Study
- Anukramaṇī
- Saṃhitā citations
- Source
tai॰brā॰ 2.7.2
yadā̎gne̱yo bhava̍ti|
a̱gnimu̍khā̱ hyṛddhi̍ḥ|
atha̱ yatpau̱ṣṇaḥ|
puṣṭi̱rvai pū̱ṣā|
puṣṭi̱rvaiśya̍sya|
puṣṭi̍me̱vāva̍ rundhe|
pra̱sa̱vāya̍ sāvi̱traḥ|
atha̱ yattvā̱ṣṭraḥ|
tvaṣṭā̱ hi rū̱pāṇi̍ vika̱roti̍|
ni̱rva̱ru̱ṇa̱tvāya̍ vāru̱ṇaḥ||5||
atho̱ ya e̱va kaśca̱ santhsū̱yate̎|
sa hi vā̍ru̱ṇaḥ|
atha̱ yadvai̎śvade̱vaḥ|
vai̱śva̱de̱vo hi vaiśya̍ḥ|
atha̱ yanmā̍ru̱taḥ|
mā̱ru̱to hi vaiśya̍ḥ|
sa̱ptaitāni̍ ha̱vīgͫṣi̍ bhavanti|
sa̱ptaga̍ṇā̱ vai ma̱ruta̍ḥ|
pṛśñi̍ḥ paṣṭhau̱hī mā̍ru̱tyā la̍bhyate|
viḍvai ma̱ruta̍ḥ|
viśa̍ e̱vaitanma̍dhya̱to̍'bhiṣi̍cyate|
tasmā̱dvā e̱ṣa vi̱śaḥ pri̱yaḥ|
vi̱śo hi ma̍dhya̱to̍'bhiṣi̱cyate̎|
ṛ̱ṣa̱bha̱ca̱rme'dhya̱bhiṣi̍ñcati|
sa hi pra̍janayi̱tā|
da̱dhnā'bhiṣi̍ñcati|
ūrgvā a̱nnādya̱ṃ dadhi̍|
ū̱rjaivaina̍ma̱nnādye̍na̱ sama̍rdhayati||6|| ॥TB 2.7.2॥
||1||