Śrī ramaṇa catvāriṃśat

vāsiṣṭhagaṇapatimuniviracitā

Jump to verse

1–20

1. 1
2. 2
3. 3
4. 4
5. 5
6. 6
7. 7
8. 8
9. 9
10. 10
11. 11
12. 12
13. 13
14. 14
15. 15
16. 16
17. 17
18. 18
19. 19
20. 20

21–40

1. 21
2. 22
3. 23
4. 24
5. 25
6. 26
7. 27
8. 28
9. 29
10. 30
11. 31
12. 32
13. 33
14. 34
15. 35
16. 36
17. 37
18. 38
19. 39
20. 40

vande śrīramaṇarṣerācāryasya padābjam |

yo me'darśayadīśaṃ bhāntaṃ dhvāntamatītya ||

kathayā nijayā kaluṣaṃ haratā karuṇānidhinā'ruṇaśailajuṣā |

khagavāhanabhāṣitatattvavidā vṛṣavāhanamaunarahasyabhṛtā ||

||1||

Copy textCopy citationPin

gaṇarāṇmukhasūrisabhāguruṇā guṇasañcayaratnamahodadhinā |

ghanagūḍhasahasrakareṇa yathā tanukañcukaguptamahāmahasā ||

||2||

Copy textCopy citationPin

catureṇa calendriyanigrahaṇe paṭunā parakīyaguṇagrahaṇe |

chalavarjitamaunasamādhijuṣā balatarjitabhīkarakāmaruṣā ||

||3||

Copy textCopy citationPin

jaṭharaṃ samaye paripūrayatā kaṭhinaṃ vratamadritaṭe caratā |

jhaṣaketanaśastradurāpahṛdā kṛṣimātmavibodhavidhau dadhatā ||

||4||

Copy textCopy citationPin

bhavabhīkaravārinidhiṃ taratā karatāmarasena supātravatā |

svadṛśā'dhikaśītalakāntibhṛtā bhayamaṅghrisarojajuṣāṃ haratā ||

||5||

Copy textCopy citationPin

namatāmatibhaktimatāṃ nidhinā ghanatāpavidhūnanasannidhinā |

yatidharmatatiṃ paripālayatā paritaśca tamo vinivārayatā ||

||6||

Copy textCopy citationPin

phaṇināyakavarṇyaguṇaughabhṛtā bhaṇitīḥ priyasatyahitā bhaṇatā |

bahumānavaśādayatā sukhitāmavamānatateravidūnavatā ||

||7||

Copy textCopy citationPin

yatināmadhipena kuśāgralasanmatinā dhṛtinā śitacittabhuvā |

laharīṃpramadasya sadāvahatā nihatāntaraśātravasaṃhatinā ||

||8||

Copy textCopy citationPin

bhagavatpadamanyajanāsulabhaṃ svaguṇairadhigatya paraṃ jayatā |

mamatārahitena hitena satāṃ nihitena gaṇaprabhuṇā hṛdaye ||

||9||

Copy textCopy citationPin

dharaṇīdharajāṅkamapi tyajatā dharaṇītalavāsitamodhutaye |

naraveṣabhṛtā nagarandhrakṛtā ramaṇena sanāthamidaṃ bhuvanam ||

||10||

Copy textCopy citationPin

paradeśineva dhavalena vāsasaḥ śakalena veṣṭitakaṭīviśobhinā |

varadeśikena naraveṣadhāriṇā śikhivāhanena gurumajjagadbhavet ||

||11||

Copy textCopy citationPin

atītaguṇajālāya naiṣṭhikabrahmacāriṇe |

namo māyāmanuṣyāya gurave tārakāraye ||

||12||

Copy textCopy citationPin

yānāyātra na kekināṃ kulapatiḥ snānāya na svarṇadī

pānāya kṣitibhṛnmahendraduhiturnastanyadugdhāmṛtam |

gānāya pramatheśvarāssavayaso naivātra vīṇābhṛto

vāsaṃ śoṇagirau karoṣi bhagavan krauñcādribhettaḥ kutaḥ ||

||13||

Copy textCopy citationPin

ekaṃ vaktramumāṅkavāsavirahaḥ pāṇau na śaktyāyudhaṃ

martyatvaṃ na patākinī ca pṛtanā pārśvadvaye nākinām |

veṣo'laṃ punareṣa mugdhanayanapracchādane bhūjuṣā-

mantardhānamupaiṣi tārakaripo kva stanyadāyādataḥ ||

||14||

Copy textCopy citationPin

kecidyogavidāṃ puraḥsara iti prajñānibuddhyā pare

sādhuḥ kaściditītare gurudhiyā ke'pyaṅghripadmaṃ tava |

sevante ramaṇābhidhānamanujakṣemāya jātakṣitau

dvitrāstvāṃ girijāṅkapīṭhanilayaṃ jānanti devaṃ guham ||

||15||

Copy textCopy citationPin

oṅkārārthamupādiśo bhagavate vāṇīmanohāriṇe

tātāyāpyupadeṣṭumudyatamabhūt kiñcittvadīyaṃ mukham |

jyeṣṭhasyādya sahodarasya gurutāṃ prāpto'si dhīgauravāt

subrahmaṇya kaniṣṭhatāmapi gataḥ sarvādhikastvaṃ guṇaiḥ ||

||16||

Copy textCopy citationPin

yatpūrvaṃ śrutipāradarśidhiṣaṇo dvaipāyano'dhyāruhat

paścādbodhakalāvidhūtatimiraḥ śaṅkāpahaśśaṅkaraḥ |

tatsampratyakhilāvanītalajuṣāmācāryasiṃhāsanaṃ

deva tvāṃ prativīkṣate naratano gīrvāṇasenāpate ||

||17||

Copy textCopy citationPin

dharme nāśamupāgate tribhuvane paryākule pāpataḥ

prajñāne parito girāṃ pathi mudhā sañcāryamāṇe janaiḥ |

sadbhāve parameśvarasya ca pituḥ sandehaḍolāṃ gate

dvīpaḥ kaitavamartyakekituraga tvāmantarā kassatām ||

||18||

Copy textCopy citationPin

vairāgyaṃ tava vittamastu karuṇāṃ śaknoṣi hātuṃ kathaṃ

dūśyaste'stu samudyamaḥ pitṛpadadhyānaṃ ca kiṃ tādṛśam |

kāmaste'stu vigarhito vinamatāṃ rakṣā ca kiṃ garhitā

skandacchadmamanuṣya kiṃ nu samayaṃ kañcitsamudvīkṣase ||

||19||

Copy textCopy citationPin

dūraṃ yāhi kuvāda dharmavṛṣa te netaḥ paraṃ paṅgutā

durbhrānte bhuvanaṃ jahīhi parito vardhasva saṃsatsatām |

sodaryeṇa samanvito bhuvamimāṃ prāpto gurugrāmaṇīḥ

śūrāntaḥpuranetravibhramaharo devo bhavānīsutaḥ ||

||20||

Copy textCopy citationPin

janmasthānamavāpya guptamahamo yo bhedamādhūtavān

bhūtānāṃ caratāṃ pṛthagvidhadhiyāmātmaiva yo bhāsate |

dehaṃ sarvamidaṃ jagacca vibhavādākramya yaḥ prollasa-

tyekastaṃ gurumūrtimānamata re lambodarabhrātaram ||

||21||

Copy textCopy citationPin

antaryaśca bahirvidhūtatimiraṃ jyotirmayaṃ śāśvataṃ

sthānaṃ prāpya virājate vinamatāmajñānamunmūlayan |

paśyanviśvamapīdamullasati yo viśvasya pāre para-

stasmai śrīramaṇāya lokagurave śokasya hantre namaḥ ||

||22||

Copy textCopy citationPin

prasaratāditaḥ śubhavilokitam |

ramaṇa te sakṛtphalatu me kṛtam ||

||23||

Copy textCopy citationPin

ramaṇa janmināmayi bhavān guruḥ |

abhida āśayastava mahānuruḥ ||

||24||

Copy textCopy citationPin

jagadahaṃ paraḥ sphurati me trayam |

sadabhidaṃ girā tava visaṃśayam ||

||25||

Copy textCopy citationPin

tvadupadeśato galati saṃvidā |

mayi niranyayā sadahamorbhidā ||

||26||

Copy textCopy citationPin

ahami yo'ntarastamamalaṃ hṛdi |

anubhavema bhostava kṛpā yadi ||

||27||

Copy textCopy citationPin

na karuṇā guṇastava vidāṃ pate |

hṛdayatejasaḥ sahajabhaivate ||

||28||

Copy textCopy citationPin

tava tanurjvalatyanagha vidyutā |

tava dṛgātatā lasati bhāsvatā ||

||29||

Copy textCopy citationPin

kabalitaṃ manastava vibho hṛdā |

tvamasi santataṃ vilasito mudā ||

||30||

Copy textCopy citationPin

bhuvanabhūpaterbhagavataḥ kṛte |

bhavasi pācako yamavatāṃ pate ||

||31||

Copy textCopy citationPin

narapaśūnimānahami tāḍayan |

paraśivaudanaṃ vitanuṣe pacan ||

||32||

Copy textCopy citationPin

timirāṇi na kevalaṃ vacobhiḥ

karuṇāpāṅgavilokitaiśca nṝṇām |

hṛdaye prasaranti mardayantaṃ

bhagavantaṃ ramaṇaṃ guruṃ namāmi ||

||33||

Copy textCopy citationPin

bhavajalanidhiṃ gāhaṃ gāhaṃ cirādalasālasān

padajalaruhadvandvadvīpaṃ śritāṃstava samprati |

ramaṇabhagavan kalyāṇānāṃ niketana pāhi naḥ

sadaya dayayā siktairbhaktānapāṅgavilokitaiḥ ||

||34||

Copy textCopy citationPin

yadi na jananī stanyaṃ dadyācchiśorbata kā gatiḥ

yadi paśupatiḥ krodhaṃ kuryātpaśoravanaṃ kutaḥ |

yadi padajuṣāmācārya tvaṃ nihaṃsi na saṃśayaṃ

bhramaśataparābhūtā ete tarantu bhavaṃ katham ||

||35||

Copy textCopy citationPin

viśadahasite pūrṇā śāntiḥ sudhākarasodare

sthirapṛthulayoḥ pūrṇā śaktirdṛśoratulārciṣoḥ |

hṛdayakamale nityā niṣṭhā bahiśca saratprabhe

ramaṇabhagavan ko vā maunī samastava bhūtale ||

||36||

Copy textCopy citationPin

devī śaktiriyaṃ dṛśoḥ śritajanadhvāntakṣayādhāyinī

devī śrīriyamambujākṣamahiṣī vaktro sahasracchade |

devī brahmavadhūriyaṃ vijayate vyāhāragūḍhā parā

viśvācārya mahānubhāva ramaṇa tvāṃ stautu kaḥ prākṛtaḥ ||

||37||

Copy textCopy citationPin

so'haṃ jāto ramaṇabhagavan pādayoste daviṣṭho

yadyapyasminmahati samaye śaktilāsye pravṛtte |

sūryasyeva jvalitamahaso dūragāṃ nātha śaktiṃ

viśvasyāgyrāṃ tava mama mano vītaduḥkhaṃ tathāpi ||

||38||

Copy textCopy citationPin

tadbhāgadheyamasamānamanekamauni-

vāsārjitaṃ kṣitibhṛtaḥ khalu lohitasya |

aṅgīcakāra bhagavān ramaṇo maharṣi-

ranyeṣu satsu yadimaṃ bahuṣu sthaleṣu ||

||39||

Copy textCopy citationPin

śāntirnitāntamadhikā paramāsya śakti-

rvairāgyamadbhutatamaṃ karuṇā tu sāndrā |

jñānaṃ nirastakuhanaṃ madhuraṃ ca vṝttaṃ

nṝṇāṃ nidarśanamayaṃ ramaṇo maharṣiḥ ||

||40||

Copy textCopy citationPin

nārasiṃhirgaṇapatirvāsiṣṭho ramaṇaṃ gurum |

catvāriṃśanmitaiḥ padyaiḥ skandāṃśaṃ stutavānṛṣim ||