Study
- Anukramaṇī
- āvāhanam upacārāśca · mantrapuṣpam · aṣṭapuṣpapūjā · upasthānam
- Source
- Taittirīya / Ṛgveda corpus, as compiled in Yājuṣa Mantra Ratnākaram. Learn svara from a guru.
āvāhanam upacārāśca
hṛtpadmakarṇikāmadhyāt umayā saha śaṅkara| āgacchatvaṃ mahādeva sarvairāvaraṇaiḥ saha||
||1||ātvā̍ vahantu̱ hara̍ya̱ḥ sace̍tasaḥ śve̱tairaśvai̎ḥ sa̱ha ke̍tu̱madbhi̱rvātā̍jitai̱rbala̍vadbhi̱rmano̍javai̱ḥ rāyā̍hi śī̱ghraṃ mama̍ ha̱vyāya̍ śa̱rvom| īśānaḥ sarva̍vidyā̱nā̱mīśvaraḥ sarva̍bhūtā̱nā̱ṃ brahmādhi̍pati̱rbrahma̱ṇo'dhi̍pati̱rbrahmā̍ śi̱vo me̍ astu sadāśi̱vom| īśānamāvāhayāmi||
||2||svāmin sarvajagannātha yāvatpūjāvasānakam| tāvat tvaṃ prītibhāvena liṅge'smin sannidhiṃ kuru|| sthire bhava| varado bhava| suprasanno bhava| supratiṣṭhito bhava||
||3||sa̱dyojā̱taṃ pra̍padyāmi| āsanaṃ samarpayāmi| sa̱dyojā̱tāya̱ vai namo̱ nama̍ḥ| pādyaṃ samarpayāmi| bha̱ve bha̍ve̱ nāti̍bhave bhavasva̱ mām| arghyaṃ samarpayāmi| bha̱vodbhā̍vāya̱ nama̍ḥ| ācamanīyaṃ samarpayāmi||
||4||vā̱ma̱de̱vāya̱ nama̍ḥ| snānaṃ samarpayāmi| jye̱ṣṭhāya̱ nama̍ḥ| vastraṃ samarpayāmi| śre̱ṣṭhāya̱ nama̍ḥ| upavītaṃ samarpayāmi| ru̱drāya̱ nama̍ḥ| ābharaṇaṃ samarpayāmi| kālā̍ya̱ nama̍ḥ| gandhaṃ samarpayāmi| kala̍vikaraṇāya̱ namo̱ bala̍vikaraṇāya̱ namo̱ balā̍ya̱ namo̱ bala̍pramathanāya̱ nama̍ḥ| akṣatān samarpayāmi| sarva̍bhūtadamanāya̱ namo̍ ma̱nonma̍nāya̱ nama̍ḥ| puṣpāṇi samarpayāmi||
||5||mantrapuṣpam
vi̱śvata̍ścakṣuru̱ta vi̱śvato̍mukho vi̱śvato̍hasta u̱ta vi̱śvata̍spāt| saṃbā̱hubhyā̱ṃ nama̍ti̱ saṃpata̍trai̱rdyāvā̍pṛthi̱vī ja̱naya̍n de̱va eka̍ḥ|| mantrapuṣpaṃ samarpayāmi||
||6||yo vedādau sva̍raḥ pro̱kto̱ ve̱dānte̍ ca pra̱tiṣṭhi̍taḥ| tasya̍ pra̱kṛti̍līna̱sya̱ ya̱ḥ para̍ssa ma̱hesva̍raḥ|| tatpuruṣāya namaḥ| vedoktamantrapuṣpaṃ samarpayāmi||
||7||aṣṭapuṣpapūjā
arkaṃ campakapunnāganandyāvartāni pāṭalī| bṛhatīkaravīrāṇi droṇapuṣpāṇi cārcayet||
||8||oṃ bha̱vāya̍ de̱vāya̱ nama̍ḥ (arkapuṣpaṃ samarpayāmi)| oṃ śa̱rvāya̍ de̱vāya̱ nama̍ḥ (campakapuṣpaṃ samarpayāmi)| oṃ īśā̍nāya de̱vāya̱ nama̍ḥ (punnāgapuṣpaṃ samarpayāmi)| oṃ pa̱śu̱pata̍ye de̱vāya̱ nama̍ḥ (nandyāvartapuṣpaṃ samarpayāmi)| oṃ ru̱drāya̍ de̱vāya̱ nama̍ḥ (pāṭalīpuṣpaṃ samarpayāmi)| oṃ u̱grāya̍ de̱vāya̱ nama̍ḥ (bṛhatīpuṣpaṃ samarpayāmi)| oṃ bhī̱māya̍ de̱vāya̱ nama̍ḥ (karavīrapuṣpaṃ samarpayāmi)| oṃ ma̱ha̱te de̱vāya̱ nama̍ḥ (droṇapuṣpaṃ samarpayāmi)||
||9||upasthānam
a̱ghore̎bhyo'tha̱ ghore̎bhyo̱ ghora̱ ghora̍tarebhyaḥ| sarve̎bhyaḥ sarva̱ śarve̎bhyo̱ nama̍ste astu ru̱drarū̍pebhyaḥ||
||10||ta̍tpu̱ru̍ṣāya vi̱dmahe̍ mahāde̱vāya̍ dhīmahi| tanno̍ rudraḥ praco̱dayā̎t||
||11||īśānaḥ sarva̍vidyā̱nā̱mīśvaraḥ sarva̍bhūtā̱nā̱ṃ brahmādhi̍pati̱rbrahma̱ṇo'dhi̍pati̱rbrahmā̍ śi̱vo me̍ astu sadāśi̱vom||
||12||