3 maitrāvaruṇirvasiṣṭha:|vaiśvānaro'gni:| triṣṭup|
prāgnaye̍ viśva̱śuce̍ dhiya̱ṃdhe̍'sura̱ghne manma̍ dhī̱tiṃ bha̍radhvam |
bhare̍ ha̱virna ba̱rhiṣi̍ prīṇā̱no vai̍śvāna̱rāya̱ yata̍ye matī̱nām
||1||tvama̍gne śo̱ciṣā̱ śośu̍cāna̱ ā roda̍sī apṛṇā̱ jāya̍mānaḥ |
tvaṃ de̱vām̐ a̱bhiśa̍steramuñco̱ vaiśvā̍nara jātavedo mahi̱tvā
||2||jā̱to yada̍gne̱ bhuva̍nā̱ vyakhya̍: pa̱śūnna go̱pā irya̱: pari̍jmā |
vaiśvā̍nara̱ brahma̍ṇe vinda gā̱tuṃ yū̱yaṃ pā̍ta sva̱stibhi̱: sadā̍ naḥ
||3||