prajāpatirhi yajñamsasṛje ।
28,1.1tena ha sṛṣṭena devā ījire ।
28,1.2tena ha iṣṭvā sarvānkāmānāpuḥ ।
28,1.3tasya hetorārdhyamapanidadhuḥ ।
28,1.4ya ete praiṣāśca nigadāśca ।
28,1.5atha itareṇa yajñena ṛṣaya ījire ।
28,1.6te ha vijajñuḥ ।
28,1.7asarveṇa ha vai yajñena yajāmahai na vai sarvānkāmānāpnuma iti ।
28,1.8te ha śremuḥ ।
28,1.9ta ete praiṣāṃśca nigadāṃśca dadṛśuḥ ।
28,1.10tena ha sapraiṣeṇa sanigadena iṣṭvā sarvānkāmānāpuḥ ।
28,1.11etāvate ha vā u praiṣāśca nigadāśca ।
28,1.12yadṛgbhiryajñasya anāptamtadebhiḥ sarvamāpsyāma iti ।
28,1.13tānetānpraiṣānviśvāmitro dadarśa ।
28,2.1atho puroḍāśa praiṣān ।
28,2.2atha itara ṛṣaya itarān ।
28,2.3tadāhuḥ kasmānmaitrāvaruṇa eva sarvebhyaḥ preṣyati iti ।
28,2.4etā ha vai devatāḥ praiṣāṇāmājimīyuḥ ।
28,2.5tanmitrāvaruṇā ujjigyatuḥ ।
28,2.6tasmānmaitrāvaruṇa eva sarvebhyaḥ preṣyati ।
28,2.7sa vai tiṣṭhanpreṣyati ।
28,2.8tiṣṭhanvai vīryavattamaḥ ।
28,2.9tiṣṭhannāśruta vadanatamaḥ ।
28,2.10vīryavatīmāśrutāmdeveṣu vācamudyāsamiti ।
28,2.11kuvakra iva praṇato anubrūyāt ।
28,2.12tathā ha varṣukaḥ parjanyo bhavati iti ha sma āha kauṣītakiḥ ।
28,2.13taddha sma vai purā asura rakṣasāni havīṃṣi vimathnate ।
28,2.14tata etā vāmadevo abhirūpā apaśyadagnirhotā no adhvara iti ।
28,2.15tābhirha agnimpariniṇyuḥ ।
28,2.16tato vai tāni rakṣāṃsi nāṣṭrā apajaghnire ।
28,2.17juṣasva saprathastamamiti juṣṭavatīmabhirūpāmanvāha ।
28,2.18juṣṭavatīmabhirūpāmdeveṣu vācamudyāsamiti ।
28,2.19imamno yajñamamṛteṣu dhehi iti ।
28,2.20stokāneva etābhiragnaye svadayati ।
28,2.21etā ha vā u teṣāmpuronuvākyā etā yājyāḥ ।
28,2.22tasmādabhirūpā bhavanti ।
28,2.23vaiśvāmitrīmpuroḍāśa sviṣṭakṛtaḥ puronuvākyāmanvāha tasyā uktambrāhmaṇam ।
28,3.1vaiśvāmitrīranusavanampuroḍāśānāmpuronuvākyā anvāha ।
28,3.2viśvāmitro ha etānpuroḍāśa praiṣāndadarśa salomatāyai ।
28,3.3mādhucchandasyāvabhirūpe dvidevatyānāmprathamasya puronuvākye anvāha ।
28,3.4madhucchandā ha etāndvidevatya praiṣāndadarśa salomatāyai ।
28,3.5gārtsamadīmca maidhātithīmca uttarayorabhirūpe anvāha ।
28,3.6maidhātithīḥ prātaḥ savana unnīyamānebhyo anvāha ।
28,3.7medhātithirha prātaḥ savana indrāya somamprovāca ।
28,3.8tā vā āvatyo harivatyo bhavanti puronuvākyā anurūpeṇa ।
28,3.9tā vā aindryo bhavanti ।
28,3.10aindro hi yajña kratuḥ ।
28,3.11tā vai gāyatryo bhavanti ।
28,3.12gāyatramprātaḥ savanam ।
28,3.13tā vai nava anvāha ।
28,3.14nava nvā atra camasānunnayanti ।
28,3.15ṣaḍu ha eke prātaḥ savana unnīyamānebhyo anvāhuḥ ।
28,3.16svayamacchāvākaḥ saptamīm ।
28,3.17sapta sapta uttarayoḥ savanayoḥ ।
28,3.18sapta vai prāñca āsīnā vaṣaṭkurvanti iti vadantaḥ ।
28,3.19tadvai khalu yathā sūktameva anubrūyāt ।
28,3.20hoturhyeva etāḥ puronuvākyā bhavanti ।
28,3.19hoturhyeva anucamasametāṃścamasānunnayanti ।
28,3.22atha hotrāḥ samyajanti ।
28,3.23yajamānameva tadanṛṇatāyai sampramuñcanti ।
28,3.24mitramvayamhavāmaha iti maitrāvaruṇyā maitrāvaruṇaḥ svayā eva devatayā ।
28,3.25yajma mukhasya anavara ardhyai ।
28,3.26indra tvā vṛṣabhamvayamityaindryā brāhmaṇācchaṃsī ।
28,3.27aindro hi yajña kratuḥ ।
28,3.28maruto yasya hi kṣaya iti mārutyo potā ।
28,3.29yatra ha tadindrammarutaḥ pupuvuḥ ।
28,3.30tadenānindraḥ soma pīthe anvābheje ।
28,3.31tasmātsa mārutyā potā prathamataśca antataśca yajati ।
28,3.32agne patnīriha ā vaha ityāgnipātnīvatyā tvaṣṭṛmatyā na neṣṭā ।
28,3.33tvaṣṭā vai devānāmpātnīvato neṣṭā ṛtvijām ।
28,3.34tasmātsa āgnipātnīvatyā tvaṣṭṛmatyā neṣṭā prathamataśca antataśca yajati ।
28,3.35ukṣa annāya vaśā annāya ityāgneyyāgnīdhraḥ ।
28,3.36agnimhi sa samindhe ।
28,3.37tasmātsa āgneyyāgnīdhraḥ prathamataśca antataśca yajati ।
28,3.38atha yatra ha tannābhānediṣṭho mānavo aṅgiraḥ su upahavamīṣe ।
28,4.1sa etāmhotrāmacchāvākīyāmprovāca ।
28,4.2sa vā upahūtāyāmiḍāyāmājagāma ।
28,4.3tasmāttanna pravṛṇate ।
28,4.4sa vā etasmātpūrvasmāduttarādavāntara deśādājagāma ।
28,4.5tasmādetasyāmdiśyāsīno acchāvāka upahavamicchate ।
28,4.6tadāhuḥ kasmādacchāvākāya puroḍāśa dṛgalampariharanti iti ।
28,4.7alīkayurha vācaspato naimiśīyānāmdīkṣā upasatsu brahmā āsa ।
28,4.8sa ha prasute acchāvākīyāmcakāra ।
28,4.9te ha ūcuḥ ।
28,4.10asmai vā imampurā brahma bhāgamparyaharan ।
28,4.11kasmā enampariharāma iti ।
28,4.12tasmā eva enampariharata ityūcuḥ ।
28,4.13tamtasmai parijahruḥ ।
28,4.14sa eṣa brahma bhāga eva ।
28,4.15atho iḍā bhājo vā itare camasāḥ ।
28,4.16tasmādacchāvākāya puroḍāśa dṛgalampariharanti ।
28,4.17camasasya eva aparīḍatāyai ।
28,4.18atha enamadhvaryurāha acchāvāka vadasva yatte vādyamiti ।
28,5.1acchāvāka upahavamicchasva ityeva enamtadāha ।
28,5.2acchā vo agnimavasa ityacchāvāka āgneyīranvāha ।
28,5.3āgneyamprātaḥ savanam ।
28,5.4tā vā anuṣṭubho bhavanti ।
28,5.5gāyatrī vai sā anuṣṭup ।
28,5.6gāyatramagneśchandaḥ ।
28,5.7tā vai tisro bhavanti ।
28,5.8trivṛdvā agniraṅgārā arcirdhūma iti ।
28,5.9uttamāyai tṛtīye vacane praṇaveṇa nigadamupasaṃdadhāti ।
28,5.10yajamāna hotaradhvaryo agnīdbrahmanpitarneṣṭaruta upavaktariti ।
28,5.11praśāstā vā upavaktā ।
28,5.12api vā ṛcā abhyuditam ।
28,5.13upavaktā janānāmiti ।
28,5.14iṣeṣayadhvamūrjorjayadhvam ।
28,5.15annamvā iṣamannamūrjam ।
28,5.16annena samukṣadhvamityeva enāṃstadāha ।
28,5.17ni vo jāmayo jihatāmnyajāmaya iti ।
28,5.18yacca jāmi yacca ajāmi ।
28,5.19tadvo nijihatāmityeva enāṃstadāha ।
28,5.20api vā ṛcā abhyuditam ।
28,5.21jāmimajāmimpra mṛṇīhi śatrūniti ।
28,5.22ni sapatnā yāmani bādhitāsa iti ।
28,5.23nihatā vaḥ sapatnā samaraṇa ityeva enāṃstadāha ।
28,5.24jeṣatha abhītvarīmjeṣatha abhitvaryā iti ।
28,5.25senā abhītvarī ।
28,5.26senayā senāmjayata ityeva enāṃstadāha ।
28,5.27śravadva indraḥ śṛṇavadvo agniriti ।
28,5.28śṛṇotu na indraḥ śṛṇotvagnirityāśiṣameva tadvadate ।
28,5.29prasthāya indra agnibhyāmsomamvocata upo asmānbrāhmaṇānbrāhmaṇa āhvayadhvamiti ।
28,5.30sarveṣveva tadupahavamicchate ।
28,5.31tamhotā upahvayate ।
28,5.32sa hi teṣāmśreṣṭhī bhavati ।
28,5.33yamvai śraiṣṭhyupahvayate ।
28,5.34sa upahūta iti ha sma āha ।
28,5.35pratyasmai pipīṣata ityacchāvāka unnīyamānāya anvāha ।
28,6.1tā vai catasro bhavanti ।
28,6.2catuṣṭayamvā idamsarvam ।
28,6.3asya eva sarvasya āptyai ।
28,6.4aindrīranvāha ।
28,6.5aindro hi yajña kratuḥ ।
28,6.6tā vā anuṣṭubho bhavanti saṃśaṃsāyai ।
28,6.7bṛhatyuttamā bhavati ।
28,6.8śrīrvai bṛhatī ।
28,6.9śriyāmeva tadantataḥ pratitiṣṭhati ।
28,6.10prātaryāvabhirā gatamityaindrāgnyā yajati ।
28,6.11aindrāgnamhyasya ukthambhavati ।
28,6.12gāyatryā gāyatramprātaḥ savanam ।
28,6.13anuvaṣaṭkarotyāhutīnāmeva śāntyai ।
28,6.14āhutīnāmpratiṣṭhityai ।
28,6.15anavānamprātaḥ savane yajeyuriti ha sma āha paiṅgyaḥ ।
28,6.16kṣipramdevebhyo haviḥ prayacchāma iti ।
28,6.17ardharcaśa iti kauṣītakiḥ ।
28,6.18etadvai chandasāmparva yadardharcaḥ ।
28,6.19parvaśa eva taddevebhyo haviḥ prayacchati ।
28,6.20atha ata ṛtu praiṣāṇāmeva mīmāṃsā ।
28,6.21kaṇvo ha etānṛtu praiṣāndadarśa ।
28,6.22medhātithiryājyāḥ ।
28,6.23kāṇvo ha vai medhātithiḥ ।
28,6.24tena tau mṛtyumpāpmānamapajighnāte ।
28,6.25sa ya icchenmṛtyumpāpmānamapahanyāmiti ।
28,6.26puruṣo vai yajñaḥ ।
28,6.28tasya vāgeva ājyam ।
28,6.29sā vā ekā eva bhavati ।
28,6.30tasmādeka devatyamājyamśaṃsati ।
28,6.31prāṇāḥ praugam ।
28,6.32te vā ime bahavaḥ prāṇāḥ ।
28,6.33tasmādbahvyo devatāḥ prauge śasyante ।
28,6.34bāhū maitrāvaruṇaśca acchāvākaśca ।
28,7.1tau vai dviguṇau bhavataḥ ।
28,7.2tasmāttau prātaḥ savane dvidevatyāḥ śaṃsataḥ ।
28,7.3iyameva venā sevanī madhyambrāhmaṇācchaṃsī ।
28,7.4tasmādbrāhmaṇācchaṃsī prātaḥ savana eka devatyāḥ śaṃsati ।
28,7.5ātmā madhyaṃdinaḥ ।
28,7.6sa vā eka eva bhavati ।
28,7.7tasmānmadhyaṃdine hotrā āśaṃsina ekadevatyāḥ śaṃsanti ।
28,7.8hotā ca niṣkevalyam ।
28,7.9ūrū maitrāvaruṇaśca acchāvākāśca ।
28,7.10tau vai dviguṇau bhavataḥ ।
28,7.11tasmāttau tṛtīya savane dvidevatyāḥ śaṃsataḥ ।
28,7.12idameva śiśnammadhyambrāhmaṇācchaṃsī ।
28,7.13tasmāddvirūpamjāyate strī ca pumāṃśca ।
28,7.14tasmādbrāhmaṇācchaṃsī tṛtīya savane dvidevatyāḥ śaṃsati ।
28,7.15brāhmaṇācchaṃsī bhūyiṣṭhāḥ śaṃsati ।
28,7.16madhyamvai brāhmaṇācchaṃsī ।
28,7.17tasmādidamātmano madhyamsthaviṣṭham ।
28,7.18atha yadāvantaḥ stotriyā anurūpā bhavanti tatprathamasya ahno rūpam ।
28,8.1vaiśvāmitrau maitrāvaruṇasya ca acchāvākasya ca stotriyau bhavataḥ ।
28,8.2vāsiṣṭhau navarcau paryāsau ।
28,8.3antāveva etatsadṛśau kurvataḥ ।
28,8.4stotriyānśastvā śvaḥ stotriyānanurūpamkurvate ।
28,8.5ahīna saṃtatyā ahīna rūpatāyai ।
28,8.6ahareva tadahno anurūpamkurvate ।
28,8.7aharvā ahno anurūpam ।
28,8.8tadāhuḥ kasmātstutamanuśasyate kasmātstomamatiśaṃsanti iti ।
28,8.9na vai tatstutambhavati yanna anuśasyate ।
28,8.10na sa stomo devāngacchati yamna atiśaṃsanti ।
28,8.11tasmātstutamanuśasyate tasmātstomamatiśaṃsanti iti ।
28,8.12caturāhāvāni śastrāṇi ।
28,8.13paśavo vā ukthāni ।
28,8.14catuṣṭayā vai paśavaḥ ।
28,8.15atho catuṣpādāḥ paśūnāmeva āptyai ।
28,8.16aikāhikā uktha yājyāḥ ।
28,8.17pratiṣṭhā vā ekāhaḥ pratiṣṭhityā eva ।
28,8.18anuvaṣaṭkurvantyāhutīnāmeva śāntyai ।
28,8.19āhtīnāmpratiṣṭhityā āhutīnāmpratiṣṭhityai ।
28,8.20