mahābhāratam
śṛṇudhvaṃ munayaḥ sarve gopālasya mahātmanaḥ .
anantasyāprameyasya nāmadvādaśakaṃ stavam ..
||1||arjunāya purā gītaṃ gopālena mahātmanā .
dvārakāyāṃ prārthayate yaśodāyāśca sannidhau ..
||2||dhyānam
jānubhyāmapi dhāvantaṃ bāhubhyāmatisundaram .
sakuṇḍalālakaṃ bālaṃ gopālaṃ cintayeduṣaḥ ..
||3||stotram
prathamaṃ tu hariṃ vidyād dvitīyaṃ keśavaṃ tathā .
tṛtīyaṃ padmanābhaṃ tu caturthaṃ vāmanaṃ tathā ..
||4||pañcamaṃ vedagarbhaṃ ca ṣaṣṭhaṃ tu madhusūdanam .
saptamaṃ vāsudevaṃ ca varāhaṃ cāṣṭamaṃ tathā ..
||5||navamaṃ puṇḍarīkākṣaṃ daśamaṃ tu janārdanam .
kṛṣṇamekādaśaṃ proktaṃ dvādaśaṃ śrīdharaṃ tathā ..
||6||etad dvādaśanāmāni mayā proktāni phālguna .
kālatraye paṭhed yastu tasya puṇyaphalaṃ śṛṇu ..
||7||cāndrāyaṇasahasrasya kanyādānaśatasya ca .
aśvamedhasahasrasya phalamāpnoti mānavaḥ ..
||8||iti śrī-kṛṣṇadvādaśanāmastotraṃ sampūrṇam