atha yatra ha tatsarva carau devā yajñamatanvata ।
29,1.1tānha arbudaḥ kādraveyo madhyaṃdina upodāsṛpyā uvāca ।
29,1.2ekā vai va iyamhotrā na kriyate grāva stotriyā ।
29,1.3tāmvo ahamkaravāṇyupa mā hvayadhvamiti ।
29,1.4te ha tathā ityūcuḥ ।
29,1.5tamha upajuhuvire ।
29,1.6sa etā grāva stotriyā abhirūpā apaśyat ।
29,1.7pra ete vadantu pra vayamvadāma iti pravadatsu ।
29,1.8pra hi te vadanti prasavadati ।
29,1.9atha yatra bṛhadbṛhaditi ।
29,1.10bṛhadvadanti madireṇa mandinā iti tatra ।
29,1.11vi ṣū muñca iti vimuñcatsu ।
29,1.12tā vai caturdaśa bhavanti ।
29,1.13daśa vā aṅgulayaścatvāro grāvāṇaḥ ।
29,1.14etadeva tadabhisampadyante ।
29,1.15tā vai jagatyo bhavanti ।
29,1.16jāgatā vai grāvāṇaḥ ।
29,1.17atha yattriṣṭubhā paridadhāti ।
29,1.18tā vai jagatyo bhavanti ।
29,1.16jāgatā vai grāvāṇaḥ ।
29,1.17atha yattriṣṭubhā paridadhāti ।
29,1.18teno madhyaṃdine triṣṭubupāptā ।
29,1.19sa vai tiṣṭhannabhiṣṭauti ।
29,1.20tiṣṭhanti iva vai grāvāṇaḥ ।
29,1.21sa vā uṣṇīṣyapinaddha akṣo abhituṣṭāva ।
29,1.22tasmādvapyetarhyuṣṇīṣyeva grāvṇo abhiṣṭauti ।
29,1.23atho khalvāhuḥ ।
29,1.24cakṣurhā ha sa sarpa āsa ।
29,1.25tadṛtvijo viṣamapīyāya ।
29,1.26sa etāḥ pāvamānīrviṣa apamadanīrabhituṣṭāva ।
29,1.27tadyatpāvamānīrviṣa apamadanīrabhiṣṭauti ।
29,1.28yajñasya eva śāntyai ।
29,1.29yajamānasya ca bhiṣajyāyai ।
29,1.30atha stute pavamāne dadhi gharmeṇa caranti tasya uktambrāhmaṇam।
29,2.1atha haviṣpaṅktyā caranti tasyā uktambrāhmaṇam ।
29,2.2vāsiṣṭhīrmadhyaṃdina unnīyamānebhyo anvāha ।
29,2.3vasiṣṭho ha madhyaṃdina indrāya somamprovāca ।
29,2.4tā vā āvatyo harivatyo bhavanti puronuvākyā rūpeṇa ।
29,2.5tā vā aindryastriṣṭubho bhavanti ।
29,2.6aindramhi traiṣṭubhammādhyaṃdinamsavanam ।
29,2.7tā vai daśa anvāha ।
29,2.8daśa hyatra camasānunnayanti ।
29,2.9atha hotrāḥ samyajanti tāsāmuktambrāhmaṇam ।
29,2.10aindrībhistriṣṭubbhirmadhyaṃdine prasthitānāmyajanti ।
29,2.11aindramhi traiṣṭubhammādhyaṃdinamsavanam ।
29,2.12anuvaṣaṭkurvantyāhutīnāmeva śāntyai ।
29,2.13āhutīnāmpratiṣṭhityai ।
29,2.14atha iḍā atha hotṛ camasastasya uktambrāhmaṇam ।
29,2.15huteṣu dākṣiṇeṣu dakṣiṇā nīyante tāsāmuktambrāhmaṇam ।
29,2.16vaiśvāmitrīmmarutvatīya grahasya puronuvākyāmanvāha tasyā uktambrāhmaṇam ।
29,2.17vāmadevyammaitrāvaruṇasya pṛṣṭhambhavati ।
29,3.1śāntirvai bheṣajamvāmadevyam ।
29,3.2śāntireva eṣā bheṣajamyajñe kriyate ।
29,3.3naudhasambrāhmaṇācchaṃsinaḥ ।
29,3.4tadvai nidhanavadbhavati ।
29,3.5pratiṣṭhā vai nidhanampratiṣṭhityā eva ।
29,3.6kāleyamacchāvākasya ।
29,3.7tadvā aiḍambṛhatīṣu kurvanti ।
29,3.8paśavo vā iḍā ।
29,3.9paśavo bṛhatī ।
29,3.10bārhatāḥ paśavaḥ paśūnāmeva āptyai ।
29,3.11atha etāntsāma pragāthānanuśaṃsanti ।
29,3.12tathā eṣāmhoturnyāyādanitambhavati ।
29,3.13pañcarce maitrāvaruṇasya ca acchāvākasya ca uktha mukhe bhavataḥ ।
29,3.14ekādaśarcau paryāsau ।
29,3.15antāveva etatsadṛśau kurvataḥ ।
29,3.16viśvāmitrasya ca vāmadevasya ca maitrāvaruṇaḥ śaṃsati ।
29,3.17vāmadevyamhyasya pṛṣṭhambhavati ।
29,3.18viśvāmitrasya ca vasiṣṭhasya ca brāhmaṇācchaṃsī ।
29,3.19vāsiṣṭho hyasya paryāso bhavati ।
29,3.20bharadvājasya ca viśvāmitrasya ca acchāvākaḥ ।
29,3.21vaiśvāmitro hyasya paryāso bhavati ।
29,3.20bharadvājasya ca viśvāmitrasya ca acchāvākaḥ ।
29,3.21vaiśvāmitro hyasya paryāso bhavati ।
29,3.22te vai caturṇāmṛṣīṇāmśaṃsanti ।
29,3.23ā caturamvai dvandvammithunamprajananamprajātyai ।
29,3.24vaiśvāmitre maitrāvaruṇasya ca brāhmaṇācchaṃsinaśca uktha mukhe bhavataḥ ।
29,3.25paryāso acchāvākasya ।
29,3.26vāgvai viśvāmitraḥ ।
29,3.27vācā eva tatsarvato yajñamtanvata ityetadbrāhmaṇam ।
29,3.28prāyaṇīya udayanīyayoraikāhyamca bhavati ।
29,4.1vāmadevyammaitrāvaruṇasya aharahaḥ pṛṣṭhambhavati ।
29,4.2śāntirvai bheṣajamvāmadevyam ।
29,4.3śāntireva eṣā bheṣajamaharaharyajñe kriyate ।
29,4.4atha etānkadvataḥ pragāthānaharahaḥ śaṃsanti ।
29,4.5ko vai prajāpatiḥ ।
29,4.6prajāpatāveva tadaharahaḥ pratitiṣṭhanto yanti ।
29,4.7atho aśāntāni vā ete ahīna sūktānyanyānyanyānyupayuñjānā yanti ।
29,4.8tānyeva etaiḥ kadvadbhiḥ pragāthairaharahaḥ śamayanto yanti ।
29,4.9atha etāstantryāstriṣṭubha uktha pratipado aharahaḥ śasyante ।
29,4.10balamvai vīryamtriṣṭup ।
29,4.11bala eva tadvīrye aharahaḥ pratitiṣṭhanto yanti ।
29,4.12apa praca indra viśvānamitrāniti saukīrtimmaitrāvaruṇo apanuttavatīmpāpmana eva apanuttyai ।
29,4.13yadārṣeye sūkte tadārṣeye uktha mukhīye itarayoḥ ।
29,4.14brahmaṇā te brahma yujā yunajmyurumno lokamanu neṣi vidvāniti brahmavatyuruvatyau ।
29,4.15brahmaṇi ca eva taduru gāye ca aharahaḥ pratitiṣṭhanto yanti ।
29,4.16atha etānśilpāni madhyame tryahe śasyante ।
29,5.1śilpavānhyeṣa madhyamastryaho bhavati ।
29,5.2virājaśca vaimadyaśca caturthe ahan ।
29,5.3vairājamhi caturthamahaḥ ।
29,5.4paṅktayaśca mahā paṅktayaśca pañcame ahan ।
29,5.5pāṅktamhi pañcamamahaḥ ।
29,5.6aticchandasaḥ ṣaṣṭhe ahan ।
29,5.7āticchandasamhi ṣaṣṭhamahaḥ ।
29,5.8atho apṛṣṭhamvā u tadyadanyatra bṛhatyai kriyate ।
29,5.9cyavanta u vā atra bṛhatyai pṛṣṭhāni ।
29,5.10śilpeṣveva tadaharahaḥ pratitiṣṭhanto yanti ।
29,5.11atho antarikṣamvā eṣa madhyamastryahaḥ ।
29,5.12anārambhaṇamvā idamantarikṣamapratiṣṭhānam ।
29,5.13śilpeṣveva tadaharahaḥ pratitiṣṭhanto yanti ।
29,5.14tāni vai tṛcāni bhavanti ।
29,5.15trivṛdvai śilpamnṛttamgītamvāditamiti ।
29,5.16teṣveva tadaharahaḥ pratitiṣṭhanto yanti ।
29,5.17mā cidanyadvi śaṃsata mā bhema mā śramiṣma iti maithāthammaitrāvaruṇasya daśame ahanbṛhatīṣu pṛṣṭhambhavati ।
29,5.18na hi tasya prāgdaśamādahno bṛhatīṣu pṛṣṭhambhavati ।
29,5.19ekasthā vai śrīḥ ।
29,5.20śrīrvai bṛhatī ।
29,5.21śriyāmeva tadantataḥ pratitiṣṭhante yanti ।
29,5.22dvipadāḥ śastvā aikāhikāni śaṃsanti ।
29,6.1pratiṣṭhā vā ekāhaḥ pratiṣṭhā daśamamahaḥ ।
29,6.2pratiṣṭhānīyamvai chando dvipadāḥ pratiṣṭhityā eva ।
29,6.3naudhasambrāhmaṇācchaṃsinastasya uktambrāhmaṇam ।
29,6.4paṅktiṣu brāhmaṇācchaṃsine ca acchāvākāya ca praṇayanti pañcame ahan ।
29,6.5pāṅktamhi pañcamamahaḥ ।
29,6.6gāyatrīṣu brāhmaṇācchaṃsine praṇayanti ṣaṣṭhe ahan ।
29,6.7raivatasya eva ahno rūpeṇa ।
29,6.8ahīna sūktāni ṣaṣṭhe ahani śaṃsanti ।
29,6.9ahīna saṃtatyā ahīna rūpatāyai ।
29,6.10ahīnāntsarvānkāmānāpnuma iti ।
29,6.11na hyatra kiṃcana hīyate ।
29,6.12udu brahmāṇyairata śravasya ityaharahaḥ paryāsaḥ ।
29,6.13ṛtavo vā udubrahmīyam ।
29,6.14ṛtuṣveva tadaharahaḥ pratitiṣṭhanto yanti ।
29,6.15tā vai ṣaḍbhavanti ।
29,6.16ṣaḍvā ṛtavaḥ ।
29,6.17ṛtuṣveva tadaharahaḥ pratitiṣṭhanto yanti ।
29,6.18kāleyamacchāvākasya tasya uktambrāhmaṇam ।
29,7.1ṣaṭpadāsvacchāvākāya praṇayanti ṣaṣṭhe ahan ।
29,7.2ṣaṣṭhasya eva ahno rūpeṇa ।
29,7.3abhi taṣṭā iva dīdhayā manīṣāmityaharahaḥ paryāsaḥ ।
29,7.4prajāpatirvā abhitaṣṭīyam ।
29,7.5prajāpatāveva tadaharahaḥ pratitiṣṭhanto yanti ।
29,7.6tadvā aniruktambhavati ।
29,7.7anirukta u vai prajāpatiḥ ।
29,7.8tatprājāpatyamrūpam ।
29,7.9sā vā atra ekā eva niruktā ।
29,7.10eka u vai prajāpatiḥ ।
29,7.11tatprajāpatyamrūpam ।
29,7.12daśarcambhavati ।
29,7.13daśa ime prāṇāḥ ।
29,7.14prāṇāneva tadyajñeṣu ca yajamāneṣu ca dadhāti ।
29,7.15dviṣu uktā hotrāṇāmmadhyaṃdināḥ ।
29,7.16dvyukthasya eva hotuḥ pratyudyamāya ।
29,7.17atho saṃvatsaro vai hotā ।
29,7.18ṛtavo hotrāśaṃsinaḥ ।
29,7.19tadyaddvandvamsamastā ṛtava ākhyāyante grīṣmo varṣā hemanta iti ।
29,7.20tasmāddviṣu uktā hotrāṇāmmadhyaṃdināḥ ।
29,7.21atho ātmā vai hotā ।
29,7.22aṅgāni hotrāśmasinaḥ ।
29,7.23tadyaddviguṇānyaṅgāni bhavanti ।
29,7.24tasmāddviṣu uktā hotrāṇāmmadhyaṃdināḥ ।
29,7.25stoma atiśaṃsamprātaḥ savaneṣu śastvā ahīna sūktāni madhyaṃdineṣu śaṃsanti caturviṃśe abhijitviṣuvati bṛhatpṛṣṭhe viśvajiti mahāvratīye ahan ।
29,8.1ahīno hyetānyahāni ।
29,8.2tadyadahīna sūktāni madhyaṃdineṣu śaṃsanti ।
29,8.3parāñcīni vā etānyahānyabhyāvartīni ।
29,8.4na itpāñco agāma iti ।
29,8.5ahīna sūktāni śastvā aikāhikībhiḥ paridadhati ।
29,8.6pratiṣṭhā vā ekāhaḥ pratiṣṭhityā eva ।
29,8.7pāṅktāḥ paśavaḥ ।
29,8.10paśūnāmeva āptyai ।
29,8.11catvāri catvāri sūktāni brāhmaṇācchaṃsī ca acchāvākaśca śaṃsataḥ sarveṣu chandomeṣu ।
29,8.12paśavo vai chandomāḥ ।
29,8.13catuṣṭayā vai paśavaḥ ।
29,8.14atho catuṣpādāḥ paśūnāmeva āptyai ।
29,8.15pañca āhāvāni śastrāṇi ।
29,8.16paśavo vā ukthāni ।
29,8.17pāṅktāḥ paśavaḥ ।
29,8.18paśūnāmeva āptyai ।
29,8.19aikāhikā ukthya yājyāḥ ।
29,8.20pratiṣṭhā vā ekāhaḥ pratiṣṭhityā eva ।
29,8.21anuvaṣaṭkurvantyāhutīnāmeva śāntyai ।
29,8.22āhutīnāmpratiṣṭhityā āhutīnāmpratiṣṭhityai ।
29,8.23