abhijit ।
24,1.1abhijitā vai devā abhyajayannimāṃstrīṃllokān ।
24,1.2tasmātsa tryāvṛccaturudayo bhavati ।
24,1.3viśvajitā ajayannimāścatasro diśaḥ ।
24,1.4tasmātsa caturāvṛttryudayo bhavati ।
24,1.5abhijidabhijitā vai devā abhyajayan ।
24,1.6tadu ha anviva eva ṣaṣañja ।
24,1.7yadajitamparyaśiṣyata tadviśvajitā ajayan ।
24,1.8viśvamajaiṣma iti vā u viśvajit ।
24,1.9tau vā etāvindrāgnī eva yadabhijidviśvajitau ।
24,1.10agnireva abhijit ।
24,1.11agnirhi idamsarvamabhyajayat ।
24,1.12indro viśvajit ।
24,1.13indro hi idamsarvamviśvamajayat ।
24,1.14sa vā abhijidubhaya sāmā sarva stomo bhavati ।
24,1.15rathantarameva asya pratyakṣamṣaṣṭhambhavati ।
24,1.16ārbhave pavamāne bṛhat ।
24,1.17tasmādubhayāni sūktāni śasyante bārhata rāthantarāṇi ।
24,1.18tasya pra vo devāya agnaye yadvāhiṣṭhamtadagnaya ityete ubhe tadājyam ।
24,1.19pra va iti tadrāthantaramrūpam ।
24,1.20bṛhadarca vibhāvaso iti bṛhadbārhatim ।
24,1.21ubhau mādhucchandasa gārtsamadau praugau sampravayet ।
24,1.22vāyavyāmpurorucamśastvā atha ubhe vāyavye tṛce ।
24,2.1aindra vāyavīmpururucamśastvā atha ubhe aindra vāyave tṛce ।
24,2.2atha purorucamatha ubhe tṛce ।
24,2.3atha purorucamatha ubhe tṛce ।
24,2.4evameva sampravayet ।
24,2.5mādhucchandasānyeva pūrvāṇi tṛcāni karoti gārtsamadānyuttarāṇi ।
24,2.6tadu vā āhuḥ kimtadubhau sampravayet ।
24,2.7mādhucchandasa eva prauge sati gārtsamadamvaiśvadevamupariṣṭānmādhucchandasasya vaiśvadevasya paryāharet ।
24,2.8tadvā atra ekamnirukta bārhatam ।
24,2.9viśve devāsa ā gata śṛṇutā ma imamhavam ।
24,2.10ā idambarhirni ṣīdata iti ।
24,2.11barhiriti tadbārhatamrūpam ।
24,2.12atha mādhucchandasamsārasvatamśastvā tasya eva uttamayā paridadhyāditi ।
24,2.13aikāhikamprātaḥ savanamsyāditi sā sthitiḥ ।
24,2.14ekāho vā abhijit ।
24,2.15pratiṣṭhā vā ekāhaha pratiṣṭhityā eva ।
24,2.16janiṣṭhā ugraḥ sahase turāya iti gaurivītampūrvamśastvā indra piba tubhyamsuto madāya ityetasminbārhate pañcarce nividamdadhāti ।
24,3.1indrasya nu vīryāṇi pra vocamiti hairaṇya stūpampūrvamśastvā yā ta ūtiravamā yā paramā ityetasminbārhate navarce nividamdadhāti ।
24,3.2evamnu yadi rathantarampṛṣṭhambhavati ।
24,3.3yadyu bṛhat ।
24,3.4bārhate pūrve śastvā rāthantarayornividau dadhyāditi ।
24,3.5eka sūkte niṣkevalya marutvatīye syātāmiti sā sthitiḥ ।
24,3.6pibā somamabhi yamugra tardastamu ṣṭuhi yo abhibhūtyojā ityabhivatī ।
24,3.7tadabhijito rūpam ।
24,3.8atha nityameva aikāhikamtṛtīya savanam ।
24,3.9ekāho vā abhijit ।
24,3.10pratiṣṭhā vā ekāhaḥ pratiṣṭhityā eva ।
24,3.11svarbhānurha vā āsura ādityamtamasā avidhyat ।
24,4.1tasya atrayastamo apajighāṃsanta etamsaptadaśa stomamtryahampurastādviṣuvata upāyan ।
24,4.2tasya purastāttamo apajaghnuḥ ।
24,4.3tatpurastādasīdat ।
24,4.4ta etameva tryahamupariṣṭādviṣuvata upāyan ।
24,4.5tasya upariṣṭāttamo apajaghnuḥ ।
24,4.6tatparastādasīdat ।
24,4.7tadya evamvidvāṃsa etamtryahamubhayato viṣuvantamupayanti ।
24,4.8ubhābhyāmeva te lokābhyāmyajamānāḥ pāpmānamapaghnate ।
24,4.9tānvai svara sāmāna ityācakṣate ।
24,4.10etairha vā atraya ādityamtamaso aspṛṇvata ।
24,4.11tadyadaspṛṇvata ।
24,4.12tasmātsvara sāmānaḥ ।
24,4.13tadetadṛcā abhyuditam ।
24,4.14yamvai sūryamsvarbhānustamasā avidhyadāsuraḥ ।
24,4.15atrayastamanvavindanna ahyanye aśaknuvanniti ।
24,4.16svara sāmāno ha vā etena abhyuktāḥ ।
24,4.17kadvanti marutvatīyāni bhavanti ।
24,4.18kadvanto niṣkevalyeṣu pragāthāḥ ।
24,4.19ko vai prajāpatiḥ ।
24,4.20prajāpatiḥ svara sāmānaḥ ।
24,4.21ānuṣṭubhāni nividdhānāni bhavanti ।
24,4.22āpo vā anuṣṭup ।
24,4.23āpaḥ svara sāmānaḥ ।
24,4.24adbhirhi idamsarvamanuṣtabdham ।
24,4.25ubhayato hyamumādityamāpo avastācca upariṣṭācca ।
24,4.26tadetadṛcā abhyuditam ।
24,4.27yā rocane parastātsūryasya yāśca avastādupatiṣṭhanta āpa iti ।
24,4.28ā yajñairdeva martya iti prathamasya svara sāmna ājyamāvadrāthantaram ।
24,5.1bṛhadvayo hi bhānava iti dvitīyasya bṛhadbārhatam ।
24,5.2agna ojiṣṭhamā bhara iti tṛtīyasya āvadrāthantaram ।
24,5.3mādhucchandasaḥ prathamasya svara sāmnaḥ praugaḥ ।
24,5.4gārtsamado dvitīyasya ।
24,5.5auṣṇiha ātreyastṛtīyasya ।
24,5.6teṣāmuktambrāhmaṇam ।
24,5.7anvāyattā marutvatīyānāmpratipadanucarā anvāyattā brāhmaṇaspatyāstryaha rūpeṇa ।
24,5.8teṣāmuktambrāhmaṇam ।
24,5.9kva sya vīraḥ ko apaśyadindramiti prathamasya svara sāmno marutvatīyamkva iti kadvat ।
24,5.10kayā śubhā savayasaḥ sanīḍā iti dvitīyasya kayā iti kadvat ।
24,5.12ko vai prajāpatiḥ ।
24,5.13prajāpatiḥ svara sāmānaḥ ।
24,5.14yajjāyathā apūrvyā ityetasminnu ha eke bṛhatī tṛtīye stotriye anvahamsvarāṇyanvāyātayanti ।
24,5.15te yadi tathā kuryuḥ ।
24,5.16etāveva stotriyā anurūpāveṣā dhāyyā ।
24,5.17kannavyo atasīnāmiti kadvānpragāthastasya uktambrāhmaṇam ।
24,5.18atha rathantarasya yonistasyā uktambrāhmaṇam ।
24,5.19yamindra dadhiṣe tvamiti dvṛco aneka pātitāyai ।
24,5.20na idasau bṛhatyekākinī iva śastā asaditi ।
24,5.21indra tubhyaminmaghavannabhūma iti vijñāta traiṣṭubhamsavana dharaṇamtasya uktambrāhmaṇam ।
24,5.22yaste sādhiṣṭho avasa ityānuṣṭubhamniṣkevalyamtasya uktambrāhmaṇam ।
24,5.23indra kratuṣṭamā bhara ityāvadrāthantaram ।
24,5.24ityu vā u prathamasya ।
24,6.1kadū nvasya akṛtamiti kadvānpragāthastasya uktambrāhmaṇam ।
24,6.2atha bṛhato yonistasyā uktambrāhmaṇam ।
24,6.3svaranti tvā sute nara iti dvṛco aneka pātitāyai ।
24,6.4na idasau bṛhatyekākinī iva śastā asaditi ।
24,6.5adhvaryo vīra pra mahe sutānāmiti vijñāta traiṣṭubhamsanava dharaṇamtasya uktambrāhmaṇam ।
24,6.6gāyanti tvā gāyatriṇa ityānuṣṭubhamniṣkevalyamtasya uktambrāhmaṇam ।
24,6.7udvaṃśamiva yemira ityudvadbārhatam ।
24,6.8ityu vā u dvitīyasya ।
24,6.9imā u tvā prūravaso iti pragāthaḥ pāvaka varṇāḥ kavarṇā iti kadvāṃstasya uktambrāhmaṇam ।
24,6.10atha rathantarasya yoniratha bṛhatastayoruktambrāhmaṇam ।
24,6.11dānā mṛgo na vāraṇa iti dvṛco aneka pātitāyai ।
24,6.12na idasau bṛhatyekākinī iva śastā asaditi ।
24,6.13idamtyatpātramindra pānamiti vijñāta traiṣṭubhamsavana dharaṇamtasya uktambrahmaṇam ।
24,6.14indramviśvā avīvṛdhannityānuṣṭubhamniṣkevalyamtasya uktambrāhmaṇam ।
24,6.15tvāmabhi pra ṇonuma ityabhivat ।
24,6.16tadrāthantaramrūpam ।
24,6.17ityu vā u tṛtīyasya ।
24,6.18evamnu yadi svara pṛṣṭhā bhavanti ।
24,6.19yadi vā svara yoniṣu bṛhadrathantare ūḍhe syātām ।
24,6.20etadeva śastramavikṛtam ।
24,6.21yadyu bṛhadrathantare pṛṣṭhe kuryuḥ ।
24,6.22prajātā stotriyā anurūpā bārhata rāthantarāḥ prajñātā dhāyyā ।
24,6.23sāmnoḥ pragāthau pūrvau śastvā kadvataḥ pragāthānśaṃsanti ।
24,7.1uddharati dvecāṃśca savana dharaṇāni ca ।
24,7.2tadāhurna anuṣṭupsu nividamdadhyānmohayati klṛptacchandaso madhyaṃdinamiti ।
24,7.3ānuṣṭubhāni pūrvāṇi śastvā kāmasya upāptyai traiṣṭubheṣu nividamdadhāti ।
24,7.4arvāgrathamviśva vāramta ugra iti prathame ahanyāvati rāthantare ।
24,7.5apādita udu naścitratama iti dvitīya udvati bārhate ।
24,7.6samca tve jagmurgira indra pūrvīriti tṛtīye gatavayanta rūpe ।
24,7.7tathā yathā yathamnividdhīyate ।
24,7.8sā enānyathā yathamdhīyamānā sarveṣu ca lokeṣu sarveṣu ca kāmeṣu yathā yathamdadhāti ।
24,7.9yadi svarāṇi pṛṣṭhāni bhavanti ।
24,7.10bṛhadrathantare eva tarhi sāmagāha pavamāneṣu kurvanti ।
24,7.11yadi bṛhadrathantare pṛṣṭhe syātām ।
24,7.12svarāṇi tarhi sāmagāḥ pavamāneṣu kurvanti ।
24,7.13svarāṇi tveva pṛṣṭhāni syuriti ha sma āha kauṣītakiḥ ।
24,7.14svara sāmāno hyete ।
24,7.15pṛṣṭhairvai devāḥ svargamlokamasprakṣan ।
24,7.16tadyatsvarāṇi pṛṣṭhāni bhavanti ।
24,7.17svargasya eva lokasya spṛṣṭyā iti ।
24,7.18pṛṣṭhyasya ṣaḍahasya samūḍhasya yāḥ pūrvasya tryahasya vaiśvadevānāmpratipadastāḥ pratipadaḥ ।
24,8.1yānyuttarasya tryahasya tṛtīya savanāni tāni tṛtīya savanāni sānucarāṇi ।
24,8.2tadyāni tatra vaiśvadevāni tānyuddhṛtya anyānyanyānyaniruktāni prājāpatyāni parokṣa vaiśvadevānyavadhīyante ।
24,8.3pra vaḥ pāntamraghu manyavo andhastampratnathā pūrvathā viśvathā īmathā kaditthā nṝnḥ pātramdevayatāmiti ।
24,8.4prati nābhānediṣṭhaḥ ।
24,8.5tadvai khalu pratyakṣa vaiśvadevānyeva avadhīyeran ।
24,8.6agnirindro varuṇo mitro aryamā iti prathame ahani dyāmskabhitvī iti kadvat ।
24,8.7devānhuve bṛhatśravasaḥ svastaya iti dvitīye jyotiṣkṛta iti kadvat ।
24,8.8uṣāsā naktā bṛhatī supeśasā iti tṛtīye naktā iti kadvat ।
24,8.9ko vai prajāpatiḥ ।
24,8.10prajāpatiḥ svara sāmānaḥ ।
24,8.11te agniṣṭomā vā ukthyā vā saṃtiṣṭhante ।
24,8.12agniṣṭomā iti paiṅgyam ।
24,8.13brahma varcasino bhavanti ye agniṣṭomānupayanti ।
24,8.14ukthyāḥ syuriti ha sma āha kauṣītakiḥ ।
24,8.15sa vai yajña kratuḥ samṛddho ya ukthyaḥ ।
24,8.16pañcadaśa hyasya stotrāṇi bhavanti ।
24,8.17pañcadaśa śastrāṇi ।
24,8.18tāni triṃśatstuta śastrāṇi ।
24,8.19sa virājamabhisampadyate ।
24,8.20śrīrvirāḍanna adyam ।
24,8.21śriyo virājo anna adyasya upāptyai śriyo virājo anna adyasya upāptyai ।
24,8.22