प्रथममहरयमेव लोक आयतनेन ।
22,1.1अग्निर्गायत्री त्रिवृत्स्तोमो रथन्तरम्साम ।
22,1.2तन्न्वस्य निदानम् ।
22,1.3तस्य एता छन्दो रूपाणि ।
22,1.4करिष्यन्प्रथमे पदे सदेवम् ।
22,1.5यद्वै भविष्यत्तत्करिष्यत् ।
22,1.6यद्वै भविष्यत्तत्करिष्यत् ।
22,1.6आवत्प्रवदेषवदर्षवदद्यवद्युक्तवद्युञ्जानवज्ज्योतिष्मदिति ।
22,1.7उपप्रयन्तो अध्वरमित्याज्यम्प्रवत् ।
22,1.8प्रवद्वै प्रथमस्य अह्ने रूपम् ।
22,1.9गायत्रम्गायत्र प्रातः सवनो ह्येष त्र्यहः ।
22,1.10इति नु व्यूढे ।
22,1.11उद्धृत्य एतत्प्र वो देवाय अग्नय इति समूढे तस्य उक्तम्ब्राह्मणम् ।
22,1.12माधुच्छन्दस प्रौगस्तस्य उक्तम्ब्राह्मणम् ।
22,1.13आ यात्विन्द्रो अवस उप न इति मरुत्वतीयमावत् ।
22,1.14आवद्वै प्रथमस्य अह्नो रूपम् ।
22,1.15स्वर्णरादवसे नो मरुत्वानिति स एव अस्मिन्मरुन्न्यङ्गः ।
22,1.16आ न इन्द्रो दूरादा न आसादिति निष्केवल्यमावत् ।
22,1.17आवद्वै प्रथमस्य अह्नो रूपम् ।
22,1.18सम्पातौ निष्केवल्य मरुत्वतीये भवतः प्रथमे अहन् ।
22,1.19सम्पातैर्वै देवाः स्वर्गंल्लोकम्समपतन् ।
22,1.20तस्मादत्र प्रथमौ शस्येते स्वर्ग्यौ ।
22,1.21तद्यत्सम्पातौ निष्केवल्य मरुत्वतीये भवतः प्रथमे अहन् ।
22,1.22स्वर्गस्य एव लोकस्य समष्ठ्या इति ।
22,1.23युञ्जते मन उत युज्ञते धियः प्र द्यावा यज्ञैः पृथिवी ऋतावृधा इह इह वो मनसा बन्धुता नर इत्यार्भवम् ।
22,2.1तेन नियच्छति ।
22,2.2युक्तवन्ति च वै प्रवन्ति च प्रथमे अहन्त्सूक्तानि शस्यन्ते ।
22,2.3तद्यदिह इह व इत्यार्भवम्करोति ।
22,2.4तन्नियत्या अप्रच्युत्यै रूपम् ।
22,2.5हयो न विद्वानयुजि स्वयम्धुरि इति वैश्वदेवम्युक्तवत् ।
22,2.6युक्तवद्वै प्रथमस्य अह्नो रूपम् ।
22,2.7तस्य द्वे उत्तमे उत्सृजति ।
22,2.8कुविदेते अवधृते आग्निमारुते शस्येते इति ।
22,2.9तदु ह स्म आह कौषीतकिः ।
22,2.10शंसेदेव सूक्तस्य अव्यवच्छेदाय इति ।
22,2.11न ह वा ऋक्शस्त्रेण यात यामा भवति ।
22,2.12न अनुवचनेन ।
22,2.13वषट्कारेण ह वै सा यात यामा भवति समाने अहन् ।
22,2.14वैश्वानराय पृथु पाजसे विप इति वैश्वानरीयम् ।
22,2.15तस्मिन्त्सुम्नानि यजमान आ चक इत्यावत् ।
22,2.16आवद्वै प्रथमस्य अह्नो रूपम् ।
22,2.17प्र शर्धाय मारुताय स्व भानव इति मारुतम्प्रवत् ।
22,2.18प्रवद्वै प्रथमस्य अह्नो रूपम् ।
22,2.19प्र तव्यसीम्नव्यसीम्धीतिमग्नय इति जातवेदसीयम्प्रवत् ।
22,2.20प्रवद्वै प्रथमस्य अह्नो रूपम् ।
22,2.21इमंल्लोकम्प्रथमेन अह्ना आप्नुवन्ति ।
22,2.22गायत्रीम्छन्दस्त्रिवृतम्स्तोमम्रथन्तरम्साम ।
22,2.23प्राचीम्दिशम्वसन्तमृतूनाम् ।
22,2.24वसून्देवान्देव जातमग्निमधिपतिम् ।
22,2.25द्वितीयमहरन्तरिक्ष लोक आयतनेन ।
22,3.1इन्द्रस्त्रिष्टुप्पञ्चदशः स्तोम ।
22,3.2तन्न्वस्य निदानम् ।
22,3.3तस्य एतानि छन्दो रूपाणि ।
22,3.4कुर्वन्मध्ये पदे सदेवम् ।
22,3.5यद्वै प्रत्यक्षमास्प्रक्षंस्तत्कुर्वत् ।
22,3.6हतवद्वज्रवद्वृत्रहवद्वृषण्वदुद्वद्विवत्स्थितम्तन्वामिति ।
22,3.7अग्निम्दूतम्वृणीमह इत्याज्यम् ।
22,3.8होतारम्विश्ववेदसमिति विवत्तस्य उक्तम्ब्राह्मणम् ।
22,3.9गायत्रम्गायत्र प्रातः सवनो ह्येष त्र्यहः ।
22,3.10इति नु व्यूढे ।
22,3.11उद्धृत्य एतत्त्वम्हि क्षैतवद्यश इति समूढे तस्य उक्तम्ब्राह्मणम् ।
22,3.12आर्त्समदः प्रौगस्तस्य उक्तम्ब्राह्मणम् ।
22,3.13तदेतस्य अह्नो रूपम् ।
22,3.16या त ऊतिरवमा या परमा इति निष्केवल्यम् ।
22,3.17ताभिरू षु वृत्रहत्ये अवीर्न इति वृत्रहवत् ।
22,3.18तदेतस्य अह्नो रूपम् ।
22,3.19विश्वो देवस्य नेतुरा विश्व देवम्सत्पतिमिति प्रतिपदनुचरौ तयोरुक्तम्ब्राह्मणम् ।
22,3.20तद्देवस्य सवितुर्वार्यम्महदिति सावित्रम् ।
22,4.1त्रिरन्तरिक्षम्सविता महित्वना इति ।
22,4.2तत्प्रत्यक्षमन्तरिक्षमभिवदति ।
22,4.3तदेतस्य अह्नो रूपम् ।
22,4.4ते हि द्यावा पृथिवी विश्व शम्भुवा इति द्यावा पृथिवीयम्विवत्तस्य उक्तम्ब्राह्मणम् ।
22,4.5तक्षन्रथम्सुवृतम्विद्मना अपस इत्यार्भवम् ।
22,4.6तक्षन्हरी इन्द्र वाहा वृषण्वसू इति वृषण्वत्तस्य उक्तम्ब्राह्मणम् ।
22,4.7यज्ञस्य वो रथ्यम्विश्पतिम्विशामिति शार्यातम्वैश्वदेवम् ।
22,4.8वृषा केतुर्यजतो द्यामशायत इति वृषण्वत्तस्य उक्तम्ब्राह्मणम् ।
22,4.9पृष्कस्य वृष्णो वृष्णे शर्धाय इति वृषण्वती तयोरुक्तम्ब्राह्मणम् ।
22,4.10नू चित्सहोता अमृतो नि तुन्दत इति जातवेदसीयम् ।
22,4.11होता यद्दूतो अभवद्विवस्वत इति विवत्तस्य उक्तम्ब्राह्मणम् ।
22,4.12तस्य प्रातर्मक्षू धियावसुर्जगम्यादित्युत्तमा ।
22,4.13परमेव एतदहरभिवदति ।
22,4.14परमेव एतदहरभ्यारभ्य वसन्ति इति ह स्म आह कौषीतकिः ।
22,4.15अन्तरिक्ष लोकम्द्वितीयेन अह्ना आप्नुवन्ति ।
22,4.16त्रिष्टुभम्छन्दः पञ्चदशम्स्तोमम्बृहत्साम ।
22,4.17दक्षिणाम्दिशम्ग्रीष्ममृतूनाम् ।
22,4.18रुद्रान्देवान्देव जातमिन्द्रमधिपतिम् ।
22,4.19तृतीयमहरसावेव लोक आयतनेन ।
22,5.1वरुणो जगती सप्तदश स्तोमो वैरूपम्साम ।
22,5.2तन्न्वस्य निदानम् ।
22,5.3तस्य एतानि छन्दो रूपाणि ।
22,5.4चकृवदुत्तमे पदे सदेवम् ।
22,5.5यद्वै भूत अनुवादि तच्चकृवत् ।
22,5.6अश्वावद्गोमद्रथवद्गतवत्स्थितवदन्तवत्सोदर्कमनिरुक्तम्सप्रभृति इति ।
22,5.7युक्ष्वा हि देव हूतमानित्याज्यम् ।
22,5.8तदाहुर्यदन्तस्तृतीयमहरथ कस्माद्युक्तवदाज्यमिति ।
22,5.9एतेन वा अह्ना देवाः स्वर्गंल्लोकमायन् ।
22,5.10युक्ता वै तदायन् ।
22,5.11तस्मादिति ब्रूयात् ।
22,5.12अश्वानग्ने रथीरि इव इति रतह्वत् ।
22,5.13तदेतस्य अह्नो रूपम् ।
22,5.14गायत्रम्गायत्र प्रातः सवनो ह्येष त्र्यहः ।
22,5.15इति नु व्यूढे ।
22,5.16उद्धृत्य एतत्त्वमग्ने वसूंरिह इति समूढे तस्य उक्तम्ब्राह्मणम् ।
22,5.17औष्णिह आत्रेयः प्रौगः ।
22,5.18जागतम्वै तृतीयमहः ।
22,5.19तद्यदौष्णिह आत्रेयस्तृतीयस्य अह्नः प्रौगः ।
22,5.20तत्प्रातः सवनम्जगती भजते ।
22,5.21त्र्यर्यमा मनुषी देवताताअ इति मरुत्वतीयम् ।
22,5.22त्रि इति तत्तृतीयस्य अह्नो रूपम् ।
22,5.23यद्द्वाय इन्द्र ते शतमिति वैरूपस्य स्तोत्रियः ।
22,5.24शतम्भूमीरुत स्युरिति निनर्तिः ।
22,5.25अन्तस्तृतीयमहः ।
22,5.26नीव वा अन्तम्गत्वा नृत्यति ।
22,5.32कद्र्यन्हि तत इयात् ।
22,5.33इन्द्र त्रि धातु शरणमिति त्रिवान्प्रगाथः ।
22,5.34त्रि धात्विति तत्तृतीयस्य अह्नो रूपम् ।
22,5.35अहम्भुवम्वसुनः पूर्व्यस्पतिरिति इन्द्र सूक्तम् ।
22,5.36अहमहमिति सप्रभृति ।
22,5.37यथा वै सोदर्कमेवम्सप्रभृत्यन्त रूपम्जागतम् ।
22,5.38जागतम्वै तृतीयमहः ।
22,5.39तदेनत्स्वेन छन्दसा समर्धयति ।
22,5.40यो जात एव प्रथमो मनस्वानित्येतस्मिंस्त्रैष्टुभे निविदम्दधाति ।
22,5.41तदेतदिन्द्र तनू सूक्तम् ।
22,5.42एतस्मिन्ह गृत्समदो बाभ्रवो निविदम्दधदिन्द्रस्य प्रियम्धाम उपजगाम ।
22,5.43उप ह वा इन्द्रस्य प्रियम्धाम गच्छति जयति परम्लोकम्य एतस्मिन्त्सूक्ते निविदम्दधाति ।
22,5.44तस्य तदेव अन्त रूपम्यद्भूत अनुवादि यो दासम्वर्णमधरम्गुहाकरि इति ।
22,5.45यदेतद्भूतमिव अभि ।
22,5.46सोदर्कम्भवति तद्द्वितीयमन्त रूपम् ।
22,5.47अभि त्वा देव सवितरित्यभिवाननुचरः ।
22,6.1पृष्ठानामेव नानात्वाय ।
22,6.2तदाहुर्यदन्तस्तृतीयमहरथ कस्मादभिवाननुचर इति ।
22,6.3एतेन वा अह्ना देवाः स्वर्गंल्लोकमायन् ।
22,6.4अभिप्रेप्सन्तो वै तदायन् ।
22,6.5तस्मादिति ब्रूयात् ।
22,6.6उदु ष्य देवः सविता हिरण्यया घृतवती भुवनानामभिश्रिया इति घृतवती तयोरुक्तम्ब्राह्मणम् ।
22,6.7अनश्वो जातो अनभीशुरुक्थ्य इत्यार्भवम् ।
22,6.8रथस्तिचक्रः परि वर्तते रज इति ।
22,6.9त्रिचक्र इति तत्तृतीयस्य अह्नो रूपम् ।
22,6.10परावतो ये दिधिषन्त आप्यमिति वैश्वदेवम् ।
22,6.11अर्ध पद उदर्काण्येकानि ।
22,6.18अथ एतत्तृतीय पद उदर्कम् ।
22,6.19तत्तृतीयस्य अह्नो रूपम् ।
22,6.20वैश्वानराय धिषणामृता वृध इति वैश्वानरीयम् ।
22,6.21घृतम्न पूतमग्रन्ये जनामसि इति घृतवत्तस्य उक्तम्ब्राह्मणम् ।
22,6.22धारा वरा मरुतो धृषण्वोजस इति मारुतम् ।
22,6.23धारावरा इति निनर्तिः ।
22,6.24अन्तस्तृतीयमहः ।
22,6.25नीव वा अन्तम्गत्वा नृत्यति ।
22,6.26कद्र्यन्हि तत इयात् ।
22,6.27त्वमग्ने प्रथमो अङ्गिरा ऋषिरिति जातवेदसीयम् ।
22,6.28त्वम्त्वमिति सप्रभृति ।
22,6.29यथा वै सोदर्कमेवम्सप्रभृत्यन्त रूपम् ।
22,6.30अमुंल्लोकम्तृतीयेन अह्ना आप्नुवन्ति ।
22,6.31जगतीम्छन्दः सप्तदशम्स्तोमम्वैरूपम्साम ।
22,6.32प्रतीचीम्दिशम्वर्षा ऋतूनाम् ।
22,6.33आदित्यान्देवान्देव जातम् ।
22,6.34वरुणमधिपतिम्वरुणमधिपतिम् ।
22,6.35