ब्रह्म वै अग्निः ।
9,1.1तद्यदुपवसथे अग्निम्प्रणयति ।
9,1.2ब्रह्मणा एव तद्यजमानस्य पाप्मानमपघ्नन्ति ।
9,1.3पुरस्तादाहवनीयेन ।
9,1.4पश्चाद्गार्हपत्येन ।
9,1.5उत्तरत आग्नीध्रियेण ।
9,1.6दक्षिणतो मार्जालीयेन ।
9,1.7ये अन्तः सदसम्तैर्मध्यतः ।
9,1.8तस्मादुपवसथे प्राञ्चमग्निम्प्रणयन्ति ।
9,1.9वि धिष्ण्यान्हरन्ति ।
9,1.10यजमानस्य एव पाप्मनो अपहत्यै ।
9,1.11देवा वै दीक्षिष्यमाणा वाचमपासादयन्त ।
9,1.12बहु त्वमुच्च अवचम्निगच्छसि ।
9,1.15ताम्देवास्तत्र न अभाजन्त ।
9,1.16सा प्रायणीये तामु तत्र नो भव ।
9,1.17सा क्रये तामु तत्र नो भव ।
9,1.18सा आतिथ्ये तामु तर नो भव ।
9,1.19सो वा एतदुपसदो नाचन आगच्छन्निर्विद्य एव ।
9,1.20तस्मादु तत्र उपांशु चरेयुः ।
9,1.21यथा एव एव मिथः संशृण्वीरन् ।
9,1.22सो वा एतदुपवसथे अग्नौ प्रणीयमान आगच्छत् ।
9,2.1ताम्देवास्तत्र अभजन्त ।
9,2.2तस्मादु तत्र प्रथमत एव उच्चैरनुब्रूयात् ।
9,2.3यथा एनामागतामनुबुध्येरन्न अभक्ताम्यज्ञे ।
9,2.4प्र देवम्देव्या धिया इति प्रवन्तम्तृचम्प्रह्रियमाणाय अन्वाह ।
9,2.5इडायास्त्वा पदे वयमिति ।
9,2.6इयम्वा इडा ।
9,2.7अस्याम्हि इदम्सर्वमीट्टे ।
9,2.8जातवेदो निधीमहि इति निहितवता अर्धर्चेन निधीयमानमनुस्तौति ।
9,2.9अग्ने विश्वेभिः स्वनीक देवैः सीद होतः स्व उ लोके चिकित्वान्निहोता होतृ षदने विदान इति सन्नवतीभिः सन्नमनुस्तौति ।
9,2.10त्वम्दूतस्त्वमु नः परस्पा इति दूतवत्या परिदधाति ।
9,2.11अभिरूपा अन्वाह ।
9,2.12यद्यज्ञे अभिरूपम्तत्समृद्धम्यज्ञस्य एव समृद्ध्यै ।
9,2.13ता वा अष्टौ भवन्ति ।
9,2.14एताभिर्वै देवाः सर्वा अष्टीराश्नुवत ।
9,2.15तथो एव एतद्यजमान एताभिरेव सर्वा अष्टीरश्नुते ।
9,2.16त्रिः प्रथमया त्रिरुत्तमया द्वादश सम्पद्यन्ते ।
9,2.17द्वादश वै मासाः संवत्सरः ।
9,2.18संवत्सरस्य एव आप्त्यै ।
9,2.19ताः समनूक्ता अष्टादश गायत्र्यः सम्पद्यन्ते ।
9,2.20आग्नेयमेव छन्दोभिः ।
9,2.21यस्य ह कस्य च षट्समानस्य छन्दसस्ता गायत्रीमभिसम्पद्यन्ते ।
9,2.22यस्य सप्त ता उष्णिहम् ।
9,2.23यस्य अष्टौ ता अनुष्टुभम् ।
9,2.24यस्य नव ता बृहतीम् ।
9,2.25यस्य दश ताः पङ्क्तिम् ।
9,2.26यस्य एकादश तास्त्रिष्टुभम् ।
9,2.27यस्य द्वादश ता जगतीम् ।
9,2.28वाक्च वै मनश्च हविर्धाने ।
9,3.1वाचि च वै मनसि च इदम्सर्वम्हितम् ।
9,3.2तद्यद्द्हविर्धाने प्रवर्तयन्ति ।
9,3.3सर्वेषामेव कामानामाप्त्यै ।
9,3.4द्वे हविर्धाने भवतः ।
9,3.5छदिस्तृतीयमभिनिदधति ।
9,3.6तैर्यत्किंच त्रिविधमधिदैवतमध्यात्मम्तत्सर्वमाप्नोति ।
9,3.7प्रेताम्यज्ञस्य शम्भुवा इति प्रवतीम्प्रवर्त्यमानाभ्यामन्वाह ।
9,3.8द्यावा नः पृथिवी इमम्तयोरिद्घृतवत्पय इति ।
9,3.9आशीर्वती पूर्वा ।
9,3.10अथो द्विदेवत्या द्वयोर्हविर्धानयोः ।
9,3.11यामध्वर्युर्वर्त्मन्याहुतिम्जुहोति ताम्पूर्वया अनुवदति ।
9,3.12यद्द्हविर्धाने प्रवर्तयन्ति तदुत्तरया ।
9,3.13यमे इव यतमाने यदा एतमित्यभिरूपया हविर्धाने अनुस्तौति ।
9,3.14प्र वाम्भरन्मानुषा देवयन्त इति ।
9,3.15बहवो ह्येते हरन्ति ।
9,3.16अधि द्वयोरदधा उक्थ्यम्वचो विश्वा रूपाणि प्रति मुञ्चते कविरिति ।
9,3.17यच्छर्दिस्तृतीयमभिनिदधति तत्पूर्वया अनुवदति ।
9,3.18यद्द्हविर्धाने परिश्रयन्ते तदुत्तरया ।
9,3.19अतो रराट्यामेव उत्तरयाण्।
9,3.20ते यदा मन्येत अत्र न इङ्गयिष्यन्ति इति ।
9,3.21यदा एने नभ्यस्थे कुर्युः ।
9,3.22अथा वामुपस्थमद्रुहा इति ।
9,3.23यदा वै क्षेमो अथ उपस्थः ।
9,3.24परि त्वा गिर्वणो गिर इति परिवत्या परिदधाति ।
9,4.1अभिरूपा अन्वाह ।
9,4.2यद्यज्ञे अभिरूपम्तत्समृद्धम्यज्ञस्य एव समृद्ध्यै ।
9,4.3ता वा अष्टौ भवन्ति ।
9,4.4एताभिर्वै देवाः सर्वा अष्टीराश्नुवत ।
9,4.5तथो एव एतद्यजमान एताभिरेव सर्वा अष्टीरश्नुते ।
9,4.6त्रिः प्रथमया त्रिरुत्तमया द्वादश सम्पद्यन्ते ।
9,4.7द्वादश वै मासाः संवत्सरः ।
9,4.8संवत्सरस्य एव आप्त्यै ।
9,4.9यद्वेव त्रिः प्रथमाम्त्रिरुत्तमाम् ।
9,4.10यज्ञस्य एव तद्बर्सौ नह्यति स्थेम्ने अविस्रंसाय ।
9,4.11तदु होतारमभिभाषन्ते यथा होतरभयमसत्तथा कुर्विति ।
9,4.12सम्प्रेषितः पुरर्चः प्रतिपदनाद्दक्षिणस्य पादस्य प्रपदेन प्रत्यञ्चंल्लोकमपास्यति ।
9,4.13अपेतो जन्यम्भयमन्य जन्यम्च वृत्रहन् ।
9,4.14अप चक्रा अवृत्सत इति ।
9,4.15अत उ ह चक्राणामभ्याचारः ।
9,4.16तत उ ह तस्मा अर्धाय अभयम्भवति ।
9,4.17स प्रान्यन्दक्षिणस्य हविर्धानस्य उत्तरम्वर्त्म उपनिश्रयीत ।
9,4.18अयम्वै लोको दक्षिणम्हविर्धानम् ।
9,4.19प्रतिष्ठा वा अयंल्लोकः ।
9,4.20प्रतिष्ठायामनुच्छिन्नो असानि इति ।
9,4.21यत्र तिष्ठन्परिदध्यात् ।
9,4.22च्योष्यत इति तथा ह स्यात् ।
9,4.26तस्मात्परिधाय दक्षिणम्बाहुमन्वावृत्य वाचम्यमो यथेतम्प्रत्येत्य ।
9,4.27यत्र प्रथमाम्तिष्ठन्नन्ववोचत् ।
9,4.28तत्स्थित्वा अत्र च अग्नि प्रहरणे च ।
9,4.29अथ यथा आवसथमभ्युपेयात् ।
9,4.30ब्रह्म वा अग्निः क्षत्रम्सोमः ।
9,5.1तद्यदुपवसथे अग्नीषोमौ प्रणयन्ति ।
9,5.2ब्रह्म क्षत्राभ्यामेव तद्यजमानस्य पाप्मानमपघ्नन्ति ।
9,5.3तदु वा आहुरासीन एव होता एताम्प्रथमामनुब्रूयात् ।
9,5.4सर्वाणि ह वै भूतानि सोमम्राजानम्प्रणीयमानमनु प्रच्यवन्ते ।
9,5.5तद्यदासीनो होता एतामृचमन्वाह ।
9,5.6तदेव सर्वाणि भूतानि यथा आयतनम्नियच्छति इति ।
9,5.7सावीर्हि देव प्रथमाय पित्र इति सावित्रीम्प्रथमामन्वाह ।
9,5.8सवितृ प्रसूततायै ।
9,5.9सवितृ प्रसूतस्य ह वै न काचन रिष्टिर्भवत्यरिष्ट्यै ।
9,5.10उत्तिष्ठ ब्रह्मणस्पत इत्युत्थापयति प्रैतु ब्रह्मणस्पतिरिति प्रणयति ब्राह्मणस्पत्ये अभिरूपे अन्वाह ।
9,5.11ब्रह्म वै ब्रह्मणस्पतिः ।
9,5.12ब्रह्मणा एव तद्ब्रह्म समर्धयति ।
9,5.13होता देवो अमर्त्य उप त्वा अग्ने दिवे दिव इति केवल आग्नेयौ तृचावन्वाह ।
9,5.14अग्निम्हि पूर्वम्हरन्ति ।
9,5.15तौ वा इतवन्तौ भवतः ।
9,5.16ह्रियमाणम्ह्यग्निम्स्तौति ।
9,5.17स यत्र उपाधिगच्छेद्भूतानाम्गर्भमादध इति ।
9,5.18तद्गर्भ कामायै गर्भम्ध्यायात् ।
9,5.19लभते ह गर्भम् ।
9,5.20अथ अग्नीध्रे अग्निम्निदधति ।
9,5.21तदध्वर्युराहुतिम्जुहोति ।
9,5.22ताम्सम्प्रत्येतामनुब्रूयादग्ने जुषस्व पति हर्य तद्वच इति ।
9,5.23तस्या एव एषा याज्या जुषस्व प्रति हर्या इत्यभिरूपा ।
9,5.24अथ केवलम्सोमम्प्राञ्चम्हरन्ति ।
9,6.1तस्मात्केवलीः सौमीरन्वाह ।
9,6.2सोमो जिगाति गातुविदिति इतवत्तृचमनुब्रुवन्ननुसमेति ।
9,6.3अथ अध्वर्युराहवनीये पुनराहुतिम्जुहोति ।
9,6.4ताम्सम्प्रत्येतामनुब्रूयादुप प्रियम्पनिप्नतमिति ।
9,6.5तस्या एव एषा याज्या आहुती वृधमित्यभिरूपा ।
9,6.6अथ पूर्वया द्वारा राजानम्प्रपादयन्ति ।
9,6.7तस्मिन्प्रपाद्यमाने तमस्य राजा वरुणस्तमश्विना इति ।
9,6.8व्रजम्च विष्णुः सखिवामपोर्णुत इत्यभिरूपाम्प्रपाद्यमानाय अन्वाह ।
9,6.9अन्तश्च प्रागा अदितिर्भवासि इति प्रपन्नवतीम्प्रपन्नाय ।
9,6.10श्येनो न योनिम्सदनम्धिया कृतम्गणानाम्त्वा गण पतिम्हवामहे अस्तभ्नाद्द्यामसुरो विश्व देवा इति सन्नवतीभिः सन्नमनुस्तौति ।
9,6.11एवा वन्दस्व वरुणम्बृहन्तमित्याशीर्वत्या परिदधाति ।
9,6.12अभिरूपा अन्वाह ।
9,6.13यद्यज्ञे अभिरूपम्तत्समृद्धम्यज्ञस्य एव समृद्ध्यै ।
9,6.14ता वै विंशतिमन्वाह ।
9,6.15ता विराजमभिसम्पद्यन्ते ।
9,6.16वैराजः सोमः ।
9,6.17अन्नम्विराडन्नम्सोमः ।
9,6.18अन्नेन तदन्न अद्यम्समर्धयति ।
9,6.19त्रिः प्रथमया त्रिरु उत्तमया चतुर्विंशतिः सम्पद्यन्ते ।
9,6.20चतुर्विंशतिर्वै संवत्सरस्य अर्ध मासाः ।
9,6.21संवत्सरस्य एव आप्त्यै ।
9,6.22एवम्नु यदि पूर्वया द्वारा राजानम्प्रपादयेयुः ।
9,6.23यद्यु वा अपरया ।
9,6.24तेन एव होता अनुसमियात् ।
9,6.25आत्मा वै यज्ञस्य होता ।
9,6.26प्राणः सोमः ।
9,6.27न इत्प्राणादात्मानमपादधानि इति ।
9,6.28उत्तरतो दक्षिणा तिष्ठन्परिदधाति ।
9,6.29यशो वै सोमो राजा अन्न अद्यम् ।
9,6.30अमुत एव तदर्वागात्मन्यशो धत्ते यशो धत्ते ।
9,6.31