pāramparikam
dhyānam
yā kundendutuṣārahāradhavalā yā śubhravastrāvṛtā
yā vīṇāvaradaṇḍamaṇḍitakarā yā śvetapadmāsanā |
yā brahmācyutaśaṅkaraprabhṛtibhirdevaiḥ sadā pūjitā
sā māṃ pātu sarasvatī bhagavatī niḥśeṣajāḍyāpahā ||
||1||stotram
sarasvatī mahābhadrā mahāmāyā varapradā |
śrīpradā padmanilayā padmākṣī padmavaktrakā ||
||2||śivānujā pustakabhṛjjñānamudrā ramā parā |
kāmarūpā mahāvidyā mahāpātakanāśinī ||
||3||mahāśrayā mālinī ca mahābhogā mahābhujā |
mahābhāgā mahotsāhā divyāṅgā suravanditā ||
||4||mahākālī mahāpāśā mahākārā mahāṅkuśā |
pītā ca vimalā viśvā vidyunmālā ca vaiṣṇavī ||
||5||candrikā candravadanā candralekhavibhūṣitā |
sāvitrī surasā devī divyālaṅkārabhūṣitā ||
||6||vāgdevī vasudā tīvrā mahābhadrā mahābalā |
bhogadā bhāratī bhāmā govindā gomatī śivā ||
||7||jaṭilā vindhyavāsā ca vindhyācalavirājitā |
caṇḍikā vaiṣṇavī brāhmī brahmajñānaikasādhanā ||
||8||saudāminī sudhāmūrtiḥ subhadrā surapūjitā |
suvāsinī sunāsā ca vinidrā padmalocanā ||
||9||vidyārūpā viśālākṣī brahmajāyā mahāphalā |
trayīmūrtī trikālajñā triguṇā śāstrarūpiṇī ||
||10||śumbhāsurapramathinī śubhadā ca svarātmikā |
raktabījanihantrī ca cāmuṇḍā cāmbikā tathā ||
||11||muṇḍakāyapraharaṇā dhūmralocanamardanā |
sarvadevastutā saumyā surāsuranamaskṛtā ||
||12||kālarātriḥ kalādhārā rūpasaubhāgyadāyinī |
vāgdevī ca varārohā vārāhī vārijāsanā ||
||13||citrāmbarā citragandhā citramālyavibhūṣitā |
kāntā kāmapradā vandyā vidyādharasupūjitā ||
||14||śvetānanā nīlabhujā caturvargaphalapradā |
caturānanasāmrājyā raktamadhyā nirañjanā ||
||15||haṃsāsanā nīlajaṅghā brahmaviṣṇuśivātmikā |
evaṃ sarasvatīdevyā nāmnāmaṣṭottaraṃ śatam ||
||16||iti śrī-sarasvatyaṣṭottaraśatanāmastotraṃ sampūrṇam