Śrīśaṅkarabhagavatpādakṛtā
mūtrāśaṅko yathodaṅko nāgrahīdamṛtaṃ muniḥ |
karmanāśabhayāj jantorātmajñānāgrahastathā ||
||1||buddhisthaścalatīvātmā dhyāyatīva ca dṛśyate |
naugatasya yathā vṛkṣāstadvat saṃsāravibhramaḥ ||
||2||nausthasya prātilomyena nagānāṃ gamanaṃ yathā |
ātmanaḥ saṃsṛtistadvad dhyāyatīveti hi śrutiḥ ||
||3||caitanyapratibimbena vyāpto bodho hi jāyate |
buddheḥ śabdādinirbhāsastena momuhyate jagat ||
||4||caitanyābhāsatāhamastādarthyaṃ ca tadasya yat |
idamaṃśaprahāṇe na paraḥ so'nubhavo bhavet ||
||5||