gaṇeśapurāṇam
dhyānam
oṃkārasannibhamibhānanamindubhālaṃ
muktāgrabindumamaladyutimekadantam |
lambodaraṃ kalacaturbhujamādidevaṃ
dhyāyenmahāgaṇapatiṃ matisiddhikāntam ||
||1||stotram
gaṇeśvaro gaṇakrīḍo mahāgaṇapatistathā |
viśvakartā viśvamukho durjayo dhūrjayo jayaḥ ||
||2||surūpaḥ sarvanetrādhivāso vīrāsanāśrayaḥ |
yogādhipastārakasthaḥ puruṣo gajakarṇakaḥ ||
||3||citrāṅgaḥ śyāmadaśano bhālacandraścaturbhujaḥ |
śambhutejā yajñakāyaḥ sarvātmā sāmabṛṃhitaḥ ||
||4||kulācalāṃso vyomanābhiḥ kalpadrumavanālayaḥ |
nimnanābhiḥ sthūlakukṣiḥ pīnavakṣā bṛhadbhujaḥ ||
||5||pīnaskandhaḥ kambukaṇṭho lamboṣṭho lambanāsikaḥ |
sarvāyavasampūrṇaḥ sarvalakṣaṇalakṣitaḥ ||
||6||ikṣucāpadharaḥ śūlī kāntikandalitāśrayaḥ |
akṣamālādharo jñānamudrāvān vijayāvahaḥ ||
||7||kāminīkāmanākāmamālinīkelilālitaḥ |
amoghasiddhirādhāra ādhārādheyavarjitaḥ ||
||8||indīvaradalaśyāma indumaṇḍalanirmalaḥ |
karmasākṣī karmakartā karmākarmaphalapradaḥ ||
||9||kamaṇḍaludharaḥ kalpaḥ kapardī kaṭisūtrabhṛt |
kāruṇyadehaḥ kapilo guhyāgamanirūpitaḥ ||
||10||guhāśayo guhābdhistho ghaṭakumbho ghaṭodaraḥ |
pūrṇānandaḥ parānando dhanado dharaṇīdharaḥ ||
||11||bṛhattamo brahmaparo brahmaṇyo brahmavitpriyaḥ |
bhavyo bhūtālayo bhogadātā caiva mahāmanāḥ ||
||12||vareṇyo vāmadevaśca vandyo vajranivāraṇaḥ |
viśvakartā viśvacakṣurhavanaṃ havyakavyabhuk ||
||13||svatantraḥ satyasaṅkalpastathā saubhāgyavardhanaḥ |
kīrtidaḥ śokahārī ca trivargaphaladāyakaḥ ||
||14||caturbāhuścaturdantaścaturthātithisambhavaḥ |
sahasraśīrṣā puruṣaḥ sahasrākṣaḥ sahasrapāt ||
||15||kāmarūpaḥ kāmagatirdvirado dvīparakṣakaḥ |
kṣetrādhipaḥ kṣamābhartā layastho laḍḍukapriyaḥ ||
||16||prativādimukhastambho duṣṭacittaprasādanaḥ |
bhagavān bhaktisulabho yājñiko yājakapriyaḥ ||
||17||ityevaṃ devadevasya gaṇarājasya dhīmataḥ |
śatamaṣṭottaraṃ nāmnāṃ sārabhūtaṃ prakīrtitam ||
||18||sahasranāmnāmākṛṣya mayā proktaṃ manoharam
brāhme muhūrte cotthāya smṛtvā devaṃ gaṇeśvaram
paṭhetstotramidaṃ bhaktyā gaṇarājaḥ prasīdati ||
||19||iti śrīgaṇeśapurāṇe upāsanākhaṇḍe śrīgaṇapatyaṣṭottaraśatanāmastotraṃ sampūrṇam