Study
- Anukramaṇī
- Saṃhitā citations
- Source
tai॰saṃ॰ 1.1.2
ya̱jñasya̍ gho̱ṣada̍si̱ pratyu̍ṣṭa̱g̱ͫ rakṣa̱ḥ pratyu̍ṣṭā̱ arā̍taya̱ḥ
preyama̍gāddhi̱ṣaṇā̍ ba̱ṟhiraccha̱ manu̍nā kṛ̱tā sva̱dhayā̱ vita̍ṣṭā̱
ta āva̍hanti ka̱vaya̍ḥ pu̱rastā̎dde̱vebhyo̱ juṣṭa̍mi̱ha ba̱ṟhirā̱sade̍
de̱vānā̎ṃ pariṣū̱tama̍si va̱ṟṣavṛ̍ddhamasi̱ deva̍barhi̱rmā tvā̱'nvaṅmā
ti̱ryakparva̍ te rādhyā samācche̱ttā te̱ mā ri̍ṣa̱ndeva̍barhiḥ śa̱tava̍lśa̱ṃ
vi ro̍ha sa̱hasra̍valśā̱
3 vi va̱yagͫ ru̍hema pṛthi̱vyāḥ sa̱ṃpṛca̍ḥ pāhi susa̱ṃbhṛtā̎
tvā̱ sambha̍rā̱myadi̍tyai̱ rāsnā̍'sīndrā̱ṇyai sa̱nnaha̍naṃ pū̱ṣā te̎
gra̱nthiṅgra̍thnātu̱ sa te̱ mā''sthā̱dindra̍sya tvā bā̱hubhyā̱mudya̍cche̱
bṛha̱spate̎rmū̱rdhnā ha̍rāmyu̱rva̍ntari̍kṣa̱manvi̍hi devaṅga̱mama̍si ||
sa̱hasra̍valśā a̱ṣṭātrigͫ̍śacca ॥TS 1.1.2॥
||1||