ā̱yata̍na̱ṃ veda̍| ā̱yata̍navān bhavati|
āpo̱ vai ca̱ndrama̍sa ā̱yata̍nam| ā̱yata̍navān bhavati||81||
ya e̱vaṃ veda̍| yo̍'pāmā̱yata̍na̱ṃ veda̍|
ā̱yata̍navān bhavati| nakṣa̍trāṇi̱ vā a̱pāmā̱yata̍nam|
ā̱yata̍navān bhavati| yo nakṣa̍trāṇāmā̱yata̍na̱ṃ veda̍|
ā̱yata̍navān bhavati| āpo̱ vai nakṣa̍trāṇāmā̱yata̍nam|
ā̱yata̍navān bhavati| ya e̱vaṃ veda̍||82||
yo̍'pāmā̱yata̍na̱ṃ veda̍| ā̱yata̍navān bhavati|
pa̱rjanyo̱ vā a̱pāmā̱yata̍nam| ā̱yata̍navān bhavati|
yaḥ pa̱rjanya̍syā̱'̱'̱yata̍na̱ṃ veda̍| ā̱yata̍navān bhavati|
āpo̱ vai pa̱rjanya̍syā̱'̱'̱yata̍nam| ā̱yata̍navān bhavati|
ya e̱vaṃ veda̍| yo̍'pāmā̱yata̍na̱ṃ veda̍||83||
ā̱yata̍navān bhavati| sa̱ṃva̱thsa̱ro vā a̱pāmā̱yata̍nam|
ā̱yata̍navān bhavati| yaḥ sa̍ṃvathsa̱rasyā̱'̱'̱yata̍na̱ṃ veda̍|
ā̱yata̍navān bhavati| āpo̱ vai sa̍ṃvathsa̱rasyā̱'̱'̱yata̍nam|
ā̱yata̍navān bhavati| ya e̱vaṃ veda̍|
yo̎'phsu nāva̱ṃ prati̍ṣṭhitā̱ṃ veda̍| pratye̱va ti̍ṣṭhati||84||
i̱me vai lo̱kā a̱phsu prati̍ṣṭhitāḥ| tade̱ṣā'bhyanū̎ktā|
a̱pāgͫ rasa̱muda̍yagͫsan| sūrye̍ śu̱kragͫ sa̱mābhṛ̍tam|
a̱pāgͫ rasa̍sya̱ yo rasa̍ḥ| taṃ vo̍ gṛhṇāmyutta̱mamiti̍|
i̱me vai lo̱kā a̱pāgͫ rasa̍ḥ| te̍'muṣmi̍nnādi̱tye sa̱mābhṛ̍tāḥ|
jā̱nu̱da̱ghnīmu̍ttarave̱dīṃ khā̱tvā| a̱pāṃ pū̍rayi̱tvā gu̍lphada̱ghnam||85||
puṣkaraparṇaiḥ puṣkaradaṇḍaiḥ puṣkaraiśca̍ sagͫ̄stī̱rya| tasmi̍nvihā̱yase|
a̱gniṃ pra̱ṇīyo̍pasamā̱dhāya̍| bra̱hma̱vā̱dino̍ vadanti|
kasmā̎tpraṇī̱te'yama̱gniścī̱yate̎| sāpra̍ṇī̱te'yama̱phsu hyaya̍ṃ cī̱yate̎|
a̱sau bhuva̍ne̱'pyanā̍hitāgnire̱tāḥ| tama̱bhita̍ e̱tā a̱bīṣṭa̍kā̱ upa̍dadhāti|
a̱gni̱ho̱tre da̍rśapūrṇamā̱sayo̎ḥ| pa̱śu̱ba̱ndhe cā̍turmā̱syeṣu̍||86||
atho̍ āhuḥ| sarve̍ṣu yajñakra̱tuṣviti̍|
e̱taddha̍ sma̱ vā ā̍huḥ śaṇḍi̱lāḥ| kama̱gniṃ ci̍nute|
sa̱tri̱yama̱gniṃ ci̍nvā̱naḥ| sa̱ṃva̱thsa̱raṃ pra̱tyakṣe̍ṇa|
kama̱gniṃ ci̍nute| sā̱vi̱trama̱gniṃ ci̍nvā̱naḥ|
a̱mumā̍di̱tyaṃ pra̱tyakṣe̍ṇa| kama̱gniṃ ci̍nute||87||
nā̱ci̱ke̱tama̱gniṃ ci̍nvā̱naḥ|
prā̱ṇānpra̱tyakṣe̍ṇa| kama̱gniṃ ci̍nute| cā̱tu̱ṟho̱tri̱yama̱gniṃ ci̍nvā̱naḥ|
brahma̍ pra̱tyakṣe̍ṇa| kama̱gniṃ ci̍nute| vai̱śva̱sṛ̱jama̱gniṃ ci̍nvā̱naḥ|
śarī̍raṃ pra̱tyakṣe̍ṇa| kama̱gniṃ ci̍nute| u̱pā̱nu̱vā̱kya̍mā̱śuma̱gniṃ ci̍nvā̱naḥ||88||
i̱mām̐llo̱kānpra̱tyakṣe̍ṇa| kama̱gniṃ ci̍nute|
i̱mamā̍ruṇaketukama̱gniṃ ci̍nvā̱na iti̍| ya e̱vāsau|
i̱taścā̱'muta̍ścā'vyatīpā̱tī| tamiti̍|
yo̎'gnermi̍thū̱yā veda̍| mi̱thu̱na̱vānbha̍vati|
āpo̱ vā a̱gnermi̍thū̱yāḥ| mi̱thu̱na̱vānbha̍vati| ya e̱vaṃ veda̍||89|| ॥TA 1.22॥
||1||