5 maitrāvaruṇirvasiṣṭha:| indra: | triṣṭup |
a̱yaṃ soma̍ indra̱ tubhya̍ṃ sunva̱ ā tu pra yā̍hi hariva̱stado̍kāḥ |
pibā̱ tva1sya suṣu̍tasya̱ cāro̱rdado̍ ma̱ghāni̍ maghavanniyā̱naḥ
||1||brahma̍nvīra̱ brahma̍kṛtiṃ juṣā̱ṇo̍'rvācī̱no hari̍bhiryāhi̱ tūya̍m |
a̱sminnū̱ ṣu sava̍ne mādaya̱svopa̱ brahmā̍ṇi śṛṇava i̱mā na̍:
||2||kā te̍ a̱styara̍ṃkṛtiḥ sū̱ktaiḥ ka̱dā nū̱naṃ te̍ maghavandāśema |
viśvā̍ ma̱tīrā ta̍tane tvā̱yā'dhā̍ ma indra śṛṇavo̱ have̱mā
||3||u̱to ghā̱ te pu̍ru̱ṣyā̱3 idā̍sa̱nyeṣā̱ṃ pūrve̍ṣā̱maśṛ̍ṇo̱ṝṣī̍ṇām |
adhā̱haṃ tvā̍ maghavañjohavīmi̱ tvaṃ na̍ indrāsi̱ prama̍tiḥ pi̱teva̍
||4||vo̱cemedindra̍ṃ ma̱ghavā̍namenaṃ ma̱ho rā̱yo rādha̍so̱ yaddada̍nnaḥ |
yo arca̍to̱ brahma̍kṛti̱mavi̍ṣṭho yū̱yaṃ pā̍ta sva̱stibhi̱: sadā̍ naḥ
||5||