śrīmadbhāgavatam
dhyānam
sitamakaraniṣaṇṇāṃ śubhravarṇāṃ trinetrāṃ
karadhṛtakalaśodyatsotpalāmatyabhīṣṭām |
vidhiharihararūpāṃ sendukoṭīracūḍāṃ
kalitasitadukūlāṃ jāhnavīṃ tāṃ namāmi ||
||1||stotram
śrī-nārada uvāca
gaṅgā nāma paraṃ puṇyaṃ kathitaṃ parameśvara |
nāmāni kati śastāni gaṅgāyāḥ praṇiśaṃsa me ||
||2||śrī-mahādeva uvāca
nāmnāṃ sahasramadhye tu nāmāṣṭaśatamuttamam |
jāhnavyā muniśārdūla tāni me śṛṇu tattvataḥ ||
||3||gaṅgā tripathagā devī śambhumaulivihāriṇī |
jāhnavī pāpahantrī ca mahāpātakanāśinī ||
||4||patitoddhāriṇī srotasvatī paramaveginī |
viṣṇupādābjasambhūtā viṣṇudehakṛtālayā ||
||5||svargābdhinilayā sādhvī svarṇadī suranimnagā |
mandākinī mahāvegā svarṇaśṛṅgaprabhedinī ||
||6||devapūjyatamā divyā divyasthāna nivāsinī |
sucārunīrarucirā mahāparvatabhedinī ||
||7||bhāgīrathī bhagavatī mahāmokṣapradāyinī |
sindhusaṅgagatā śuddhā rasātalanivāsinī ||
||8||mahābhogā bhogavatī subhagānandadāyinī |
mahāpāpaharā puṇyā paramāhlādadāyinī ||
||9||pārvatī śivapatnī ca śivaśīrṣagatālayā |
śambhorjaṭāmadhyagatā nirmalā nirmalānanā ||
||10||mahākaluṣahantrī ca jahnuputrī jagatpriyā |
trailokyapāvanī pūrṇā pūrṇabrahmasvarūpiṇī ||
||11||jagatpūjyatamā cārurūpiṇī jagadambikā |
lokānugrahakartrī ca sarvalokadayāparā ||
||12||yāmyabhītiharā tārā pārā saṃsāratāriṇī |
brahmāṇḍabhedinī brahmakamaṇḍalukṛtālayā ||
||13||saubhāgyadāyinī puṃsāṃ nirvāṇapadadāyinī |
acintyacaritā cārurucirātimanoharā ||
||14||martyasthā mṛtyubhayahā svargamokṣapradāyinī |
pāpāpahāriṇī dūracāriṇī vīcidhāriṇī ||
||15||kāruṇyapūrṇā karuṇāmayī duritanāśinī |
girirājasutā gaurībhaginī giriśapriyā ||
||16||menakāgarbhasambhūtā mainākabhaginīpriyā |
ādyā trilokajananī trailokyaparipālinī ||
||17||tīrthaśreṣṭhatamā śreṣṭhā sarvatīrthamayī śubhā |
caturvedamayī sarvā pitṛsantṛptidāyinī ||
||18||śivadā śivasāyujyadāyinī śivavallabhā |
tejasvinī trinayanā trilocanamanoramā ||
||19||saptadhārā śatamukhī sagarānvayatāriṇī |
munisevyā munisutā jahnujānuprabhedinī ||
||20||makarasthā sarvagatā sarvāśubhanivāriṇī |
sudṛśyā cākṣuṣītṛptidāyinī makarālayā ||
||21||sadānandamayī nityānandadā nagapūjitā |
sarvadevādhidevaiśca paripūjyapadāmbujā ||
||22||etāni muniśārdūla nāmāni kathitāni te |
śastāni jāhnavīdevyāḥ sarvapāpaharāṇi ca ||
||23||ya idaṃ paṭhate bhaktyā prātarutthāya nārada |
gaṅgāyāḥ paramaṃ puṇyaṃ nāmāṣṭaśatameva hi ||
||24||tasya pāpāni naśyanti brahmahatyādikānyapi |
ārogyamatulaṃ saukhyaṃ labhate nātra saṃśayaḥ ||
||25||yatra kutrāpi saṃsnāyātpaṭhetstotramanuttamam |
tatraiva gaṅgāsnānasya phalaṃ prāpnoti niścitam ||
||26||pratyahaṃ prapaṭhedetad gaṅgānāmaśatāṣṭakam |
so'nte gaṅgāmanuprāpya prayāti paramaṃ padam ||
||27||gaṅgāyāṃ snānasamaye yaḥ paṭhed bhaktisaṃyutaḥ |
so'śvamedhasahasrāṇāṃ phalamāpnoti mānavaḥ ||
||28||gavāmayutadānasya yatphalaṃ samudīritam |
tatphalaṃ samavāpnoti pañcamyāṃ prapaṭhannaraḥ ||
||29||kārttikyāṃ paurṇamāsyāṃ tu snātvā sagarasaṅgame |
yaḥ paṭhetsa maheśatvaṃ yāti satyaṃ na saṃśayaḥ ||
||30||iti śrīmadbhāgavate mahāpurāṇe śrīgaṅgāṣṭottaraśatanāmastotraṃ sampūrṇam