pāramparikam
nārasiṃho mahāsiṃho divyasiṃho mahābalaḥ |
ugrasiṃho mahādevaḥ stambhajaścogralocanaḥ ||
||1||raudraḥ sarvādbhutaḥ śrīmān yogānandastrivikramaḥ |
hariḥ kolāhalaścakrī vijayo jayavardhanaḥ ||
||2||pañcānanaḥ parabrahma aghoro ghoravikramaḥ |
jvālāmukho jvālāmālī mahājvālo mahāprabhuḥ ||
||3||niṭilākṣaḥ sahasrākṣo durnirīkṣyaḥ pratāpanaḥ |
mahādaṃṣṭrāyudhaḥ prājñaścaṇḍakopī sadāśivaḥ ||
||4||hiraṇyakaśipudhvaṃsī daityadānavabhañjanaḥ |
guṇabhadro mahābhadro balabhadro subhadrakaḥ ||
||5||karālo vikarālaśca vikartā sarvakartṛkaḥ |
śiṃśumārastrilokātmā īśaḥ sarveśvaro vibhuḥ ||
||6||bhairavāḍambaro divyaścācyutaḥ kavimādhavaḥ |
adhokṣajo'kṣaraḥ śarvo vanamālī varapradaḥ ||
||7||viśvambharo'dbhuto bhavyo viṣṇuśca puruṣottamaḥ |
amoghāstro nakhāstraśca sūryajyotiḥ sureśvaraḥ ||
||8||sahasrabāhuḥ sarvajñaḥ sarvasiddhipradāyakaḥ |
vajradaṃṣṭro vajranakho mahānādaḥ parantapaḥ ||
||9||sarvamantraikarūpaśca sarvayantravidāraṇaḥ |
sarvatantrātmako'vyaktaḥ suvyakto bhaktavatsalaḥ ||
||10||vaiśākhaśuklasambhūtaḥ śaraṇāgatavatsalaḥ |
udārakīrtiḥ puṇyātmā mahātmā caṇḍavikramaḥ ||
||11||vedatrayaprapūjyaśca bhagavān parameśvaraḥ |
śrīvatsāṅkaḥ śrīnivāso jagadvyāpī jaganmayaḥ ||
||12||jagatpālo jagannātho mahākāyo dvirūpabhṛt |
paramātmā parañjyotirnirguṇaśca nṛkesarī ||
||13||paratattvaṃ parandhāma saccidānandavigrahaḥ |
lakṣmīnṛsiṃhaḥ sarvātmā dhīraḥ prahlādapālakaḥ ||
||14||iti śrī-nṛsiṃhāṣṭottaraśatanāmastotraṃ sampūrṇam