anunirvāpyayā vai devā asurānapāghrata ।
4,1.1tatho eva etadyajamāno anunirvāpyayā eva dviṣato bhrātṛvyānapahate ।
4,1.2sa vā indrāya vimṛdha ekādaśa kapālampuloḍāśamnirvapati ।
4,1.3indro vai mṛdhāmvihantā ।
4,1.4sa eva asya mṛdho vihanti ।
4,1.5atho āmāvāsyameva etatpratyāharati yatpaurṇamāsyāmindramyajati ।
4,1.6atra saṃsthita darśa pūrṇa māsau yajamāno yadyapara pakṣe bhaṅgamnīyāt ।
4,1.7na asya yajña vikarṣaḥ syāt ।
4,1.8atha yadamāvāsyāyāmaditimyajati ।
4,1.9yajñasya eva sabhāratāyai ।
4,1.10sā samyājyāto vimṛdvatī bhavati ।
4,1.11atha ato abhyuditāyāḥ ।
4,2.1ehi ha vā eṣa yaja pathāt ।
4,2.2yasya upavasathe purastāccandro dṛśyate ।
4,2.3so agnaye dātre aṣṭā kapālampuroḍāśamnirvapati ।
4,2.4agnirvai dātā ।
4,2.5sa eva asmai yajñamdadāti ।
4,2.6indrāya pradātre sāyamdohitamdadhi ।
4,2.7indro vai pradātā ।
4,2.8sa eva asmai yajñamprayacchati ।
4,2.9viṣṇave śipi viṣṭāya prātardohite payasi carum ।
4,2.10yajño vai viṣṇuḥ ।
4,2.11sa eva asmai yajñamdadāti ।
4,2.12tadyadetā devatā yāti ।
4,2.13na idyajña pathādayāni iti ।
4,2.14tisṛdhanvamdakṣiṇā ।
4,2.15tatsvastyayanasya rūpam ।
4,2.16atha ato abhyuddṛṣṭāyāḥ ।
4,3.1ehi ha vā eṣa yajña pathāt ।
4,3.2yasya upasavathe paścāccandro dṛśyate ।
4,3.3so agnaye pathi kṛte aṣṭā kapālampuroḍāśamnirvapati ।
4,3.4agnirvai pakṣikṛt ।
4,3.5sa eva enamyajña pathamapipātayati ।
4,3.6indrāya vṛtraghna ekādaśa kapālam ।
4,3.7indro vai vṛtrahā ।
4,3.8sa eva enampunaryajña pathamapipātayati ।
4,3.9vaiśvānarīyamdvādaśa kapālam ।
4,3.10asau vai vaiśvānaro yo asau tapati ।
4,3.11eṣa eva enampunaryajña pathamapipātayati ।
4,3.12tadyadetā devatā yajati ।
4,3.13na idyajña pathādayāni iti ।
4,3.14daṇḍa upānahamdakṣiṇā ।
4,3.15tadabhayasya rūpam ।
4,3.16atha atho dākṣāyaṇa yajñasya ।
4,4.1dākṣāyaṇa yajñena iṣyanphālgunyāmpaurṇamāsyāmprayuṅkte ।
4,4.2mukhamvā etatsaṃvatsarasya yatphālgunī paurṇamāsī ।
4,4.3tasmāttasyāmadīkṣita ayanāni prayujyante ।
4,4.4atho dakṣo ha vai pārvatiretena yajñena iṣṭvā sarvānkāmānāpa ।
4,4.5tadyaddākṣāyaṇa yajñena yajate ।
4,4.6sarveṣāmeva kāmānāmāptyai ।
4,4.7nāśane kāmamāpayīta ।
4,4.8somamrājānamcandramasambhakṣayāni iti manasā dhyāyannaśnīyāt ।
4,4.9tadasau vai somo rājā vicakṣaṇaścandramāḥ ।
4,4.10tametamapara parkṣamdevā abhiṣuṇvanti ।
4,4.11tadyadapara pakṣamdākṣāyaṇa yajñasya vratāni caranti ।
4,4.12devānāmapi soma pītho asāni iti ।
4,4.13atha yadupavasathe agnīṣomīyamekādaśa kapālampuroḍāśamnirvapati ।
4,4.14ya eva asau somasya upavasathe agnīṣomīyaḥ ।
4,4.15tameva asya tena āpnoti ।
4,4.16atha yatprātarāmāvāsyena yajate ।
4,4.17aindramvai sutyamahaḥ ।
4,4.18tatsutyamaharāpnoti ।
4,4.19atha yadamāvāsyāyā upavasatha aindrāgnamdvādaśa kapālampuroḍāśamnirvapati ।
4,4.20aindrāgnamvai sāmatastṛtīya savanam ।
4,4.21tattṛtīya savanamāpnoti ।
4,4.22atha yanmaitrāvaruṇī payasyā ।
4,4.23maitrāvaruṇī vā anūbandhyā ।
4,4.24tadanūbandhyāmāpnoti ।
4,4.25sa eṣa somo haviryajñānanupraviṣṭaḥ ।
4,4.26tasmādadīkṣito dīṣkita vrato bhavati ।
4,4.27atha ata iḍādadhasya ।
4,5.1iḍādadhena iṣyannetasyāmeva paurṇamāsyāmprayuṅkte tasyā uktambrāhmaṇam ।
4,5.2sa eṣa paśu kāmasya anna adya kāmasya yajñaḥ ।
4,5.3tena paśu kāmo anna adya kāmo yajeta ।
4,5.4tatra tathā eva vratāni carati ।
4,5.5dākṣāyaṇa yajñasya hi samāsaḥ ।
4,5.6atha ataḥ sārvaseni yajñasya ।
4,5.7sārvaseni yajñena iṣyannetasyāmeva paurṇamāsyāmprayuṅkte tasyā uktambrāhmaṇam ।
4,5.8sa eṣa tu stūrṣamāṇasya yajñaḥ ।
4,5.9sa ya iccheddviṣantambhrātṛvyamstṛṇvīya iti ।
4,5.10sa etena yajane stṛṇute ha ।
4,5.11atha ataḥ śaunaka yajñasya ।
4,5.12śaunaka yajñena iṣyannetasyāmeva paurṇamāsyāmprayuṅkte tasyā uktambrāhmaṇam ।
4,5.13sa eṣa prajāti kāmasya yajñaḥ ।
4,5.14tena prajāti kāmo yajeta ।
4,5.15tadyadadhvaryurhavīṃṣi prajanayati tatprajātyai rūpam ।
4,5.16atha ato vasiṣṭha yajñasya ।
4,6.1vasiṣṭha yajñena iṣyanphālgunyāmamāvāsyāyāmprayuṅkte ।
4,6.2brahma vai paurṇamāsī ।
4,6.3kṣatramamāvāsyā ।
4,6.4kṣatramiva eṣa yajñaḥ ।
4,6.5kṣatreṇa śatrūntsahā iti ।
4,6.6vasiṣṭho akāmayata hata putraḥ prajāyena prajayā paśubhirabhi saudāsānbhaveyamiti ।
4,6.7sa etamyajña kratumapaśyadvasiṣṭha yajñam ।
4,6.8tena iṣṭvā prājāyata prajayā paśubhirabhi saudāsānabhavat ।
4,6.9tatho eva etadyajamāno yadvasiṣṭha yajñena yajane ।
4,6.10prajāyate prajayā paśubhirabhi dviṣato bhrātṛvyānbhavati ।
4,6.11atha ataḥ sākamprasthāyyasya ।
4,6.12sākamprasthāyyena iṣyannetasyāmeva amāvāsyāyāmprayuṅkte tasyā uktambrāhmaṇam ।
4,6.13sa eṣa śraiṣṭhya kāmasya pauruṣa kāmasya yajñaḥ ।
4,6.14tena śraiṣṭhya kāmaḥ pauruṣa kāmo yajate ।
4,6.15tadyatsākamsampratiṣṭhante ।
4,6.16sākamsamprayajante ।
4,6.17sākamsambhakṣayante ।
4,6.18tasmātsākamprasthāyyaḥ ।
4,6.19atha ato munyayanasya ।
4,7.1munyayanena iṣyannetasyāmeva paurṇamāsyāmprayuṅkte tasyā uktambrāhmaṇam ।
4,7.2sa eṣa sarva kāmasya yajñaḥ ।
4,7.3tena sarva kāmo yajeta ।
4,7.4atha atasturāyaṇasya ।
4,7.5turāyaṇena iṣyannetasyāmeva paurṇamāsyāmprayuṅkte tasyā uktambrāhmaṇam ।
4,7.6sa eṣa svarga kāmasya yajñaḥ ।
4,7.7brahmaṇā eva tadātmānamsamardhayati ।
4,7.11tāni vai trīṇi havīṃṣi bhavanti ।
4,7.12trayo vā ime lokāḥ ।
4,7.13imāneva tallokānāpnoti ।
4,7.14atha ata āgrayaṇasya ।
4,8.1āgrayaṇena anna adya kāmo yajeta varṣāsāgate śyāmāka sasye ।
4,8.2śyāmākānuddhartava āha ।
4,8.3sā yā tasminkāle amāvāsyā upasampadyeta ।
4,8.4tayā iṣṭvā atha etayā iṣṭyā yajeta ।
4,8.5yadi pauruṇamāsī ।
4,8.6etayā iṣṭvā atha paurṇamāsena yajeta ।
4,8.7yadyu nakṣatramupepset ।
4,8.8pūrva pakṣe nakṣatramudīkṣya yasminkalyāṇe nakṣatre kāmayeta tasminyajeta ।
4,8.9tasyai saptadaśa sāmidhenyaḥ sadvāntāvājya bhāgau virājau samyājye tasya uktambrāhmaṇam ।
4,8.10saumyaścaruḥ ।
4,8.11somo vai rājā oṣadhīnām ।
4,8.12tadenamsvayā diśā prīṇāti ।
4,8.13atha yanmadhu parkamdadāti ।
4,8.14eṣa hyāraṇyānāmrasaḥ ।
4,8.15atha vasanta āgate pakveṣu veṇu yaveṣu ।
4,9.1veṇu yavānuddhartava āha ।
4,9.2tasyā etadeva parva etattantrameṣā devatā eṣā dakṣiṇā etadbrāhmaṇam।
4,9.3tāmha eka āgneyīmvā vāruṇīmvā prājāpatyāmvā kurvantyetattantrāmeva etadbrāhmaṇām ।
4,9.4atha vrīhi sasye vā yava sasye vā āgate ।
4,9.5āgrayaṇīyānuddhartava āha ।
4,9.6tasyā etadeva parva etattantram ।
4,9.7atha yadaindrāgno dvādaśa kapālaḥ ।
4,9.8indrāgnī vai devānāmmukham ।
4,9.9mukhata eva taddevānprīṇāti ।
4,9.10atha yadvaiśvadevaścaruḥ ।
4,9.11ete vai sarve devā yadviśve devāḥ ।
4,9.12sarveṣāmeva devānāmprītyai ।
4,9.13atha yaddyāvā pṛthivīya eka kapālaḥ ।
4,9.14dyāvā pṛthivī vai sasyasya sādhayitryai ।
4,9.15pratiṣṭhā pṛthivī odmnā asāvanuveda ।
4,9.16tadyadetā devatā yajati ।
4,9.17etābhirdevatābhiḥ śāntamannamatsyāmi iti ।
4,9.18atha ya prathajamgāmdadāti ।
4,10.1pathama karma hyetat ।
4,10.2yadyetasyai glāyāt ।
4,10.3paurṇamāsamvā amāvāsyamvā haviṣkurvīta navānāmubhayasya āptyai ।
4,10.4api vā paurṇamāse vā amāvāsye vā havīṃṣyanuvartayeddevatānāmaparihāṇāya ।
4,10.5api vā yavāgvā eva sāyamprātaragnihotramjuhuyānnavānāmubhayasya āptyai ।
4,10.6api vā sthālī pākameva gārhapatye śrapayitvā navānāmetābhya āgrayaṇa devatābhya āhavanīye juhuyātsviṣṭakṛccaturthībhyo amuṣyai svāhā amuṣyai svāhā iti devatānāmaparihāṇāya ।
4,10.7api vā agnihotrīmeva navānādayitvā tasyai dugdhena sāyamprātaragnihotramjuhuyādubhayasya āptyai ।
4,10.8eta etāvantaḥ pātāḥ ।
4,10.9teṣāmyena kāmayeta tena yajeta ।
4,10.10trihavistu sthitā ।
4,10.11trayo vā ime lokāḥ ।
4,10.12imāneva tallokānāpnoti imāneva tallokānāpnoti ।
4,10.13