lalitāgamaḥ
aṣṭottaraśataṃ bhūmau sthitaṃ kṣetraṃ vadāmyaham |
kaivalyaśaile śrīkaṇṭhaḥ kedāro himavatyapi ||
||1||kāśīpuryāṃ viśvanāthaḥ śrīśaile mallikārjunaḥ |
prayāge nīlakaṇṭheśo gayāyāṃ rudranāmakaḥ ||
||2||nīlakaṇṭheśvaraḥ sākṣāt kālañjarapure śivaḥ |
drākṣārāme tu bhīmeśo māyūre cāmbikeśvaraḥ ||
||3||brahmāvarte devaliṅgaḥ prabhāse śaśibhūṣaṇaḥ |
vṛṣadhvajābhidhaḥ śrīmatiḥ śvetahastipureśvaraḥ ||
||4||gokarṇeśastu gokarṇe someśaḥ somanāthake |
śrīrūpākhye tyāgarājo vede vedapurīśvaraḥ ||
||5||bhīmārāme tu bhīmeśo manthane kālikeśvaraḥ |
madhurāyāṃ cokkanātho mānase mādhaveśvaraḥ ||
||6||śrīvāñchake campakeśaḥ pañcavaṭyāṃ vaṭeśvaraḥ |
gajāraṇye tu vaidyeśastīrthādrau tīrthakeśvaraḥ ||
||7||kumbhakoṇe tu kumbheśo lepākṣyāṃ pāpanāśanaḥ |
kaṇvapuryāṃ tu kaṇveśo madhye madhyārjuneśvaraḥ ||
||8||hariharapure śrīśaṅkaranārāyaṇeśvaraḥ |
virañcipuryāṃ mārgeśaḥ pañcanadyāṃ girīśvaraḥ ||
||9||pampāpuryāṃ virūpākṣaḥ somādrau mallikārjunaḥ |
trimakūṭe tvagastyeśaḥ subrahmaṇye'hipeśvaraḥ ||
||10||mahābaleśvaraḥ sākṣānmahābalaśiloccaye |
raviṇā pūjito dakṣiṇāvarte'rkeśvaraḥ svayam ||
||11||vedāraṇye mahāpuṇye vedāraṇyeśvarābhidhaḥ |
mūrtitrayātmakaḥ somapuryāṃ someśvarābhidhaḥ ||
||12||avantyāṃ rāmaliṅgeśaḥ kāśmīre vijayeśvaraḥ |
mahānandipure sākṣānmahānandipureśvaraḥ ||
||13||koṭitīrthe tu koṭīśo vṛddhe vṛddhācaleśvaraḥ |
mahāpuṇye tatra kakudgirau gaṅgādhareśvaraḥ ||
||14||cāmarājyākhyanagare cāmarājeśvaraḥ svayam |
nandīśvaro nandigirau caṇḍeśo badhirācale ||
||15||nañjuṇḍeśo garapure śataśṛṅge |
ghanānandācale somo nallūre vimaleśvaraḥ ||
||16||nīḍānāthapure sākṣānnīḍānātheśvaraḥ svayam |
ekānte rāmaliṅgeśaḥ śrīnāge kuṇḍalīśvaraḥ ||
||17||śrīkanyāyāṃ tribhaṅgīśa utsaṅge rāghaveśvaraḥ |
matsyatīrthe tu tīrtheśastrikūṭe tāṇḍaveśvaraḥ ||
||18||prasannākhyapure mārgasahāyeśo varapradaḥ |
gaṇḍakyāṃ śivanābhastu śrīpatau śrīpatīśvaraḥ ||
||19||dharmapuryāṃ dharmaliṅgaḥ kanyākubje kalādharaḥ |
vāṇigrāme viriñceśo nepāle nakuleśvaraḥ ||
||20||mārkaṇḍeyo jagannāthe svayambhūrnarmadātaṭe |
dharmasthale mañjunātho vyāseśastu trirūpake ||
||21||svarṇāvatyāṃ kaliṅgeśo nirmale pannageśvaraḥ |
puṇḍarīke jaiminīśo'yodhyāyāṃ madhureśvaraḥ ||
||22||siddhavaṭyāṃ tu siddheśaḥ śrīkūrme tripurāntakaḥ |
maṇikuṇḍalatīrthe tu maṇimuktānadīśvaraḥ ||
||23||vaṭāṭavyāṃ kṛttivāsāstriveṇyāṃ saṅgameśvaraḥ |
stanitākhye tu malleśa indrakīle'rjuneśvaraḥ ||
||24||śeṣādrau kapileśastu puṣpe puṣpagirīśvaraḥ |
bhuvaneśaścitrakūṭe tūjjinyāṃ kālikeśvaraḥ ||
||25||jvālāmukhyāṃ śūlaṭaṅko maṅgalyāṃ saṅgameśvaraḥ |
bṛhatīśastañjāpuryāṃ rāmeśo vahnipuṣkare ||
||26||laṅkādvīpe tu matsyeśaḥ kūrmeśo gandhamādane |
vindhyācale varāheśo nṛsiṃhaḥ syādahobile ||
||27||kurukṣetre vāmaneśastataḥ kapilatīrthake |
tathā paraśurāmeśaḥ setau rāmeśvarābhidhaḥ ||
||28||sākete balarāmeśo bauddheśo vāraṇāvate |
tattvakṣetre ca kalkīśaḥ kṛṣṇeśaḥ syānmahendrake ||
||29||iti lalitāgame jñānapāde śivaliṅgaprādurbhāvapaṭalāntargate śrīśivāṣṭottaraśatadivyasthānīyanāmastotraṃ sampūrṇam