| Khaṇḍa | Sūtras |
|---|---|
| Prathamaḥ khaṇḍaḥ | 15 |
| Dvitīyaḥ khaṇḍaḥ | 18 |
| Tṛtīyaḥ khaṇḍaḥ | 11 |
| Caturthaḥ khaṇḍaḥ | 9 |
| Pañcamaḥ khaṇḍaḥ | 9 |
| Ṣaṣṭhaḥ khaṇḍaḥ | 16 |
| Saptamaḥ khaṇḍaḥ | 21 |
Prathamaḥ khaṇḍaḥ
athaiteṣāmahnāṃ yogaviśeṣān vakṣyāmo yathāyuktāni yasmai yasmai kāmāya bhavanti
||1||ayamevaikāho'tirātra ādau prāyaṇīyaḥ
||2||eṣo'ntya udayanīyaḥ
||3||avyakto madhye
||4||ahīneṣu vaiśvānara eṣa eva
||5||tāvantareṇa vyūlho daśarātraḥ
||6||eṣā prakṛtiḥ satrāṇāṃ
||7||tatrāvāpasthānaṃ
||8||ūrdhvaṃ daśarātrādekāhārthe mahāvrataṃ
||9||prāgdaśarātrāditareṣāmahnāṃ
||10||dvyahārthe goāyuṣī | tryahārthe trikadrukāḥ | abhiplavatryahaṃ pūrvaṃ trikadrukā ityācakṣate | caturahārthe trikadrukā mahāvratañca
||11||pañcāhārthe'bhiplavapañcāhaḥ | uttamasya tu ṣaṣṭhāt tṛtīyasavanaṃ
||12||ṣaḍahārthe'bhiplavaḥ ṣaḍahaḥ | evaṃnyāyā āvāpāḥ
||13||ṣaḍahāntāḥ punaḥ punaḥ
||14||pūrṇaḥ pūrṇaśca ṣaḍahastantratāmeva gacchati
||15||Dvitīyaḥ khaṇḍaḥ
dvau trayodaśarātrau
||1||ṛddhikāmānāṃ prathamaṃ | pṛṣṭhyaṃ chandomāścāntarā sarvastomo'tirātraḥ
||2||nyāyakḷptaṃ vratavantaṃ pratiṣṭhākāmā dvitīyaṃ
||3||dvau pṛṣṭhyāvāvṛtta uttaraḥ
||5||talpe vodake vā vivāhe vā mīmāṃsyamānā dvitīyaṃ
||6||pṛṣṭhyamabhitastrikadrukāḥ
||7||nyāyakḷptaṃ dvyahopajanaṃ pratiṣṭhākāmāstṛtīyaṃ
||8||catvāri pañcadaśa rātrāṇi devatvamīpsatāṃ prathamaṃ | prathamasya caturdaśarātrasya pṛṣṭhyamadhye mahāvrataṃ
||9||brahmavarcasakāmā dvitīyaṃ | dvitīyasya caturdaśarātrasyāgniṣṭutprāyaṇīyādanantaraḥ
||10||sātrāhainikā ubhau lokāvāpsyatāṃ tṛtīyaṃ
||11||tṛtīyasya caturdaśarātrasyāgniṣṭut prāyaṇīyasthāne nyāyakḷptastryahopajanaḥ śeṣaḥ
||12||nyāyakḷptaṃ tryahopajanaṃ pratiṣṭhākāmāścaturthaṃ
||13||ṣoḍaśarātraṃ catūrātropajanamannādyakāmāḥ
||14||saptadaśarātraṃ pañcarātropajanaṃ paśukāmāḥ
||15||aṣṭādaśarātramāyuṣkāmāḥ
||16||ṣaḍahaścātra pūryate | satantrasyopajanaṃ vakṣyāmaḥ
||17||ekānnaviṃśatirātramekarātropajanaṃ grāmyāraṇyān paśūnavarurutsyamānāḥ
||18||viṃśatirātraṃ pratiṣṭhākāmāḥ | abhijidviśvajitāvabhiplavādūrdhvaṃ
||19||Tṛtīyaḥ khaṇḍaḥ
dvāvekaviṃśatirātrau pratiṣṭhākāmānāṃ prathamaṃ | trayāṇāmabhiplavānāṃ prathamāvantarā'tirātraḥ
||1||brahmavarcasakāmā dvitīyaṃ | navarātrasyābhijidviśvajitoḥ sthāne dvau pṛṣṭhyāvāvṛtta uttaraḥ
||2||saṃvatsarasammitā ityācakṣate
||3||dvāviṃśatirātraṃ catūrātropajanamannādyakāmāḥ
||4||trayoviṃśatirātraṃ pañcarātropajanaṃ paśukāmāḥ
||5||dvau caturviṃśatirātrau prajātikāmāḥ paśukāmā vā prathamaṃ
||6||ṣaḍahaścātra pūryate | satantrasyopajanaṃ vakṣyāmaḥ | svarge loke satsyanto bradhnasya viṣṭapaṃ rokṣyanto dvitīyaṃ
||7||pṛṣṭhyastomastrayastriṃśo nirukto viśālaḥ pṛṣṭyastomā ekaviṃśatriṇavatrayastriṃśāḥ pratilomāḥ pūrvasmiṃstryahe'nulomā uttarasmin saviśālo'pi vottara eva tryahaḥ pratilomo'nulomaścāniruktamaharāvṛttaḥ pṛṣṭhyastomaḥ
||8||trivṛdaniruktaḥ
||9||jyotirubhayasāmā
||10||saṃsadāmayanamityetadācakṣate | pañcaviṃśatirātramekarātropajanamannādyakāmāḥ | ṣaḍviṃśatirātraṃ dvirātropajanaṃ pratiṣṭhākāmāḥ | saptaviṃśatirātraṃ trirātropajanamṛddhikāmāḥ | aṣṭāviṃśatirātraṃ catūrātropajanaṃ brahmavarcasakāmāḥ | ekānnatriśadrātraṃ pañcarātropajanaṃ paramāṃ vijitiṃ vijigīṣamāṇāḥ | triṃśadrātramannādyakāmāḥ | ṣaḍahaścātra pūryate satantrasyopajanaṃ vakṣyāmaḥ | ekatriṃśadrātramekarātropajanamannādyakāmāḥ | dvātriṃśadrātraṃ dvirātropajanaṃ pratiṣṭhākāmāḥ
||11||Caturthaḥ khaṇḍaḥ
trīṇi trayastriṃśadrātrāṇi pratiṣṭhākāmānāṃ prathamaṃ | trayāṇāmabhiplavānāmupariṣṭādupariṣṭādatirātraḥ
||1||brahmavarcasakāmā dvitīyaṃ | caturṇāṃ pañcarātrāṇāmāvṛtta uttamaḥ uttamau cāntarā sarvastomo'tirātraḥ
||2||ubhau lokāvāpsyatāṃ tṛtīyaṃ ṣaṇṇāṃ pañcarātrāṇāṃ madhye viśvajidatirātraḥ
||3||āvṛttāstūttare trayaḥ
||4||catustriṃśadrātraṃ catūrātropajanamannādyakāmāḥ
||5||paśukāmānāmuttarāṇi catvāri | pañcatriṃśadrātraḥ pañcarātropajanaḥ
||6||ṣaṭtriṃśadrātre ṣaḍaha upajāyate | satantrasyopajanaṃ vakṣyāmaḥ | saptatriṃśadrātra ekarātropajanaḥ
||7||aṣṭātriṃśadrātro dvirātropajanaḥ | ekānnacatvāriṃśadrātraṃ trirātropajanamanantāṃ śriyamicchantaḥ | catvāriṃśadrātraṃ catūrātropajanaṃ paramāyāṃ virāji pratitiṣṭhantaḥ | ekacatvāriṃśadrātraprabhṛtīnyuttarāṇi nyāyenāṣṭācatvāriṃśadrātrāt | pañcāśadrātraprabhṛtīni cāṣaṣṭirātrāt | dviṣaṣṭirātraprabhṛtīni caikonaśatarātrāt
||8||tatraikarātracatūrātropajanāni vratavanti
||9||Pañcamaḥ khaṇḍaḥ
saptaikānnapañcāśadrātrāṇi vipāpmanā vatsyantaḥ prathamaṃ
||1||atirātrastrīṇi trivṛntyahānyatirātro daśapañcadaśānyatirātro dvādaśasaptadaśānyatirātraḥ pṛṣṭhyo'tirātro dvādaśaikaviṃśānyatirātraḥ
||2||trivṛtāṃ prathamo'gniṣṭomaḥ ṣoḍaśyuttamaḥ pañcadaśānāṃ ukthyā itare vidhṛtaya ityācakṣate
||3||yamātirātraṃ yamāṃ dviguṇāmiva śriyamicchantaḥ
||4||dvāvabhiplavau goāyuṣī atirātrau dvāvabhiplavāvabhijidviśvajitāvatirātrāveko'bhiplavaḥ | sarvastomanavasaptadaśāvatirātrau mahāvrataṃ
||5||svānāṃ śraiṣṭhyakāmāstṛtīyaṃ | caturṇāṃ pṛṣṭhyāhnāmekaikaṃ navakṛtvaḥ
||6||navavargāṇāṃ prathamaṣaṣṭhasaptamottamānyahānyagniṣṭomāḥ
||7||ukthyā itare pañca mahāvrataṃ
||8||savituḥkakubha ityācakṣate
||9||Ṣaṣṭhaḥ khaṇḍaḥ
trayāṇāmuttareṣāṃ nyāyakḷptā abhiplavāḥ
||1||prathamasya tūrdhvaṃ caturthāt sarvastomo'tirātraḥ
||2||upasatsu gārhapatye guggulusugandhitejanapaitudārubhiḥ pṛthaksarpīṃṣi vipacyānusavanaṃ sanneṣu nārāśaṃseṣvāñjīrannabhyañjīraṃśca
||3||ye varcasā na bhāyurye vātmānaṃ naiva jānīraṃsta etā upeyuḥ
||4||āñjanābhyañjanīyā ityācakṣate
||5||etā eva pratiṣṭhākāmānāmāñjanābhyañjanavarjaṃ
||6||etāsāmeva sarvastomasthāne mahāvrataṃ
||7||aindramatyanyāḥ prajā bubhūṣantaḥ
||8||etāsāmeva sarvastomamuddhṛtya yathāsthānaṃ mahāvrataṃ
||9||saṃvatsarakāmānāpsyanta uttamaṃ
||10||atirātraścaturviṃśantrayo'bhiplavā navarātro'bhiplavau goāyuṣī daśarātro vratamatirātraḥ
||11||saṃvatsarasammitā ityācakṣate
||12||ekaṣaṣṭirātraṃ pratiṣṭhākāmāḥ | etāsāmeva pṛṣṭhyāvabhito navarātraṃ
||13||tayorāvṛtta uttaraḥ
||14||śatarātramāyuṣkāmāḥ | caturddaśābhiplavāścaturahopajanāḥ
||15||iti rātrisatrāṇi
||16||Saptamaḥ khaṇḍaḥ
atha gavāmayanaṃ sarvakāmāḥ
||1||prāyaṇīyacaturviṃśe upetya caturabhiplavān pṛṣṭhyapañcamān pañca māsānupayanti
||2||atha ṣaṣṭhaṃ sambharanti
||3||trīnabhiplavān pṛṣṭhyamabhijitaṃ svarasāmna iti
||4||ādyābhyāṃ pūryate'hobhyāṃ
||5||iti nu pūrvaṃ pakṣaḥ
||6||atha viṣuvānekaviṃśaḥ
||7||na pūrvasya pakṣaso nottarasya
||8||āvṛttāḥ svarasāmānaḥ ṣaḍahāścottarasya pakṣasaḥ
||9||svarasāmno viśvajitaṃ pṛṣṭhaṃ trīnabhiplavāniti saptamandvirātronaṃ kṛtvā'tha pṛṣṭhyamukhāṃścaturabhiplavāṃścaturo māsānupayanti
||10||athottamaṃ sambharanti | trīnabhiplavān goāyuṣī daśarātraṃ | vratodayanīyābhyāṃ saptamaḥ pūryate
||11||iti nvekasambhāryamuttaraṃ pakṣaḥ
||12||atha dvisambhāryaṃ
||13||vratodayanīye evottamasya | goāyuṣī saptamasya
||14||goāyuṣī vā vihareyuḥ
||15||gāṃ viśvajito'nantaraṃ
||16||āyuṣaṃ pūrvaṃ daśarātrāt
||17||api vordhvaṃ viśvajitaḥ saptamaṃ savanamāsaṃ kṛtvoddhareyurgoāyuṣī daśarātrañca
||18||api vottarasya pakṣaso'hānyevāvartterannanulomāḥ ṣaḍahāḥ syuḥ ṣaḍahā vā''varttarannanulomānyahāni
||19||iti gavāmayanaṃ
||20||sarve vā ṣaḍahā abhiplavāḥ syurabhiplavāḥ syuḥ
||21||