Study
- Anukramaṇī
- pūrvamukham · dakṣiṇamukham · paścimamukham · uttaramukham · ūrdhvamukham
- Source
- याजुषमन्त्ररत्नाकरम् पृष्ठानि ४०२–४०४। पञ्चमुखप्रार्थनायाः पाठः तथा स्वरचिह्नानि मुद्रितपाठेन सह संशोधितानि।
pūrvamukham
tatpuru̍ṣāya vi̱dmahe̍ mahāde̱vāya̍ dhīmahi| tanno̍ rudraḥ praco̱dayā̎t||
||1||saṃvartāgni-taḍitpradīptakanaka-praspardhitejomayaṃ gambhīradhvani-sāmagāna-janakaṃ tāmrādharaṃ sundaram| ardhendudyuti-lolapiṅgalajaṭābhāra-prabaddhoragaṃ vande siddhasurāsurendra-namitaṃ pūrvaṃ mukhaṃ śūlinaḥ| pūrvamukhāya namaḥ|
||2||a̱ghore̎bhyo'tha̱ ghore̎bhyo̱ ghora̱ ghora̍tarebhyaḥ | sarve̎bhyaḥ sarva̱ śarve̎bhyo̱ nama̍ste astu ru̱drarū̍pebhyaḥ ||
||3||dakṣiṇamukham
kālābhrabhramarāñjana-dyutinibhaṃ vyāvṛttapiṅgekṣaṇaṃ karṇodbhāsita-bhogimastaka-maṇiprodbhinna-daṃṣṭrāṅkuram| sarpaprotakapāla-śuktiśakala-vyākīrṇatāśekharaṃ vande dakṣiṇamīśvarasya kuṭilaṃ bhrūbhaṅgaraudraṃ mukham| dakṣiṇamukhāya namaḥ|
||4||sa̱dyojā̱taṃ pra̍padyā̱mi̱ sa̱dyojā̱tāya̱ vai namo̱ nama̍ḥ| bha̱vebha̍ve̱ nāti̍bhave bhavasva̱ mām| bha̱vodbha̍vāya̱ nama̍ḥ||
||5||paścimamukham
prāleyācalamindudundadhavalaṃ gokṣīraphenaprabhaṃ bhasmābhyaktamanaṅgadeha-dahanajvālāvalī-locanam| brahmendrādimarudgaṇaiḥ stutiparairabhyarcitaṃ yogibhirvande'haṃ sakalaṃ kalaṅkarahitaṃ sthāṇormukhaṃ paścimam| paścimamukhāya namaḥ|
||6||vā̱ma̱de̱vāya̱ namo̎ jye̱ṣṭhāya̱ nama̍ḥ śre̱ṣṭhāya̱ namo̍ ru̱drāya̱ nama̱ḥ kālā̍ya nama̱ḥ kala̍vikaraṇāya̱ namo̱ bala̍vikaraṇāya̱ namo̱ balā̍ya̱ namo̱ bala̍pramathanāya̱ nama̱ḥ sarva̍bhūtadamanāya̱ namo̍ ma̱nonma̍nāya̱ nama̍ḥ||
||7||uttaramukham
gauraṃ kuṅkumapaṅkilaṃ sutilakaṃ vyāpāṇḍugaṇḍasthalaṃ bhrūvikṣepa-kaṭākṣavīkṣaṇalasat-saṃsakta-karṇotpalam| snigdhaṃ bimbaphalādharaṃ prahasitaṃ nīlālakālaṅkṛtaṃ vande pūrṇaśaśāṅkamaṇḍalanibhaṃ vaktraṃ harasyottaram| uttaramukhāya namaḥ|
||8||īśānaḥ sarva̍vidyā̱nā̱mīśvaraḥ sarva̍bhūtā̱nā̱ṃ brahmādhi̍pati̱rbrahma̱ṇo'dhi̍pati̱rbrahmā̍ śi̱vo me̍ astu sadāśi̱vom ||
||9||ūrdhvamukham
vyaktāvyaktaguṇātparaṃ ca parataḥ ṣaṭtriṃśattattvātmakaṃ tasmāduttama-tattvamakṣaramiti dhyeyaṃ sadā yogibhiḥ| vande tāmasavarjitena manasā sūkṣmātisūkṣmatparaṃ śāntaṃ pañcamamīśvarasya vadanaṃ khavyāpta-tejomayam| ūrdhvamukhāya namaḥ|
||10||