Śrīśaṅkarabhagavatpādakṛtā
chittvā tyaktena hastena svayaṃ nātmā viśeṣyate |
tathā śiṣṭena sarveṇa yena yena viśeṣyate ||
||1||tasmāt tyaktena hastena tulyaṃ sarvaṃ viśeṣaṇam |
anātmatvena tasmāj jño muktaḥ sarvaviśeṣaṇaiḥ ||
||2||viśeṣaṇamidaṃ sarvaṃ jñāta ātmanyasad bhavet |
avidyāstamataḥ sarvaṃ jñāta ātmanyasad bhavet ||
||3||jñātaivātmā sadā grāhyo jñeyamutsṛjya kevalaḥ |
ahamityapi yad grāhyaṃ vyapetāṅgasamaṃ hi tat ||
||4||yāvān syādidamaṃśo yaḥ sa svato'nyo viśeṣaṇam |
viśeṣaprakṣayo yatra siddho jñaścitraguryathā ||
||5||idamaṃśo'hamityatra tyājyo nātmeti paṇḍitaiḥ |
ahaṃ brahmeti śiṣṭo'ṃśo bhūtapūrvagaterbhavet ||
||6||