Śrīśaṅkarabhagavatpādakṛtā
citisvarūpaṃ svata eva me mate rasādiyogastava mohakāritaḥ |
ato na kiṃcit tava ceṣṭitena me phalaṃ bhavet sarvaviśeṣahānataḥ ||
||1||vimucya māyāmayakāryatāmiha praśāntimāyāhyasadīhitāt sadā |
ahaṃ paraṃ brahma sadā vimuktavat tathājamekaṃ dvayavarjitaṃ yataḥ ||
||2||sadā ca bhūteṣu samo'smi kevalo yathā ca khaṃ sarvagamakṣaraṃ śivam |
nirantaraṃ niṣkalamakriyaṃ paraṃ tato na me'stīha phalaṃ tavehitaiḥ ||
||3||ahaṃ mamaiko na tadanyadiṣyate tathā na kasyāpyahamasmyasaṅgataḥ |
asaṅgarūpo'hamato na me tvayā kṛtena kāryaṃ tava cādvayatvataḥ ||
||4||phale ca hetau ca jano viṣaktavāniti pracinyāhamato vimokṣaṇe |
janasya saṃvādamimaṃ prakl̤ptavān svarūpatattvārthavibodhakāraṇam ||
||5||saṃvādametaṃ yadi cintayen naro vimucyate'jñānamahābhayāgamāt |
vimuktakāmaśca tathā janaḥ sadā caratyaśokaḥ sama ātmavit sukhī ||
||6||