Study
- Anukramaṇī
- sīmantonnayanam · ṭippaṇyaḥ
- Source
- याजुषमन्त्ररत्नाकरम् (मुद्रितग्रन्थः) पृष्ठम् ६२७–६२८ — मुद्रितग्रन्थस्य PDF-पाठात् स्वरसहितं यथावत् उद्धृतम्। कोष्ठकेषु सङ्ख्याः ग्रन्थस्य पृष्ठनिर्देशाः।
sīmantonnayanam
{dhā̱tā da̍dātu no ra̱yimīśā̍no̱ jaga̍ta̱spati̍ḥ| sa na̍ḥ pū̱rṇena̍ vāvana̱t||11.1||
||1||{dhātra idam|} dhā̱tā pra̱jāyā̍ u̱ta rā̱ya ri̍śe dhā̱tedaṃ viśva̱ṃ bhuva̍naṃ jajāna| dhā̱tā pu̱traṃ yaja̍mānāya̱ dātā̱ tasmā̍ u ha̱vyaṃ ghṛ̱tava̍dvidhema||2||
||2||{dhātra idam|} dhā̱tā da̍dātu no ra̱yiṃ prācī̎ṃ jī̱vātu̱makṣi̍tām| va̱yaṃ de̱vasya̍ dhīmahi suma̱tigͫ sa̱tyarā̍dhasaḥ||3||
||3||{dhātra idam|} dhā̱tā da̍dātu dā̱śuṣe̱ vasū̍ni pra̱jākā̍māya mī̱ḍhuṣe̍ duro̱ṇe| tasmai̍ de̱vā a̱mṛtā̱ḥ saṃvya̍yantā̱ṃ viśve̍ de̱vāso̱ adi̍tiḥ sa̱joṣā̎ḥ||4||
||4||{dhātra idam|} yastvā̍ hṛ̱dā kī̱riṇā̱ manya̍mā̱no'ma̍rtya̱ṃ martyo̱ joha̍vīmi| jāta̍vedo̱ yaśo̍ a̱smāsu̍ dhehi pra̱jābhi̍ragne amṛta̱tvama̍śyām||5||
||5||{agnaye putravata idam} yasmai̱ tvagͫ su̱kṛte̍ jātaveda̱ u lo̱kama̍gne kṛ̱ṇava̍ḥ syo̱nam| a̱śvina̱gͫ sa pu̱triṇa̍ṃ vī̱rava̍nta̱ṃ goma̍ntagͫ ra̱yiṃ na̍śate sva̱sti||6||
||6||{agnaye putravata idam} tve su pu̍tra śava̱so'vṛ̍tra̱n kāma̍kātayaḥ| na tvāmi̱ndrāti̍ricyate||7||
||7||{indrāya putriṇa idam} u̱kthau̍kthe soma̱ indra̍ṃ mamāda nī̱thenī̍the ma̱ghavā̍nagͫ su̱tāsa̍ḥ| yadī̍gͫ sa̱bādha̍ḥ pi̱tara̱ṃ na pu̱trāḥ sa̍mā̱nada̍kṣā̱ ava̍se̱ hava̍nte||8||
||8||{indrāya putriṇa idam} bhūrbhuva̱ḥ suva̍ḥ||9||
||9||{rā̱kāma̱hagͫ su̱havā̍gͫ suṣṭu̱tī hu̍ve śṛ̱ṇotu̍ naḥ su̱bhagā̱ bodha̍tu̱ tmanā̎| sīvya̱tvapa̍ḥ sū̱cyā'cchi̍dyamānayā̱ dadā̍tu vī̱ragͫ śa̱tadā̍yamu̱kthya̎m||10||
||10||yāste̍ rāke suma̱taya̍ḥ su̱peśa̍so̱ yābhi̱rdadā̍si dā̱śuṣe̱ vasū̍ni| tābhi̍rno a̱dya su̱manā̍ u̱pāga̍hi sahasrapo̱ṣagͫ su̍bhage̱ rarā̍ṇā||11||
||11||} yauga̍ndharire̱va no̱ rājeti̱ sālvī̍ravādiṣuḥ| vivṛ̍ttacakrā̱ āsenastāre̍ṇa yamune̱ tava̍||12||
||12||soma̍ e̱va no̱ rājetyā̍hurbrāhma̱ṇīḥ pra̱jāḥ| vivṛ̍ttacakrā̱ āsī̍nā̱stīre̍ṇāsau̱ tava̍||11.13||
||13||ṭippaṇyaḥ
dhā̱tā da̍dātu no ra̱yimiti̱ cata̍sro̱ yastvā̍ hṛ̱dā kī̱riṇeti̱ cata̍sraḥ|
||14||