pāramparikam
nyāsaḥ
asya śrīdurgāṣṭottaraśatanāmāstotramālāmantrasya mahāviṣṇumaheśvarāḥ ṛṣayaḥ| anuṣṭup chandaḥ| śrīdurgāparameśvarī devatā| hrāṃ bījam| hrīṃ śaktiḥ| hrūṃ kīlakam| sarvābhīṣṭasiddhyarthe japahomārcane viniyogaḥ|
stotram
satī sādhvī bhavaprītā bhavānī bhavamocanī |
āryā durgā jayā cā''dyā trinetrā śūladhāriṇī ||
||1||pinākadhāriṇī citrā caṇḍaghaṇṭā mahātapāḥ |
mano buddhirahaṅkārā cidrūpā ca cidākṛtiḥ ||
||2||anantā bhāvinī bhavyā hyabhavyā ca sadāgatiḥ |
śāmbhavī devamātā ca cintā ratnapriyā tathā ||
||3||sarvavidyā dakṣakanyā dakṣayajñavināśinī |
aparṇā'nekavarṇā ca pāṭalā pāṭalāvatī ||
||4||paṭṭāmbaraparīdhānā kalamañjīrarañjinī |
īśānī ca mahārājñī hyaprameyaparākramā ||
||5||rudrāṇī krūrarūpā ca sundarī surasundarī |
vanadurgā ca mātaṅgī mataṅgamunikanyakā ||
||6||brāhmī māheśvarī caindrī kaumārī vaiṣṇavī tathā |
cāmuṇḍā caiva vārāhī lakṣmīśca puruṣākṛtiḥ ||
||7||vimalā jñānarūpā ca kriyā nityā ca buddhidā |
bahulā bahulapremā mahiṣāsuramardinī ||
||8||madhukaiṭabhahantrī ca caṇḍamuṇḍavināśinī |
sarvaśāstramayī caiva sarvadānavaghātinī ||
||9||anekaśastrahastā ca sarvaśastrāstradhāriṇī |
bhadrakālī sadākanyā kaiśorī yuvatiryatiḥ ||
||10||prauḍhā'prauḍhā vṛddhamātā ghorarūpā mahodarī |
balapradā ghorarūpā mahotsāhā mahābalā ||
||11||agnijvālā raudramukhī kālarātrī tapasvinī |
nārāyaṇī mahādevī viṣṇumāyā śivātmikā ||
||12||śivadūtī karālī ca hyanantā parameśvarī |
kātyāyanī mahāvidyā mahāmedhāsvarūpiṇī ||
||13||gaurī sarasvatī caiva sāvitrī brahmavādinī |
sarvatattvaikanilayā vedamantrasvarūpiṇī ||
||14||phalaśrutiḥ
idaṃ stotraṃ mahādevyā nāmnām aṣṭottaraṃ śatam |
yaḥ paṭhet prayato nityaṃ bhaktibhāvena cetasā ||
||15||śatrubhyo na bhayaṃ tasya tasya śatrukṣayaṃ bhavet |
sarvaduḥkhadaridrācca susukhaṃ mucyate dhruvam ||
||16||vidyārthī labhate vidyāṃ dhanārthī labhate dhanam |
kanyārthī labhate kanyāṃ kanyā ca labhate varam ||
||17||ṛṇī ṛṇād vimucyeta hyaputro labhate sutam |
rogād vimucyate rogī sukhamatyantamaśnute ||
||18||bhūmilābho bhavet tasya sarvatra vijayī bhavet |
sarvān kāmānavāpnoti mahādevīprasādataḥ ||
||19||kuṅkumairbilvapatraiśca sugandhai raktapuṣpakaiḥ |
raktapatrairviśeṣeṇa pūjayan bhadramaśnute ||
||20||iti śrī-durgāṣṭottaraśatanāmastotraṃ sampūrṇam