pāramparikam
nārāyaṇakulodbhūto nārāyaṇaparo varaḥ |
nārāyaṇāvatāraśca nārāyaṇavaśaṃvadaḥ ||
||1||svayambhūvaṃśasambhūto vasiṣṭhakuladīpakaḥ |
śaktipautraḥ pāpahantā parāśarasuto'malaḥ ||
||2||dvaipāyano mātṛbhaktaḥ śiṣṭaḥ satyavatīsutaḥ |
svayamudbhūtavedaśca caturvedavibhāgakṛt ||
||3||mahābhāratakartā ca brahmasūtraprajāpatiḥ |
aṣṭādaśapurāṇānāṃ kartā śyāmaḥ praśiṣyakaḥ ||
||4||śukatātaḥ piṅgajaṭaḥ prāṃśurdaṇḍī mṛgājinaḥ |
vaśyavāg jñānadātā ca śaṅkarāyuḥpradaḥ śuciḥ ||
||5||mātṛvākyakaro dharmī karmī tattvārthadarśakaḥ |
sañjayajñānadātā ca pratismṛtyupadeśakaḥ ||
||6||sarvadharmopadeṣṭā ca mṛtadarśanapaṇḍitaḥ |
vicakṣaṇaḥ prahṛṣṭātmā parvapūjyaḥ prabhurmuniḥ ||
||7||vīro viśrutavijñānaḥ prājñaścājñānanāśanaḥ |
brāhmakṛt pādmakṛd dhīro viṣṇukṛcchivakṛt tathā ||
||8||śrībhāgavatakartā ca bhaviṣyaracanādaraḥ |
nāradākhyasya kartā ca mārkaṇḍeyakaro'gnikṛt ||
||9||brahmavaivartakartā ca liṅgakṛcca varāhakṛt |
skāndakartā vāmanakṛt kūrmakartā ca matsyakṛt ||
||10||garuḍākhyasya kartā ca brahmāṇḍākhyapurāṇakṛt |
upapurāṇānāṃ kartā purāṇaḥ puruṣottamaḥ ||
||11||kāśivāsī brahmanidhirgītādātā mahāmatiḥ |
sarvajñaḥ sarvasiddhiśca sarvaśāstrapravartakaḥ ||
||12||sarvāśrayaḥ sarvahitaḥ sarvaḥ sarvaguṇāśrayaḥ |
viśuddhaḥ śuddhikṛd dakṣo viṣṇubhaktaḥ śivārcakaḥ ||
||13||devībhaktaḥ skandarucirgaṇeśādṛcca yogavit |
pailācārya ṛcaḥ kartā śākalyāryaśca yājuṣaḥ ||
||14||jaiminyāryaḥ sāmakartā sumantvāryo'pyatharvakṛt |
romaharṣaṇasūtāryo lokācāryo mahāmuniḥ ||
||15||vyāsakāśīratirviśvapūjyo viśveśapūjakaḥ |
śāntaḥ śāntākṛtiḥ śāntacittaḥ śāntipradastathā ||
||16||iti vyāsāṣṭottaraśatanāmastotraṃ sampūrṇam