brahma vai agniḥ ।
9,1.1tadyadupavasathe agnimpraṇayati ।
9,1.2brahmaṇā eva tadyajamānasya pāpmānamapaghnanti ।
9,1.3purastādāhavanīyena ।
9,1.4paścādgārhapatyena ।
9,1.5uttarata āgnīdhriyeṇa ।
9,1.6dakṣiṇato mārjālīyena ।
9,1.7ye antaḥ sadasamtairmadhyataḥ ।
9,1.8tasmādupavasathe prāñcamagnimpraṇayanti ।
9,1.9vi dhiṣṇyānharanti ।
9,1.10yajamānasya eva pāpmano apahatyai ।
9,1.11devā vai dīkṣiṣyamāṇā vācamapāsādayanta ।
9,1.12bahu tvamucca avacamnigacchasi ।
9,1.15tāmdevāstatra na abhājanta ।
9,1.16sā prāyaṇīye tāmu tatra no bhava ।
9,1.17sā kraye tāmu tatra no bhava ।
9,1.18sā ātithye tāmu tara no bhava ।
9,1.19so vā etadupasado nācana āgacchannirvidya eva ।
9,1.20tasmādu tatra upāṃśu careyuḥ ।
9,1.21yathā eva eva mithaḥ saṃśṛṇvīran ।
9,1.22so vā etadupavasathe agnau praṇīyamāna āgacchat ।
9,2.1tāmdevāstatra abhajanta ।
9,2.2tasmādu tatra prathamata eva uccairanubrūyāt ।
9,2.3yathā enāmāgatāmanubudhyeranna abhaktāmyajñe ।
9,2.4pra devamdevyā dhiyā iti pravantamtṛcamprahriyamāṇāya anvāha ।
9,2.5iḍāyāstvā pade vayamiti ।
9,2.6iyamvā iḍā ।
9,2.7asyāmhi idamsarvamīṭṭe ।
9,2.8jātavedo nidhīmahi iti nihitavatā ardharcena nidhīyamānamanustauti ।
9,2.9agne viśvebhiḥ svanīka devaiḥ sīda hotaḥ sva u loke cikitvānnihotā hotṛ ṣadane vidāna iti sannavatībhiḥ sannamanustauti ।
9,2.10tvamdūtastvamu naḥ paraspā iti dūtavatyā paridadhāti ।
9,2.11abhirūpā anvāha ।
9,2.12yadyajñe abhirūpamtatsamṛddhamyajñasya eva samṛddhyai ।
9,2.13tā vā aṣṭau bhavanti ।
9,2.14etābhirvai devāḥ sarvā aṣṭīrāśnuvata ।
9,2.15tatho eva etadyajamāna etābhireva sarvā aṣṭīraśnute ।
9,2.16triḥ prathamayā triruttamayā dvādaśa sampadyante ।
9,2.17dvādaśa vai māsāḥ saṃvatsaraḥ ।
9,2.18saṃvatsarasya eva āptyai ।
9,2.19tāḥ samanūktā aṣṭādaśa gāyatryaḥ sampadyante ।
9,2.20āgneyameva chandobhiḥ ।
9,2.21yasya ha kasya ca ṣaṭsamānasya chandasastā gāyatrīmabhisampadyante ।
9,2.22yasya sapta tā uṣṇiham ।
9,2.23yasya aṣṭau tā anuṣṭubham ।
9,2.24yasya nava tā bṛhatīm ।
9,2.25yasya daśa tāḥ paṅktim ।
9,2.26yasya ekādaśa tāstriṣṭubham ।
9,2.27yasya dvādaśa tā jagatīm ।
9,2.28vākca vai manaśca havirdhāne ।
9,3.1vāci ca vai manasi ca idamsarvamhitam ।
9,3.2tadyaddhavirdhāne pravartayanti ।
9,3.3sarveṣāmeva kāmānāmāptyai ।
9,3.4dve havirdhāne bhavataḥ ।
9,3.5chadistṛtīyamabhinidadhati ।
9,3.6tairyatkiṃca trividhamadhidaivatamadhyātmamtatsarvamāpnoti ।
9,3.7pretāmyajñasya śambhuvā iti pravatīmpravartyamānābhyāmanvāha ।
9,3.8dyāvā naḥ pṛthivī imamtayoridghṛtavatpaya iti ।
9,3.9āśīrvatī pūrvā ।
9,3.10atho dvidevatyā dvayorhavirdhānayoḥ ।
9,3.11yāmadhvaryurvartmanyāhutimjuhoti tāmpūrvayā anuvadati ।
9,3.12yaddhavirdhāne pravartayanti taduttarayā ।
9,3.13yame iva yatamāne yadā etamityabhirūpayā havirdhāne anustauti ।
9,3.14pra vāmbharanmānuṣā devayanta iti ।
9,3.15bahavo hyete haranti ।
9,3.16adhi dvayoradadhā ukthyamvaco viśvā rūpāṇi prati muñcate kaviriti ।
9,3.17yacchardistṛtīyamabhinidadhati tatpūrvayā anuvadati ।
9,3.18yaddhavirdhāne pariśrayante taduttarayā ।
9,3.19ato rarāṭyāmeva uttarayāṇ।
9,3.20te yadā manyeta atra na iṅgayiṣyanti iti ।
9,3.21yadā ene nabhyasthe kuryuḥ ।
9,3.22athā vāmupasthamadruhā iti ।
9,3.23yadā vai kṣemo atha upasthaḥ ।
9,3.24pari tvā girvaṇo gira iti parivatyā paridadhāti ।
9,4.1abhirūpā anvāha ।
9,4.2yadyajñe abhirūpamtatsamṛddhamyajñasya eva samṛddhyai ।
9,4.3tā vā aṣṭau bhavanti ।
9,4.4etābhirvai devāḥ sarvā aṣṭīrāśnuvata ।
9,4.5tatho eva etadyajamāna etābhireva sarvā aṣṭīraśnute ।
9,4.6triḥ prathamayā triruttamayā dvādaśa sampadyante ।
9,4.7dvādaśa vai māsāḥ saṃvatsaraḥ ।
9,4.8saṃvatsarasya eva āptyai ।
9,4.9yadveva triḥ prathamāmtriruttamām ।
9,4.10yajñasya eva tadbarsau nahyati sthemne avisraṃsāya ।
9,4.11tadu hotāramabhibhāṣante yathā hotarabhayamasattathā kurviti ।
9,4.12sampreṣitaḥ purarcaḥ pratipadanāddakṣiṇasya pādasya prapadena pratyañcaṃllokamapāsyati ।
9,4.13apeto janyambhayamanya janyamca vṛtrahan ।
9,4.14apa cakrā avṛtsata iti ।
9,4.15ata u ha cakrāṇāmabhyācāraḥ ।
9,4.16tata u ha tasmā ardhāya abhayambhavati ।
9,4.17sa prānyandakṣiṇasya havirdhānasya uttaramvartma upaniśrayīta ।
9,4.18ayamvai loko dakṣiṇamhavirdhānam ।
9,4.19pratiṣṭhā vā ayaṃllokaḥ ।
9,4.20pratiṣṭhāyāmanucchinno asāni iti ।
9,4.21yatra tiṣṭhanparidadhyāt ।
9,4.22cyoṣyata iti tathā ha syāt ।
9,4.26tasmātparidhāya dakṣiṇambāhumanvāvṛtya vācamyamo yathetampratyetya ।
9,4.27yatra prathamāmtiṣṭhannanvavocat ।
9,4.28tatsthitvā atra ca agni praharaṇe ca ।
9,4.29atha yathā āvasathamabhyupeyāt ।
9,4.30brahma vā agniḥ kṣatramsomaḥ ।
9,5.1tadyadupavasathe agnīṣomau praṇayanti ।
9,5.2brahma kṣatrābhyāmeva tadyajamānasya pāpmānamapaghnanti ।
9,5.3tadu vā āhurāsīna eva hotā etāmprathamāmanubrūyāt ।
9,5.4sarvāṇi ha vai bhūtāni somamrājānampraṇīyamānamanu pracyavante ।
9,5.5tadyadāsīno hotā etāmṛcamanvāha ।
9,5.6tadeva sarvāṇi bhūtāni yathā āyatanamniyacchati iti ।
9,5.7sāvīrhi deva prathamāya pitra iti sāvitrīmprathamāmanvāha ।
9,5.8savitṛ prasūtatāyai ।
9,5.9savitṛ prasūtasya ha vai na kācana riṣṭirbhavatyariṣṭyai ।
9,5.10uttiṣṭha brahmaṇaspata ityutthāpayati praitu brahmaṇaspatiriti praṇayati brāhmaṇaspatye abhirūpe anvāha ।
9,5.11brahma vai brahmaṇaspatiḥ ।
9,5.12brahmaṇā eva tadbrahma samardhayati ।
9,5.13hotā devo amartya upa tvā agne dive diva iti kevala āgneyau tṛcāvanvāha ।
9,5.14agnimhi pūrvamharanti ।
9,5.15tau vā itavantau bhavataḥ ।
9,5.16hriyamāṇamhyagnimstauti ।
9,5.17sa yatra upādhigacchedbhūtānāmgarbhamādadha iti ।
9,5.18tadgarbha kāmāyai garbhamdhyāyāt ।
9,5.19labhate ha garbham ।
9,5.20atha agnīdhre agnimnidadhati ।
9,5.21tadadhvaryurāhutimjuhoti ।
9,5.22tāmsampratyetāmanubrūyādagne juṣasva pati harya tadvaca iti ।
9,5.23tasyā eva eṣā yājyā juṣasva prati haryā ityabhirūpā ।
9,5.24atha kevalamsomamprāñcamharanti ।
9,6.1tasmātkevalīḥ saumīranvāha ।
9,6.2somo jigāti gātuviditi itavattṛcamanubruvannanusameti ।
9,6.3atha adhvaryurāhavanīye punarāhutimjuhoti ।
9,6.4tāmsampratyetāmanubrūyādupa priyampanipnatamiti ।
9,6.5tasyā eva eṣā yājyā āhutī vṛdhamityabhirūpā ।
9,6.6atha pūrvayā dvārā rājānamprapādayanti ।
9,6.7tasminprapādyamāne tamasya rājā varuṇastamaśvinā iti ।
9,6.8vrajamca viṣṇuḥ sakhivāmaporṇuta ityabhirūpāmprapādyamānāya anvāha ।
9,6.9antaśca prāgā aditirbhavāsi iti prapannavatīmprapannāya ।
9,6.10śyeno na yonimsadanamdhiyā kṛtamgaṇānāmtvā gaṇa patimhavāmahe astabhnāddyāmasuro viśva devā iti sannavatībhiḥ sannamanustauti ।
9,6.11evā vandasva varuṇambṛhantamityāśīrvatyā paridadhāti ।
9,6.12abhirūpā anvāha ।
9,6.13yadyajñe abhirūpamtatsamṛddhamyajñasya eva samṛddhyai ।
9,6.14tā vai viṃśatimanvāha ।
9,6.15tā virājamabhisampadyante ।
9,6.16vairājaḥ somaḥ ।
9,6.17annamvirāḍannamsomaḥ ।
9,6.18annena tadanna adyamsamardhayati ।
9,6.19triḥ prathamayā triru uttamayā caturviṃśatiḥ sampadyante ।
9,6.20caturviṃśatirvai saṃvatsarasya ardha māsāḥ ।
9,6.21saṃvatsarasya eva āptyai ।
9,6.22evamnu yadi pūrvayā dvārā rājānamprapādayeyuḥ ।
9,6.23yadyu vā aparayā ।
9,6.24tena eva hotā anusamiyāt ।
9,6.25ātmā vai yajñasya hotā ।
9,6.26prāṇaḥ somaḥ ।
9,6.27na itprāṇādātmānamapādadhāni iti ।
9,6.28uttarato dakṣiṇā tiṣṭhanparidadhāti ।
9,6.29yaśo vai somo rājā anna adyam ।
9,6.30amuta eva tadarvāgātmanyaśo dhatte yaśo dhatte ।
9,6.31