rudrayāmalam
asya śrīgaṇapatigakārādisahasranāmamālāmantrasya| durvāsā ṛṣiḥ| anuṣṭup chandaḥ| śrī-gaṇapatirdevatā| gaṃ bījam| svāhā śaktiḥ| glauṃ kīlakam | sakalābhīṣṭasiddhyarthe jape viniyogaḥ ||
karanyāsaḥ
oṃ aṅguṣṭhābhyāṃ namaḥ| śrīṃ tarjanībhyāṃ namaḥ| hrīṃ madhyamābhyāṃ namaḥ| krīṃ anāmikābhyāṃ namaḥ| glauṃ kaniṣṭhikābhyāṃ namaḥ| gaṃ karatalakarapṛṣṭhābhyāṃ namaḥ| evaṃ hṛdayādinyāsaḥ| athavā ṣaḍdīrghabhājāgamitibījena karāṅganyāsaḥ||
dhyānam
oṅkāra-sannibhamibhānanamindubhālam
muktāgrabindumamaladyutimekadantaṃ |
lambodaraṃ kalacaturbhujamādidevam
dhyāyenmahāgaṇapatiṃ matisiddhikāntam ||
||1||stotram
oṃ gaṇeśvaro gaṇādhyakṣo gaṇārādhyo gaṇapriyaḥ |
gaṇanātho gaṇasvāmī gaṇeśo gaṇanāyakaḥ ||
||2||gaṇamūrtirgaṇapatirgaṇatrātā gaṇañjayaḥ |
gaṇapo'tha gaṇakrīḍo gaṇadevo gaṇādhipaḥ ||
||3||gaṇajyeṣṭho gaṇaśreṣṭho gaṇapreṣṭho gaṇādhirāṭ |
gaṇarāḍ gaṇagoptātha gaṇāṅgo gaṇadaivatam ||
||4||gaṇabandhurgaṇasuhṛdgaṇādhīśo gaṇaprathaḥ |
gaṇapriyasakhaḥ śaśvadgaṇapriyasuhṛt tathā ||
||5||gaṇapriyarato nityaṃ gaṇaprītivivardhanaḥ |
gaṇamaṇḍalamadhyastho gaṇakeliparāyaṇaḥ ||
||6||gaṇāgraṇīrgaṇeśāno gaṇagīto gaṇocchrayaḥ |
gaṇyo gaṇahito garjadgaṇaseno gaṇoddhataḥ ||
||7||gaṇabhītipramathano gaṇabhītyapahārakaḥ |
gaṇanārho gaṇaprauḍho gaṇabhartā gaṇaprabhuḥ ||
||8||gaṇaseno gaṇacaro gaṇaprajño gaṇaikarāṭ |
gaṇāgryo gaṇanāmā ca gaṇapālanatatparaḥ ||
||9||gaṇajidgaṇagarbhastho gaṇapravaṇamānasaḥ |
gaṇagarvaparīhartā gaṇo gaṇanamaskṛtaḥ ||
||10||gaṇārcitāṅghriyugalo gaṇarakṣaṇakṛt sadā |
gaṇadhyāto gaṇagururgaṇapraṇayatatparaḥ ||
||11||gaṇāgaṇaparitrātā gaṇādhiharaṇoddhuraḥ |
gaṇaseturgaṇanuto gaṇaketurgaṇāgragaḥ ||
||12||gaṇaheturgaṇagrāhī gaṇānugrahakārakaḥ |
gaṇāgaṇānugrahabhūrgaṇāgaṇavarapradaḥ ||
||13||gaṇastuto gaṇaprāṇo gaṇasarvasvadāyakaḥ |
gaṇavallabhamūrtiśca gaṇabhūtirgaṇeṣṭadaḥ ||
||14||gaṇasaukhyapradātā ca gaṇaduḥkhapraṇāśanaḥ |
gaṇaprathitanāmā ca gaṇābhīṣṭakaraḥ sadā ||
||15||gaṇamānyo gaṇakhyāto gaṇavīto gaṇotkaṭaḥ |
gaṇapālo gaṇavaro gaṇagauravadāyakaḥ ||
||16||gaṇagarjitasantuṣṭo gaṇasvacchandagaḥ sadā |
gaṇarājo gaṇaśrīdo gaṇābhayakaraḥ kṣaṇāt ||
||17||gaṇamūrdhābhiṣiktaśca gaṇasainyapurassaraḥ |
guṇātīto guṇamayo guṇatrayavibhāgakṛt ||
||18||guṇī guṇākṛtidharo guṇaśālī guṇapriyaḥ |
guṇapūrṇo guṇāmbhodhirguṇabhāg guṇadūragaḥ ||
||19||guṇāguṇavapurgauṇaśarīro guṇamaṇḍitaḥ |
guṇastraṣṭā guṇeśāno guṇeśo'tha guṇeśvaraḥ ||
||20||guṇasṛṣṭajagatsaṅgho guṇasaṅgho guṇaikarāṭ |
guṇapravṛṣṭo guṇabhūrguṇīkṛtacarācaraḥ ||
||21||guṇapravaṇasantuṣṭo guṇahīnaparāṅmukhaḥ |
guṇaikabhūrguṇaśreṣṭho guṇajyeṣṭho guṇaprabhuḥ ||
||22||guṇajño guṇasampūjyo guṇaikasadanaṃ sadā |
guṇapraṇayavān gauṇaprakṛtirguṇabhājanam ||
||23||guṇipraṇatapādābjo guṇigīto guṇojjvalaḥ |
guṇavān guṇasampanno guṇānanditamānasaḥ ||
||24||guṇasañcāracaturo guṇasañcayasundaraḥ |
guṇagauro guṇādhāro guṇasaṃvṛtacetanaḥ ||
||25||guṇakṛdguṇabhṛnnityaṃ guṇāgryo guṇapāradṛk |
guṇapracārī guṇayug guṇāguṇavivekakṛt ||
||26||guṇākaro guṇakaro guṇapravaṇavardhanaḥ |
guṇagūḍhacaro gauṇasarvasaṃsāraceṣṭitaḥ ||
||27||guṇadakṣiṇasauhārdo guṇalakṣaṇatattvavit |
guṇahārī guṇakalo guṇasaṅghasakhaḥ sadā ||
||28||guṇasaṃskṛtasaṃsāro guṇatattvavivecakaḥ |
guṇagarvadharo gauṇasukhaduḥkhodayo guṇaḥ ||
||29||guṇādhīśo guṇalayo guṇavīkṣaṇalālasaḥ |
guṇagauravadātā ca guṇadātā guṇapradaḥ ||
||30||guṇakṛdguṇasambandho guṇabhṛdguṇabandhanaḥ |
guṇahṛdyo guṇasthāyī guṇadāyī guṇotkaṭaḥ ||
||31||guṇacakradharo gauṇāvatāro guṇabāndhavaḥ |
guṇabandhurguṇaprajño guṇaprājño guṇālayaḥ ||
||32||guṇadhātā guṇaprāṇo guṇagopo guṇāśrayaḥ |
guṇayāyī guṇādhāyī guṇapo guṇapālakaḥ ||
||33||guṇāhṛtatanurgauṇo gīrvāṇo guṇagauravaḥ |
guṇavatpūjitapado guṇavatprītidāyakaḥ ||
||34||guṇavadgītakīrtiśca guṇavad baddhasauhṛdaḥ |
guṇavadvarado nityaṃ guṇavatpratipālakaḥ ||
||35||guṇavadguṇasantuṣṭo guṇavadracitastavaḥ |
guṇavadrakṣaṇaparo guṇavatpraṇayapriyaḥ ||
||36||guṇavaccakrasañcāro guṇavatkīrtivardhanaḥ |
guṇavadguṇacittastho guṇavadguṇarakṣakaḥ ||
||37||guṇavatpoṣaṇakaro guṇavacchatrusūdanaḥ |
guṇavatsiddhidātā ca guṇavadgauravapradaḥ ||
||38||guṇavatpravaṇasvānto guṇavadguṇabhūṣaṇaḥ |
guṇavatkulavidveṣivināśakaraṇakṣamaḥ ||
||39||guṇistutaguṇo garjapralayāmbudaniḥsvanaḥ |
gajo gajapatirgarjadgajayuddhaviśāradaḥ ||
||40||gajāsyo gajakarṇo'tha gajarājo gajānanaḥ |
gajarūpadharo garjadgajayūthoddhuradhvaniḥ ||
||41||gajādhīśo gajādhāro gajāsurajayoddhuraḥ |
gajadanto gajavaro gajakumbho gajadhvaniḥ ||
||42||gajamāyo gajamayo gajaśrīrgajagarjitaḥ |
gajāmayaharo nityaṃ gajapuṣṭipradāyakaḥ ||
||43||gajotpattirgajatrātā gajaheturgajādhipaḥ |
gajamukhyo gajakulapravaro gajadaityahā ||
||44||gajaketurgajādhyakṣo gajaseturgajākṛtiḥ |
gajavandyo gajaprāṇo gajasevyo gajaprabhuḥ ||
||45||gajamatto gajeśāno gajeśo gajapuṅgavaḥ |
gajadantadharo guñjanmadhupo gajaveṣabhṛt ||
||46||gajacchanno gajāgrastho gajayāyī gajājayaḥ |
gajarāḍgajayūthastho gajagañjakabhañjakaḥ ||
||47||garjitojñitadaityāsurgarjitatrātaviṣṭapaḥ |
gānajño gānakuśalo gānatattvavivecakaḥ ||
||48||gānaślāghī gānaraso gānajñānaparāyaṇaḥ |
gānāgamajño gānāṅgo gānapravaṇacetanaḥ ||
||49||gānakṛdgānacaturo gānavidyāviśāradaḥ |
gānadhyeyo gānagamyo gānadhyānaparāyaṇaḥ ||
||50||gānabhūrgānaśīlaśca gānaśālī gataśramaḥ |
gānavijñānasampanno gānaśravaṇalālasaḥ ||
||51||gānayatto gānamayo gānapraṇayavān sadā |
gānadhyātā gānabuddhirgānotsukamanāḥ punaḥ ||
||52||gānotsuko gānabhūmirgānasīmā guṇojjvalaḥ |
gānaṅgajñānavān gānamānavān gānapeśalaḥ ||
||53||gānavatpraṇayo gānasamudro gānabhūṣaṇaḥ |
gānasindhurgānaparo gānaprāṇo gaṇāśrayaḥ ||
||54||gānaikabhūrgānahṛṣṭo gānacakṣurgāṇaikadṛk |
gānamatto gānarucirgānavidgānavitpriyaḥ ||
||55||gānāntarātmā gānāḍhyo gānabhrājatsabhaḥ sadā |
gānamayo gānadharo gānavidyāviśodhakaḥ ||
||56||gānāhitaghro gānendro gānalīno gatipriyaḥ |
gānādhīśo gānalayo gānādhāro gatīśvaraḥ ||
||57||gānavanmānado gānabhūtirgānaikabhūtimān |
gānatānatato gānatānadānavimohitaḥ ||
||58||gururgurudaraśroṇirgurutattvārthadarśanaḥ |
gurustuto guruguṇo gurumāyo gurupriyaḥ ||
||59||gurukīrtirgurubhujo guruvakṣā guruprabhaḥ |
gurulakṣaṇasampanno gurudrohaparāṅmukhaḥ ||
||60||guruvidyo guruprāṇo gurubāhubalocchrayaḥ |
gurudaityaprāṇaharo gurudaityāpahārakaḥ ||
||61||gurugarvaharo guhyapravaro gurudarpahā |
gurugauravadāyī ca gurubhītyapahārakaḥ ||
||62||guruśuṇḍo guruskandho gurujaṅgho guruprathaḥ |
gurubhālo gurugalo guruśrīrgurugarvanut ||
||63||gurūrurgurupīnāṃso gurupraṇayalālasaḥ |
gurumukhyo gurukulasthāyī guruguṇaḥ sadā ||
||64||gurusaṃśayabhettā ca gurumānapradāyakaḥ |
gurudharmasadārādhyo gurudharmaniketanaḥ ||
||65||gurudaityakulacchettā gurusainyo gurudyutiḥ ||
||66||gurudharmāgragaṇyo'tha gurudharmadhurandharaḥ |
gariṣṭho gurusantāpaśamano gurupūjitaḥ ||
||67||gurudharmadharo gauradharmādhāro gadāpahaḥ |
guruśāstravicārajño guruśāstrakṛtodyamaḥ ||
||68||guruśāstrārthanilayo guruśāstrālayaḥ sadā |
gurumantro guruśeṣṭho gurumantraphalapradaḥ ||
||69||gurustrīgamanoddāmaprāyaścittanivārakaḥ |
gurusaṃsārasukhado gurusaṃsāraduḥkhabhit ||
||70||guruślāghāparo gaurabhānukhaṇḍāvataṃsabhṛt |
guruprasannamūrtiśca guruśāpavimocakaḥ ||
||71||gurukāntirgurumayo guruśāsanapālakaḥ |
gurutantro guruprajño gurubho gurudaivatam ||
||72||guruvikramasañcāro gurudṛgguruvikramaḥ |
gurukramo gurupreṣṭho gurupākhaṇḍakhaṇḍakaḥ ||
||73||gurugarjitasampūrṇabrahmāṇḍo gurugarjitaḥ |
guruputrapriyasakho guruputrabhayāpahaḥ ||
||74||guruputraparitrātā guruputravarapradaḥ |
guruputrārtiśamano guruputrādhināśanaḥ ||
||75||guruputraprāṇadātā gurubhaktiparāyaṇaḥ |
guruvijñānavibhavo gaurabhānuvarapradaḥ ||
||76||gaurabhānustuto gaurabhānutrāsāpahārakaḥ |
gaurabhānupriyo gaurabhānurgauravavardhanaḥ ||
||77||gaurabhānuparitrātā gaurabhānusakhaḥ sadā |
gaurabhānurprabhurgaurabhānubhītipraṇāśanaḥ ||
||78||gaurītejaḥsamutpanno gaurīhṛdayanandanaḥ |
gaurīstanandhayo gaurīmanovāñchitasiddhikṛt ||
||79||gauro gauraguṇo gauraprakāśo gaurabhairavaḥ |
gaurīśanandano gaurīpriyaputro gadādharaḥ ||
||80||gaurīvaraprado gaurīpraṇayo gaurasacchaviḥ |
gaurīgaṇeśvaro gaurīpravaṇo gaurabhāvanaḥ ||
||81||gaurātmā gaurakīrtiśca gaurabhāvo gariṣṭhadṛk |
gautamo gautamīnātho gautamīprāṇavallabhaḥ ||
||82||gautamābhīṣṭavarado gautamābhayadāyakaḥ |
gautamapraṇayaprahvo gautamāśramaduḥkhahā ||
||83||gautamītīrasañcārī gautamītīrthanāyakaḥ |
gautamāpatparihāro gautamādhivināśanaḥ ||
||84||gopatirgodhano gopo gopālapriyadarśanaḥ |
gopālo gogaṇādhīśo gokaśmalanivartakaḥ ||
||85||gosahasro gopavaro gopagopīsukhāvahaḥ |
govardhano gopagopo gopo gokulavardhanaḥ ||
||86||gocaro gocarādhyakṣo gocaraprītivṛddhikṛt |
gomī gokaṣṭasantrātā gosantāpanivartakaḥ ||
||87||goṣṭho goṣṭhāśrayo goṣṭhapatirgodhanavardhanaḥ |
goṣṭhapriyo goṣṭhamayo goṣṭhāmayanivartakaḥ ||
||88||goloko golako gobhṛdgobhartā gosukhāvahaḥ |
godhuggodhuggaṇapreṣṭho godogdhā gomayapriyaḥ ||
||89||gotraṃ gotrapatirgotraprabhurgotrabhayāpahaḥ |
gotravṛddhikaro gotrapriyo gotrārtināśanaḥ ||
||90||gotroddhāraparo gotrapravaro gotradaivatam |
gotravikhyātanāmā ca gotrī gotraprapālakaḥ ||
||91||gotraseturgotraketurgotraheturgataklamaḥ |
gotratrāṇakaro gotrapatirgotreśapūjitaḥ ||
||92||gotrabhidgotrabhittrātā gotrabhidvaradāyakaḥ |
gotrabhitpūjitapado gotrabhicchatrusūdanaḥ ||
||93||gotrabhitprītido nityaṃ gotrabhidgotrapālakaḥ |
gotrabhidgītacarito gotrabhidrājyarakṣakaḥ ||
||94||gotrabhijjayadāyī ca gotrabhitpraṇayaḥ sadā |
gotrabhidbhayasambhettā gotrabhinmānadāyakaḥ ||
||95||gotrabhidgopanaparo gotrabhit sainyanāyakaḥ |
gotrādhipapriyo gotraputrīputro giripriyaḥ ||
||96||granthajño granthakṛdgranthagranthibhidgranthavighnahā |
granthādirgranthasañcāro granthaśravaṇalolupaḥ ||
||97||granthādīnakriyo granthapriyo granthārthatattvavit |
granthasaṃśayasañchedī granthavaktā grahāgraṇīḥ ||
||98||granthagītaguṇo granthagīto granthādipūjitaḥ |
granthārambhastuto granthagrāhī granthārthapāradṛk ||
||99||granthadṛggranthavijñāno granthasandarbhaṣodhakaḥ |
granthakṛtpūjito granthakaro granthaparāyaṇaḥ ||
||100||granthapārāyaṇaparo granthasandehabhañjakaḥ |
granthakṛdvaradātā ca granthakṛdvanditaḥ sadā ||
||101||granthānurakto granthajño granthānugrahadāyakaḥ |
granthāntarātmā granthārthapaṇḍito granthasauhṛdaḥ ||
||102||granthapāraṅgamo granthaguṇavidgranthavigrahaḥ |
granthaseturgranthaheturgranthaketurgrahāgragaḥ ||
||103||granthapūjyo granthageyo granthagrathanalālasaḥ |
granthabhūmirgrahaśreṣṭho grahaketurgrahāśrayaḥ ||
||104||granthakāro granthakāramānyo granthaprasārakaḥ |
granthaśramajño granthāṅgo granthabhramanivārakaḥ ||
||105||granthapravaṇasarvāṅgo granthapraṇayatatparaḥ |
gītaṃ gītaguṇo gītakīrtirgītaviśāradaḥ ||
||106||gītasphītayaśā gītapraṇayo gītacañcuraḥ |
gītaprasanno gītātmā gītalolo gataspṛhaḥ ||
||107||gītāśrayo gītamayo gītatattvārthakovidaḥ |
gītasaṃśayasañchettā gītasaṅgītaśāsanaḥ ||
||108||gītārthajño gītatattvo gītātattvaṃ gatāśrayaḥ |
gītāsāro'tha gītākṛdgītākṛdvighnanāśanaḥ ||
||109||gītāśakto gītalīno gītāvigatasañjvaraḥ |
gītaikadṛggītabhūtirgītaprīto gatālasaḥ ||
||110||gītavādyapaṭurgītaprabhurgītārthatattvavit |
gītāgītavivekajño gītāpravaṇacetanaḥ ||
||111||gatabhīrgatavidveṣo gatasaṃsārabandhanaḥ |
gatamāyo gatatrāso gataduḥkho gatajvaraḥ ||
||112||gatāsuhṛdgatajñāno gataduṣṭāśayo gataḥ |
gatārtirgatasaṅkalpo gataduṣṭaviceṣṭitaḥ ||
||113||gatāhaṅkārasañcāro gatadarpo gatāhitaḥ |
gatavighno gatabhayo gatāgatanivārakaḥ ||
||114||gatavyatho gatāpāyo gatadoṣo gateḥ paraḥ |
gatasarvavikāro'tha gatagañjitakuñjaraḥ ||
||115||gatakampitabhūpṛṣṭho gataruggatakalmaṣaḥ |
gatadainyo gatastainyo gatamāno gataśramaḥ ||
||116||gatakrodho gataglānirgatamlāno gatabhramaḥ |
gatābhāvo gatabhavo gatatattvārthasaṃśayaḥ ||
||117||gayāsuraśiraśchettā gayāsuravarapradaḥ |
gayāvāso gayānātho gayāvāsinamaskṛtaḥ ||
||118||gayātīrthaphalādhyakṣo gayāyātrāphalapradaḥ |
gayāmayo gayākṣetraṃ gayākṣetranivāsakṛt ||
||119||gayāvāsistuto gayānmadhuvratalasatkaṭaḥ |
gāyako gāyakavaro gāyakeṣṭaphalapradaḥ ||
||120||gāyakapraṇayī gātā gāyakābhayadāyakaḥ |
gāyakapravaṇasvānto gāyakaḥ prathamaḥ sadā ||
||121||gāyakodgītasamprīto gāyakotkaṭavighnahā |
gānageyo gānakeśo gāyakāntarasañcaraḥ ||
||122||gāyakapriyadaḥ śaśvadgāyakādhīnavigrahaḥ |
geyo geyaguṇo geyacarito geyatattvavit ||
||123||gāyakatrāsahā grantho granthatattvavivecakaḥ |
gāḍhānurāgo gāḍhāṅgo gāḍhāgaṅgājalo'nvaham ||
||124||gāḍhāvagāḍhajaladhirgāḍhaprajño gatāmayaḥ |
gāḍhapratyarthisainyo'tha gāḍhānugrahatatparaḥ ||
||125||gāḍhaśleṣarasābhijño gāḍhanirvṛtisādhakaḥ |
gaṅgādhareṣṭavarado gaṅgādharabhayāpahaḥ ||
||126||gaṅgādharagururgaṅgādharadhyātapadaḥ sadā |
gaṅgādharastuto gaṅgādharārādhyo gatasmayaḥ ||
||127||gaṅgādharapriyo gaṅgādharo gaṅgāmbusundaraḥ |
gaṅgājalarasāsvādacaturo gāṅgatīrayaḥ ||
||128||gaṅgājalapraṇayavān gaṅgātīravihārakṛt |
gaṅgāpriyo gaṅgājalāvagāhanaparaḥ sadā ||
||129||gandhamādanasaṃvāso gandhamādanakelikṛt |
gandhānuliptasarvāṅgo gandhalubdhamadhuvrataḥ ||
||130||gandho gandharvarājo'tha gandharvapriyakṛt sadā |
gandharvavidyātattvajño gandharvaprītivardhanaḥ ||
||131||gakārabījanilayo gakāro garvigarvanut |
gandharvagaṇasaṃsevyo gandharvavaradāyakaḥ ||
||132||gandharvo gandhamātaṅgo gandharvakuladaivatam |
gandharvagarvasañchettā gandharvavaradarpahā ||
||133||gandharvapravaṇasvānto gandharvagaṇasaṃstutaḥ |
gandharvārcitapādābjo gandharvabhayahārakaḥ ||
||134||gandharvābhayadaḥ śaśvadgandharvapratipālakaḥ |
gandharvagītacarito gandharvapraṇayotsukaḥ ||
||135||gandharvagānaśravaṇapraṇayī garvabhañjanaḥ |
gandharvatrāṇasannaddho gandharvasamarakṣamaḥ ||
||136||gandharvastrībhirārādhyo gānaṃ gānapaṭuḥ sadā |
gaccho gacchapatirgacchanāyako gacchagarvahā ||
||137||gaccharājo'tha gaccheśo gaccharājanamaskṛtaḥ |
gacchapriyo gacchagururgacchatrāṇakṛtodyamaḥ ||
||138||gacchaprabhurgacchacaro gacchapriyakṛtodyamaḥ |
gacchagītaguṇo gacchamaryādāpratipālakaḥ ||
||139||gacchadhātā gacchabhartā gacchavandyo gurorguruḥ |
gṛtso gṛtsamado gṛtsamadābhīṣṭavarapradaḥ ||
||140||gīrvāṇagītacarito gīrvāṇagaṇasevitaḥ |
gīrvāṇavaradātā ca gīrvāṇabhayanāśakṛt ||
||141||gīrvāṇaguṇasaṃvīto gīrvāṇārātisūdanaḥ |
gīrvāṇadhāma gīrvāṇagoptā gīrvāṇagarvahṛt ||
||142||gīrvāṇārtiharo nityaṃ gīrvāṇavaradāyakaḥ |
gīrvāṇaśaraṇaṃ gītanāmā gīrvāṇasundaraḥ ||
||143||gīrvāṇaprāṇado gantā gīrvāṇānīkarakṣakaḥ |
guhehāpūrako gandhamatto gīrvāṇapuṣṭidaḥ ||
||144||gīrvāṇaprayutatrātā gītagotro gatāhitaḥ |
gīrvāṇasevitapado gīrvāṇaprathito galat ||
||145||gīrvāṇagotrapravaro gīrvāṇaphaladāyakaḥ |
gīrvāṇapriyakartā ca gīrvāṇāgamasāravit ||
||146||gīrvāṇāgamasampattirgīrvāṇavyasanāpahaḥ |
gīrvāṇapraṇayo gītagrahaṇotsukamānasaḥ ||
||147||gīrvāṇabhramasambhettā gīrvāṇagurupūjitaḥ |
graho grahapatirgrāho grahapīḍāpraṇāśanaḥ ||
||148||grahastuto grahādhyakṣo graheśo grahadaivatam |
grahakṛdgrahabhartā ca graheśāno graheśvaraḥ ||
||149||grahārādhyo grahatrātā grahagoptā grahotkaṭaḥ |
grahagītaguṇo granthapraṇetā grahavanditaḥ ||
||150||gavī gavīśvaro garvī garviṣṭho garvigarvahā |
gavāmpriyo gavānnātho gavīśāno gavāmpatī ||
||151||gavyapriyo gavāṅgoptā gavisampattisādhakaḥ |
gavirakṣaṇasannaddho gavāmbhayaharaḥ kṣaṇāt ||
||152||gavigarvaharo godo goprado gojayapradaḥ |
gajāyutabalo gaṇḍaguñjanmattamadhuvrataḥ ||
||153||gaṇḍasthalalasaddānamilanmattālimaṇḍitaḥ |
guḍo guḍapriyo guṇḍagaladdāno guḍāśanaḥ ||
||154||guḍākeśo guḍākeśasahāyo guḍalaḍḍubhuk |
guḍabhugguḍabhuggaṇayo guḍākeśavarapradaḥ ||
||155||guḍākeśārcitapado guḍākeśasakhaḥ sadā |
gadādharārcitapado gadādharavarapradaḥ ||
||156||gadāyudho gadāpāṇirgadāyuddhaviśāradaḥ |
gadahā gadadarpaghno gadagarvapraṇāśanaḥ ||
||157||gadagrastaparitrātā gadāḍambarakhaṇḍakaḥ |
guho guhāgrajo gupto guhāśāyī guhāśayaḥ ||
||158||guhaprītikaro gūḍho gūḍhagulpho guṇaikadṛk |
gīrgīṣpatirgirīśāno gīrdevīgītasadguṇaḥ ||
||159||gīrdevo gīṣpriyo gīrbhūrgīrātmā gīṣpriyaṅkaraḥ |
gīrbhūmirgīrasanno'tha gīḥprasanno girīśvaraḥ ||
||160||girīśajo girauśāyī girirājasukhāvahaḥ |
girirājārcitapado girirājanamaskṛtaḥ ||
||161||girirājaguhāviṣṭo girirājābhayapradaḥ |
girirājeṣṭavarado girirājaprapālakaḥ ||
||162||girirājasutāsūnurgirirājajayapradaḥ |
girivrajavanasthāyī girivrajacaraḥ sadā ||
||163||gargo gargapriyo gargadeho garganamaskṛtaḥ |
gargabhītiharo gargavarado gargasaṃstutaḥ ||
||164||gargagītaprasannātmā gargānandakaraḥ sadā |
gargapriyo gargamānaprado gargāribhañjakaḥ ||
||165||gargavargaparitrātā gargasiddhipradāyakaḥ |
gargaglāniharo gargabhramahṛdgargasaṅgataḥ ||
||166||gargācāryo gargamunirgargasammānabhājanaḥ |
gambhīro gaṇitaprajño gaṇitāgamasāravit ||
||167||gaṇako gaṇakaślāghyo gaṇakapraṇayotsukaḥ |
gaṇakapravaṇasvānto gaṇito gaṇitāgamaḥ ||
||168||gadyaṃ gadyamayo gadyapadyavidyāviśāradaḥ |
galalagnamahānāgo galadarcirgalanmadaḥ ||
||169||galatkuṣṭhivyathāhantā galatkuṣṭhisukhapradaḥ |
gambhīranābhirgambhīrasvaro gambhīralocanaḥ ||
||170||gambhīraguṇasampanno gambhīragatiśobhanaḥ |
garbhaprado garbharūpo garbhāpadvinivārakaḥ ||
||171||garbhāgamanasannāśo garbhado garbhaśokanut |
garbhatrātā garbhagoptā garbhapuṣṭikaraḥ sadā ||
||172||garbhāśrayo garbhamayo garbhāmayanivārakaḥ |
garbhādhāro garbhadharo garbhasantoṣasādhakaḥ ||
||173||garbhagauravasandhānasandhānaṃ garbhavargahṛt |
garīyān garvanudgarvamardī garadamardakaḥ ||
||174||garasantāpaśamano gururājyasukhapradaḥ|
phalaśrutiḥ
nāmnāṃ sahasramuditaṃ mahadgaṇapateridam ||
||175||gakārādi jagadvandyaṃ gopanīyaṃ prayatnataḥ |
ya idaṃ prayataḥ prātastrisandhyaṃ vā paṭhennaraḥ ||
||176||vāñchitaṃ samavāpnoti nātra kāryā vicāraṇā |
putrārthī labhate putrān dhanārthī labhate dhanam ||
||177||vidyārthī labhate vidyāṃ satyaṃ satyaṃ na saṃśayaḥ |
bhūrjatvaci samālikhya kuṅkumena samāhitaḥ ||
||178||caturthāṃ bhaumavāro ca candrasūryoparāgake |
pūjayitvā gaṇadhīśaṃ yathoktavidhinā purā ||
||179||pūjayedyo yathāśaktyā juhuyācca śamīdalaiḥ |
guruṃ sampūjya vastrādyaiḥ kṛtvā cāpi pradakṣiṇam ||
||180||dhārayedyaḥ prayatnena sa sākṣādgaṇanāyakaḥ |
surāścāsuravaryāśca piśācāḥ kinnaroragaḥ ||
||181||praṇamanti sadā taṃ vai duṣṭvā vismitamānasāḥ |
rājā sapadi vaśyaḥ syāt kāminyastadvaśo sthirāḥ ||
||182||tasya vaṃśo sthirā lakṣmīḥ kadā'pi na vimuñcati |
niṣkāmo yaḥ paṭhedetadgaṇeśvaraparāyaṇaḥ ||
||183||sa pratiṣṭhāṃ parāṃ prāpya nijalokamavāpnuyāt |
idaṃ te kīrtitaṃ nāmnāṃ sahasraṃ devi pāvanam ||
||184||na deyaṃ kṛpaṇāyātha śaṭhāya guruvidviṣe |
dattvā ca bhraṃśamāpnoti devatāyāḥ prakopataḥ ||
||185||iti śrutvā mahādevī tadā vismitamānasā |
pūjayāmāsa vidhivadgaṇeśvarapadadvayam ||
||186||iti śrī-rudrayāmale mahāguptasāre śivapārvatīsaṃvāde gakārādi śrī-gaṇapatisahasranāmastotraṃ sampūrṇam