pāramparikam
ekadantaṃ mahākāyaṃ taptakāñcanasannibham |
lambodaraṃ viśālākṣaṃ vande'haṃ gaṇanāyakam ||
||1||mauñjīkṛṣṇājinadharaṃ nāgayajñopavītinam |
bālendusukalāmauliṃ vande'haṃ gaṇanāyakam ||
||2||ambikāhṛdayānandaṃ mātṛbhiḥ pariveṣṭitam |
bhaktipriyaṃ madonmattaṃ vande'haṃ gaṇanāyakam ||
||3||citraratnavicitrāṅgaṃ citramālāvibhūṣitam |
citrarūpadharaṃ devaṃ vande'haṃ gaṇanāyakam ||
||4||gajavaktraṃ suraśreṣṭhaṃ karṇacāmarabhūṣitam |
pāśāṅkuśadharaṃ devaṃ vande'haṃ gaṇanāyakam ||
||5||mūṣakottamamāruhya devāsuramahāhave |
yoddhukāmaṃ mahāvīryaṃ vande'haṃ gaṇanāyakam ||
||6||yakṣakinnaragandharvaiḥ siddhavidyādharaiḥ sadā |
stūyamānaṃ mahābāhuṃ vande'haṃ gaṇanāyakam ||
||7||sarvavighnaharaṃ devaṃ sarvavighnavivarjitam |
sarvasiddhipradātāraṃ vande'haṃ gaṇanāyakam ||
||8||gaṇanāṣṭakamidaṃ puṇyaṃ yaḥ paṭhetsatataṃ naraḥ |
siddhyanti sarvakāryāṇi vidyāvān dhanavān bhavet ||
||9||iti śrīgaṇanāyakāṣṭakaṃ sampūrṇam |