asminvai loka ubhaye deva manuṣyā āsuḥ ।
1,1.1te devāḥ svargaṃllokamyanto agnimūcuḥ ।
1,1.2tvamno asya lokasya adhyakṣa edhi iti ।
1,1.3tānagniruvāca ।
1,1.4atha yadvo ahamghora saṃsparśatamo asmi ।
1,1.5anapacāyitāro manuṣyāḥ ।
1,1.6kathamvastadbhaviṣyati yanmanuṣyeṣviti ।
1,1.7te devā ūcuḥ ।
1,1.8tasya vai te vayamghorāstanūrvinidhāsyāmaḥ ।
1,1.9atha yā eva te śivā śagmā yajñiyā tanūḥ ।
1,1.10tayā iha manuṣyebhyo bhaviṣyasi iti ।
1,1.11tasya apsu pavamānāmadadhuḥ ।
1,1.12vāyau pāvakām ।
1,1.13āditye śucim ।
1,1.14atha yā eva asya śivā śagmā yajñiyā tanūrāsīt ।
1,1.15tayā iha manuṣyebhyo atapat ।
1,1.16etā vā agnestanvaḥ ।
1,1.17tadyadetā devatā yajati ।
1,1.18atra agniḥ sāṅgaḥ satanūḥ prīto bhavati ।
1,1.19tā vai tisro bhavanti ।
1,1.20trayo vā ime lokāḥ ।
1,1.21imāneva tallokānāpnoti ।
1,1.22paurṇamāsamprathamāyai tantrambhavati ।
1,2.1āmāvāsyamdvitīyāyai ।
1,2.2tena ha asya darśa pūrṇa māsāvanvārabdhau bhavataḥ ।
1,2.3īḍitavatyau havyavāḍvatyau prathamāyai samyājye ।
1,2.4tatsamyājyā rūpam ।
1,2.5dvyagnī dvitīyāyai ।
1,2.6dvau hi agnī yajati ।
1,2.7saptasasa sāmidhenīkā tṛtīyā ।
1,2.8saptadaśa sāmidhenīkā vā iṣṭi paśu bandhāḥ ।
1,2.9tadiṣṭi pauśbandhānāpnoti ।
1,2.10sadvantāvājya bhāgau bhavataḥ ।
1,2.11asāni iti vā agnīnādhatte ।
1,2.12syāmiti kāmayate ।
1,2.13sa yadi ha vā api svaiṣāvīra iva sannagnīnādhatte ।
1,2.14kṣipra eva sambhavati ।
1,2.15kṣipre bhogyatāmaśnute ।
1,2.16yaḥ sadvantau kurute ।
1,2.17virājau samyājye ।
1,2.18śrīrvirāḍanna adyam ।
1,2.19śriyo virājo anna adyasya upāptyai ।
1,2.20tā vai gāyatryo bhavanti ।
1,2.21gāyatro vā agnirgāyatracchandāḥ ।
1,2.22svena eva tacchandasā agnīnādhatte ।
1,2.23tā vā upāṃśu bhavanti ।
1,2.24retaḥ siktirvā agnyādhyeyam ।
1,2.25upāṃśu vai retaḥ sicyate ।
1,2.26abhirūpā bhavanti ।
1,2.27yadyajñe abhirūpamtatsamṛddhamyajñasya eva samṛddhyai ।
1,2.28dvādaśa dadyāt ।
1,2.29dvādaśa vai māsāḥ saṃvatsaraḥ ।
1,2.30saṃvatsarasya eva āptyai ।
1,2.31aśvamtrayodaśamdadāti ।
1,2.32yastrayodaśo māsastasya āpyai ।
1,2.33deva asurā vā eṣu lokeṣu samyattā āsuḥ ।
1,3.1tebhyo agnirapākrāmat ।
1,3.2sa ṛtūnprāviśat ।
1,3.3te devā hatvā asurānvijitya agnimanvaicchan ।
1,3.4tamyamaśca varuṇaśca anvapaśyatām ।
1,3.5tamupāmantrayanta ।
1,3.6tamajñapayan ।
1,3.7tasmai varamadaduḥ ।
1,3.8sa ha etamvaramvavre ।
1,3.9prayājānme anuyājāṃśca kevalānghṛtamca apāmpuruṣamca oṣadhīnāmiti ।
1,3.10tasmādāhurāgneyāḥ prayāja anuyājā āgneyamājyamiti ।
1,3.11tato vai devā abhavan ।
1,3.12parā asurāḥ ।
1,3.13bhavatyātmanā ।
1,3.14parā asya dveṣyo ya evamveda ।
1,3.15tadāhuḥ kasminnṛtau punarādadhīta iti ।
1,3.16varṣāsviti ha eka āhuḥ ।
1,3.17varṣāsu vai sarve kāmāḥ ।
1,3.18sarveṣāmeva kāmānāmāptyai ।
1,3.19madhyā varṣe punarvasū nakṣatramudīkṣya punarādadhīta ।
1,3.20punarmā vasu vittamupanamatviti ।
1,3.21atho punaḥ kāmasya upāptyai ।
1,3.22tadvai na tasminkāle pūrva pakṣe punarvasubhyāmsampadyate ।
1,3.23yā eva eṣā āṣāḍhyā upariṣṭādamāvāsyā bhavati ।
1,3.24tasyāmpunarādadhīta ।
1,3.25sā punarvasubhyāmsampadyate ।
1,3.26upāpto amāvāsyāyāmkāmo bhavati ।
1,3.27upāpto varṣāsu ।
1,3.28upāptaḥ punarvasvoḥ ।
1,3.29tasmāttasyāmpunarādadhīta ।
1,3.30pañca kapālaḥ puroḍāśo bhavati ।
1,3.31pañca padā paṅktiḥ ।
1,3.32pāṅkto vai yajño yajñasya eva āptyai ।
1,3.33vibhaktibhiḥ prayāja anuyājānyajati ।
1,4.1ṛtavo vai prayāja anuyājāḥ ।
1,4.2ṛtubhya enamtatsamāharanti ।
1,4.3agra āyāhi vītaye agnimdūtamvṛṇīmahe agninā agniḥ samidhyate agnirvṛtrāṇi jaṅghanadagneḥ stomammanāmahe agnā yo martyo duva ityetāmṛcāmpratīkāni vibhaktayaḥ ।
1,4.4tā vai ṣaḍbhavanti ।
1,4.5ṣaḍvā ṛtavaḥ ।
1,4.6ṛtubhya eva enamtatpunarsamāharati ।
1,4.7yathā yathamuttamau prayāja anuyājau yajati ।
1,4.8tathā ha asya prayāja anuyājebhyo anitambhavati ।
1,4.9vārtraghnaḥ pūrva ājya bhāgaḥ pāpmana eva vadhāya ।
1,4.10atho ha asya paurṇamāsāttantrādanitambhavati ।
1,4.11agnimstomena bodhaya ityagnaye buddhimate pūrvamkuryāditi ha eka āhuḥ ।
1,4.12svapiti iva vā etasya agniryo agmimudvāsayate ।
1,4.13tadeva enamtatpunaḥ prabodhayati iti ।
1,4.14vārtraghnastveva sthitaḥ ।
1,4.15agna āyūṃṣi pavasa ityuttarasya puronuvākyā ।
1,4.16pavasa ittatsaumyamrūpam ।
1,4.17kevala āgneyo hi yajña kratuḥ ।
1,4.18tadyatpavamānasya kīrtayati ।
1,4.19tathā ha asya saumyādājya bhāgādanitambhavati ।
1,4.20pada paṅktayo yājyā puronuvākyāḥ ।
1,5.1pañca padā paṅktiḥ ।
1,5.2pāṅkto vai yajo yajñasya eva āptyai ।
1,5.3vyatiṣaktā bhavanti ।
1,5.4vyatiṣaktā iva vā ime prāṇā ātmānambhuñjanti iti ।
1,5.5sā sarvā eva sasāmidhenīka upāṃśu bhavatyāpūrvābhyāmanuyājābhyām ।
1,5.6ā hyato vibhaktayo anuprotā bhavanti ।
1,5.7atho sarve vai kāmā vibhaktiṣu ।
1,5.8tasmādupāṃśu bhavanti ।
1,5.9sarveṣāmeva kāmānāmāptyai ।
1,5.10uccaistveva uttamena anuyājena yajati ।
1,5.11uccaiḥ sūkta vāka śamyu vāka āvāha ।
1,5.12tadyathā vidamityāvirnaṣṭamkuryāt ।
1,5.13evamtadāviḥ kāmānkarotyāpamiti ।
1,5.14trayamha eka upāṃśu kurvanti vibhaktīruttaramājya bhāgamhaviriti ।
1,5.15etāvaddhyāgantu bhavati iti ।
1,5.16sā vā upāṃśu niruktā bhavati ।
1,5.17dvayamvā agne rūpamniruktamca aniruktamca ।
1,5.18tadeva asya tena āpnoti ।
1,5.19sarva āgneyamha eke kurvanti ।
1,5.20na tathā kuryāt ।
1,5.21tasyai punarutsyūto jaratsaṃvyāhaḥ punaḥ saṃskṛtaḥ kadratho anaḍvānhiraṇyamvā dakṣiṇā ।
1,5.22punaḥ karma hyetat ।
1,5.23ādityā dvitīyā ।
1,5.24pratiṣṭhā vā aditiḥ ।
1,5.25pratiṣṭhityā eva pratiṣṭhityā eva ।
1,5.26