rudrayāmalam
kailāsaśikharāsīnaṃ devadevaṃ maheśvaram |
praṇamya daṇḍavadbhūmau pārvatī paripṛcchati ||
||1||śrīpārvatyuvāca
annapūrṇā mahādevī trailokye jīvadhāriṇī |
nāmnāṃ sahasraṃ tasyāstu kathayasva mahāprabho ||
||2||śrīśiva uvāca
śṛṇu devi varārohe jagatkāraṇi kaulini |
ārādhanīyā sarveṣāṃ sarveṣāṃ paripṛcchasi ||
||3||sahasrairnāmabhirdivyaistrailokyaprāṇipūjitaiḥ |
annadāyāsstavaṃ divyaṃ yatsurairapi vāñchitam ||
||4||kathayāmi tava snehātsāvadhānā'vadhāraya |
gopanīyaṃ prayatnena stavarājamidaṃ śubham ||
||5||na prakāśyaṃ tvayā bhadre durjanebhyo niḥśeṣataḥ |
na deyaṃ paraśiṣyebhyo bhaktihīnāya pārvati ||
||6||deyaṃ śiṣyāya śāntāya gurudevaratāya ca |
annapūrṇāstavaṃ deyaṃ kaulikāya kuleśvarī ||
||7||oṃ asya śrīmadannapūrṇāsahasranāmastotramālāmantrasya, śrībhagavān ṛṣiḥ, anuṣṭupchandaḥ, prakaṭaguptaguptatara sampadāya kulottīrṇa nigarbharahasyāti rahasyaparāparātirahasyātipūrvācintyaprabhāvā bhagavatī śrīmadannapūrṇādevatā, halo bījaṃ, svarāśśaktiḥ, jīvo bījaṃ, buddhiśśaktiḥ, udāno bījaṃ, suṣumnā nāḍī, sarasvatī śaktiḥ, dharmārthakāmamokṣārthe pāṭhe viniyogaḥ ||
dhyānam
arkonmuktaśaśāṅkakoṭivadanāmāpīnatuṅgastanīṃ
candrārdhāṅkitamastakāṃ madhumadāmālolanetratrayīm |
bibhrāṇāmaniśaṃ varaṃ japapaṭīṃ śūlaṃ kapālaṃ karaiḥ
ādyāṃ yauvanagarvitāṃ lipitanuṃ vāgīśvarīmāśraye ||
||8||atha annapūrṇāsahasranāmastotram
oṃ annapūrṇāyai namaḥ
annapūrṇā annadātrī annarāśikṛtālayā |
annadā annarūpā ca annadānaratotsavā ||
||9||anantā ca anantākṣī anantaguṇaśālinī |
acyutā acyutaprāṇā acyutānandakāriṇī ||
||10||avyaktā'nantamahimā anantasya kuleśvarī |
abdhisthā abdhiśayanā abdhijā abdhinandinī ||
||11||abjasthā abjanilayā abjajā abjabhūṣaṇā |
abjābhā abjahastā ca abjapatraśubhekṣaṇā ||
||12||abjānanā anantātmā agristhā agnirūpiṇī |
agnijāyā agnimukhī agnikuṇḍakṛtālayā ||
||13||akārā agnimātā ca ajayā'ditinandinī |
ādyā ādityasaṅkāśā ātmajñā ātmagocarā ||
||14||ātmasūrātmadayitā ādhārā ātmarūpiṇī |
āśā ākāśapadmasthā avakāśasvarūpiṇī ||
||15||āśāpūrī agādhā ca aṇimādisusevitā |
ambikā abalā ambā anādyā ca ayonijā ||
||16||anīśā īśikā īśā īśānī īśvaraprīyā |
īśvarī īśvaraprāṇā īśvarānandadāyinī ||
||17||indrāṇī indradayitā indrasūrindrapālinī |
indirā indrabhaginī indriyā indubhūṣaṇā ||
||18||indumātā indumukhī indriyāṇāṃ vaśaṅkarī |
umā umāpateḥ prāṇā oḍyāṇapīṭhavāsinī ||
||19||uttarajñā uttarākhyā ukārā uttarātmikā |
ṛmātā ṛbhavā ṛsthā ṝlṝkārasvarūpiṇī ||
||20||ṛkārā ca lṛkārā ca lṝtakaprītidāyinī |
ekā ca ekavīrā ca ekāraikārarūpiṇī ||
||21||okārī ogharūpā ca oghatrayasupūjitā |
oghasthā oghasambhūtā oghadhātrī ca oghasūḥ ||
||22||ṣoḍaśasvarasambhūtā ṣoḍaśasvararūpiṇī |
varṇātmā varṇanilayā śūlinī varṇamālinī ||
||23||kālarātrirmahārātrirmoharātriḥ sulocanā |
kālī kapālinī kṛtyā kālikā siṃhagāminī ||
||24||kātyāyanī kalādhārā kāladaityanikṛntanī |
kāminī kāmavandyā ca kamanīyā vinodinī ||
||25||kāmasūḥ kāmavanitā kāmadhuk kamalāvatī |
kāmadātrī karālī ca kāmakelivinodinī ||
||26||kāmanā kāmadā kāmyā kamalā kamalārcitā |
kāśmīraliptavakṣojā kāśmīradravacarcitā ||
||27||kanakā kanakaprāṇā kanakācalavāsinī |
kanakābhā kānanasthā kāmākhyā kanakapradā ||
||28||kāmapīṭhasthitā nityā kāmadhāmanivāsinī |
kambukaṇṭhī karālākṣī kiśorī ca kalāpinī ||
||29||kalā kāṣṭhā nimeṣā ca kālasthā kālarūpiṇī |
kālajñā kālamātā ca kāladhātrī kalāvatī ||
||30||kāladā kālahā kulyā kurukullā kulāṅganā |
kīrtidā kīrtihā kīrtiḥ kīrtisthā kīrtivardhanī ||
||31||kīrtijñā kīrtitapadā kṛttikā keśavapriyā |
keśihā kelīkārī ca keśavānandakāriṇī ||
||32||kumudābhā kumārī ca karmadā kamalekṣaṇā |
kaumudī kumudānandā kaulinī ca kumudvatī ||
||33||kodaṇḍadhāriṇī krodhā kūṭasthā koṭarāśrayā |
kālakaṇṭhī karālāṅgī kālāṅgī kālabhūṣaṇā ||
||34||kaṅkālī kāmadāmā ca kaṅkālakṛtabhūṣaṇā |
kapālakartrikakarā karavīrasvarūpiṇī ||
||35||kapardinī komalāṅgī kṛpāsindhuḥ kṛpāmayī |
kuśāvatī kuṇḍasaṃsthā kauberī kauśikī tathā ||
||36||kāśyapī kadrutanayā kalikalmaṣanāśinī |
kañjasthā kañjavadanā kañjakiñjalkacarcitā ||
||37||kañjābhā kañjamadhyasthā kañjanetrā kacodbhavā |
kāmarūpā ca hrīṃkārī kaśyapānvayavardhinī ||
||38||kharvā ca khañjanadvandvalocanā kharvavāhinī |
khaḍginī khaḍgahastā ca khecarī khaḍgarūpiṇī ||
||39||khagasthā khagarūpā ca khagagā khagasambhavā |
khagadhātrī khagānandā khagayonisvarūpiṇī ||
||40||khageśī kheṭakakarā khagānandavivardhinī |
khagamānyā khagādhārā khagagarvavimocinī ||
||41||gaṅgā godāvarī gītirgāyatrī gaganālayā |
gīrvāṇasundarī gauśca gādhā gīrvāṇapūjitā ||
||42||gīrvāṇacarcitapadā gāndhārī gomatī tathā |
garviṇī garvahantrī ca garbhasthā garbhadhāriṇī ||
||43||garbhadā garbhahantrī ca gandharvakulapūjitā |
gayā gaurī ca girijā giristhā girisambhavā ||
||44||girigahvaramadhyasthā kuñjareśvaragāminī |
kirīṭinī ca gadinī guñjāhāravibhūṣaṇā ||
||45||gaṇapā gaṇakā gaṇyā gaṇakānandakāriṇī |
gaṇapūjyā ca gīrvāṇī gaṇapānanandakāriṇī ||
||46||gurumātā gururatā gurubhaktiparāyaṇā |
gotrā gauḥ kṛṣṇabhaginī kṛṣṇasūḥ kṛṣṇanandinī ||
||47||govardhanī gotradharā govardhanakṛtālayā |
govardhanadharā godā gaurāṅgī gautamātmajā ||
||48||ghargharā ghorarūpā ca ghorā ghargharanādinī |
śyāmā ghanaravā'ghorā ghanā ghorārtināśinī ||
||49||ghanasthā ca ghanānandā dāridryaghananāśinī |
cittajñā cintitapadā cittasthā cittarūpiṇī ||
||50||cakriṇī cārucampābhā cārucampakamālinī |
candrikā candrakāntiśca cāpinī candraśekharā ||
||51||caṇḍikā caṇḍadaityaghnī candraśekharavallabhā |
cāṇḍālinī ca cāmuṇḍā caṇḍamuṇḍavadhodyatā ||
||52||caitanyabhairavī caṇḍā caitanyaghanagehinī |
citsvarūpā cidādhārā caṇḍavegā cidālayā ||
||53||candramaṇḍalamadhyasthā candrakoṭisuśītalā |
capalā candrabhaginī candrakoṭinibhānanā ||
||54||cintāmaṇiguṇādhārā cintāmaṇivibhūṣaṇā |
bhaktacintāmaṇilatā cintāmaṇikṛtālayā ||
||55||cārucandanaliptāṅgī caturā ca caturmukhī |
caitanyadā cidānandā cārucāmaravījitā ||
||56||chatradā chatradhārī ca chalacchadmavināśinī |
chatrahā chatrarūpā ca chatracchāyākṛtālayā ||
||57||jagajjīvā jagaddhātrī jagadānandakāriṇī |
yajñapriyā yajñaratā japayajñaparāyaṇā ||
||58||jananī jānakī yajvā yajñahā yajñanandinī |
yajñadā yajñaphaladā yajñasthānakṛtālayā ||
||59||yajñabhoktrī yajñarūpā yajñavighnavināśinī |
japākusumasaṅkāśā japākusumaśobhitā ||
||60||jālandharī jayā jaitrī jīmūtacayabhāṣiṇī |
jayadā jayarūpā ca jayasthā jayakāriṇī ||
||61||jagadīśapriyā jīvā jalasthā jalajekṣaṇā |
jalarūpā jahnukanyā yamunā jalajodarī ||
||62||jalajāsyā jāhnavī ca jalajābhā jalodarī |
yaduvaṃśodbhavā jīvā yādavānandakāriṇī ||
||63||yaśodā yaśasāṃ rāśiryaśodānandakāriṇī |
jvalinī jvālinī jvālā jvalatpāvakasannibhā ||
||64||jvālāmukhī jaganmātā yamalārjunabhañjanī |
janmadā janmahā janyā janmabhūrjanakātmajā ||
||65||janānandā jāmbavatī jambūdvīpakṛtālayā |
jāmbūnadasamānābhā jāmbūnadavibhūṣaṇā ||
||66||jambhahā jātidā jātirjñānadā jñānagocarā |
jñānarūpā'jñānahā ca jñānavijñānaśālinī ||
||67||jinajaitrī jinādhārā jinamātā jineśvarī |
jitendriyā janādhārā ajināmbaradhāriṇī ||
||68||śambhukoṭidurādharṣā viṣṇukoṭivimardinī |
samudrakoṭigambhīrā vāyukoṭimahābalā ||
||69||sūryakoṭipratīkāśā yamakoṭidurāpahā |
kāmadhukkoṭiphaladā śakrakoṭisurājyadā ||
||70||kandarpakoṭilāvaṇyā padmakoṭinibhānanā |
pṛthvīkoṭijanādhārā agnikoṭibhayaṅkarī ||
||71||aṇimā mahimā prāptirgarimā laghimā tathā |
prākāmyadā vaśakarī īśikā siddhidā tathā ||
||72||mahimādiguṇopetā aṇimādyaṣṭasiddhidā |
javanadhnī janādhīnā jāminī ca jarāpahā ||
||73||tāriṇī tārikā tārā totalā tulasīpriyā |
tantriṇī tantrarūpā ca tantrajñā tantradhāriṇī ||
||74||tārahārā ca tulajā ḍākinītantragocarā |
tripurā tridaśā tristhā tripurāsuraghātinī ||
||75||triguṇā ca trikoṇasthā trimātrā tritanusthitā |
traividyā ca trayī trighnī turīyā tripureśvarī ||
||76||trikodarasthā trividhā trailokyā tripurātmikā |
tridhāmnī tridaśārādhyā tryakṣā tripuravāsinī ||
||77||trivarṇī tripadī tārā trimūrtijananī tvarā |
tridivā tridiveśā''dirdevī trailokyadhāriṇī ||
||78||trimūrtiśca trijananī trībhūstrīpurasundarī |
tapasvinī taponiṣṭhā taruṇī tārarūpiṇī ||
||79||tāmasī tāpasī caiva tāpaghnī ca tamopahā |
taruṇārkapratīkāśā taptakāñcanasannibhā ||
||80||unmādinī tanturūpā trailokyavyāpinīśvarī |
tārkikī tarkikī vidyā tāpatrayavināśinī ||
||81||tripuṣkarā trikālajñā trisandhyā ca trilocanā |
trivargā ca trivargasthā tapasassiddhidāyinī ||
||82||adhokṣajā ayodhyā ca aparṇā ca avantikā |
kārikā tīrtharūpā ca tīrā tīrthakarī tathā ||
||83||dāridryaduḥkhadalinī adīnā dīnavatsalā |
dīnānāthapriyā dīrghā dayāpūrṇā dayātmikā ||
||84||devadānavasampūjyā devānāṃ priyakāriṇī |
dakṣaputrī dakṣamātā dakṣayajñavināśinī ||
||85||devasūrdakṣīṇā dakṣā durgā durgatināśinī |
devakīgarbhasambhūtā durgadaityavināśinī ||
||86||aṭṭā'ṭṭahāsinī dolā dolākarmābhinandinī |
devakī devikā devī duritaghnī taṭittathā ||
||87||gaṇḍakī gallakī kṣiprā dvārā dvāravatī tathā |
ānandodadhimadhyasthā kaṭisūtrairalaṅkṛtā ||
||88||ghorāgnidāhadamanī duḥkhadussvapnanāśinī |
śrīmayī śrīmatī śreṣṭhā śrīkarī śrīvibhāvinī ||
||89||śrīdā śrīśā śrīnivāsā śrīmatī śrīrmatirgatiḥ |
dhanadā dāminī dāntā dhamado dhanaśālinī ||
||90||dāḍimīpuṣpasaṅkāśā dhanāgārā dhanañjayā |
dhūmrābhā dhūmradaittraghnī dhavalā dhavalapriyā ||
||91||dhūmravaktrā dhūmranetrā dhūmrakeśī ca dhūsarā |
dharaṇī dhariṇī dhairyā dharā dhātrī ca dhairyadā ||
||92||daminī dharmiṇī dhūśca dayā dogdhrī durāsadā |
nārāyaṇī nārasiṃhī nṛsiṃhahṛdayālayā ||
||93||nāginī nāgakanyā ca nāgasūrnāganāyikā |
nānāratnavicitrāṅgī nānābharaṇamaṇḍitā ||
||94||durgasthā durgarūpā ca duḥkhaduṣkṛtanāśinī |
hīṅkārī caiva śrīṅkārī huṅkārī kleśanāśinī ||
||95||nagātmajā nāgarī ca navīnā nūtanapriyā |
nīrajāsyā nīradābhā navalāvaṇyasundarī ||
||96||nītijñā nītidā nītirnimanābhirnageśvarī |
niṣṭhā nityā nirātaṅkā nāgayajñopavītinī ||
||97||nidhidā nidhirūpāca nirguṇā naravāhinī |
naramāṃsaratā nārī naramuṇḍavibhūṣaṇā ||
||98||nirādhārā nirvikārā nutirnirvāṇasundarī |
narāsṛkpānamattā ca nirvairā nāgagāminī ||
||99||paramā pramitā prājñā pārvatī parvatātmajā |
parvapriyā parvaratā parvapāvanapāvanī ||
||100||parātparatarā pūrvā paścimā pāpanāśinī |
paśūnāṃ patipatnī ca patibhaktiparāyaṇā ||
||101||pareśī pāragā pārā parañjyotisvarūpiṇī |
niṣṭhurā krūrahṛdayā parāsiddhiḥ parāgatiḥ ||
||102||paśughnī paśurūpā ca paśuhā paśuvāhinī |
pitā mātā ca yantrī ca paśupāśavināśinī ||
||103||padminī padmahastā ca padmakiñjalkavāsinī |
padmavaktrā ca padmākṣī padmasthā padmasambhavā ||
||104||padmāsyā pañcamī pūrṇā pūrṇapīṭhanivāsinī |
padmarāgapratīkāśā pāñcālī pañcamapriyā ||
||105||parabrahmasvarūpā ca parabrahmanivāsinī |
paramānandamuditā paracakranivāsinī ||
||106||pareśī paramā pṛthvī pīnatuṅgapayodharā |
parāparā parāvidyā paramānandadāyinī ||
||107||pūjyā prajñāvatī puṣṭiḥ pinākiparikīrtitā |
prāṇaghnī prāṇarūpā ca prāṇadā ca priyaṃvadā ||
||108||phaṇibhūṣā phaṇāveśī phakārakaṇṭhamālinī |
phaṇirāḍvṛtasarvāṅgī phalabhāganivāsinī ||
||109||balabhadrasya bhaginī bālā bālapradāyinī |
phalgurupā pralambadhnī phalgūtsava vinodinī ||
||110||bhavānī bhavapatnī ca bhavabhītiharā bhavā |
bhaveśvarī bhavārādhyā bhaveśī bhavanāyikā ||
||111||bhavamātā bhavāgamyā bhavakaṇṭakanāśinī |
bhavapriyā bhavānandā bhavyā ca bhavamocanī ||
||112||bhāvanīyā bhagavatī bhavabhāravināśinī |
bhūtadhātrī ca bhūteśī bhūtasthā bhūtarūpiṇī ||
||113||bhūtamātā ca bhūtaghnī bhūtapañcakavāsinī |
bhogopacārakuśalā bhissādhātrī ca bhūcarī ||
||114||bhītighnī bhaktigamyā ca bhaktānāmārtināśinī |
bhaktānukampinī bhīmā bhaginī bhaganāyikā ||
||115||bhagavidyā bhagaklinnā bhagayonirbhagapradā |
bhageśī bhagarūpā ca bhagaguhyā bhagāpahā ||
||116||bhagodarī bhagānandā bhagādyā bhagamālinī |
bhogapradā bhogavāsā bhogamūlā ca bhoginī ||
||117||bheruṇḍā bhedinī bhīmā bhadrakālī bhidojjhitā |
bhairavī bhuvaneśānī bhuvanā bhuvaneśvarī ||
||118||bhīmākṣī bhāratī caiva bhairavāṣṭakasevitā |
bhāsvarā bhāsvatī bhītirbhāsvaduttānaśāyinī ||
||119||bhāgīrathī bhogavatī bhavaghnī bhuvanātmikā |
bhūtidā bhūtirūpā ca bhūtasthā bhūtavardhinī ||
||120||māheśvarī mahāmāyā mahātejā mahāsurī |
mahājihvā mahālolā mahādaṃṣṭrā mahābhujā ||
||121||mahāmohāndhakāraghnī mahāmokṣapradāyinī |
mahādāridryaśamanī mahāśatruvimardinī ||
||122||mahāśaktirmahājyotirmahāsuravimardinī |
mahākāyā mahāvīryā mahāpātakanāśinī ||
||123||mahāravā mantramayī maṇipūranivāsinī |
mānasī mānadā mānyā manaścakṣuragocarā ||
||124||māhendrī madhurā māyā mahiṣāsuramardinī |
mahākuṇḍalinī śaktirmahāvibhavavardhinī ||
||125||mānasī mādhavī medhā matidā matidhāriṇī |
menakāgarbhasambhūtā menakābhaginī matiḥ ||
||126||mahodarī muktakeśī muktikāmyārthasiddhidā |
māheśī mahiṣārūḍhā madhudaityavimardinī ||
||127||mahāvratā mahāmūrdhā mahābhayavināśinī |
mātaṅgī mattamātaṅgī mātaṅgakulamaṇḍitā ||
||128||mahāghorā mānanīyā mattamātaṅgagāminī |
muktāhāralatopetā madadhūrṇitalocanā ||
||129||mahāparādharāśighrī mahācorabhayāpahā |
mahācintyasvarūpā ca maṇīmantramahauṣadhī ||
||130||maṇimaṇḍapamadhyasthā maṇimālāvirājitā |
mantrātmikā mantragamyā mantramātā sumantriṇī ||
||131||merumandiramadhyasthā makarākṛtikuṇḍalā |
mantharā ca mahāsūkṣmā mahādūtī maheśvarī ||
||132||mālinī mānavī mādhvī madarūpā madotkaṭā |
madirā madhurā caiva modinī ca mahoddhatā ||
||133||maṅgalāṅgī madhumayī madhupānaparāyaṇā |
manoramā ramāmātā rājarājeśvarī ramā ||
||134||rājamānyā rājapūjyā raktotpalavibhūṣaṇā |
rājīvalocanā rāmā rādhikā rāmavallabhā ||
||135||śākinī ḍākinī caiva lāvaṇyāmbudhivīcikā |
rudrāṇī rudrarūpā ca raudrā rudrārtināśinī ||
||136||raktapriyā raktavastrā raktākṣī raktalocanā |
raktakeśī raktadaṃṣṭrā raktacandanacarcitā ||
||137||raktāṅgī raktabhūṣā ca raktabījanipātinī |
rāgādidoṣarahitā ratijā ratidāyinī ||
||138||viśveśvarī viśālākṣī vindhyapīṭhanivāsinī |
viśvabhūrvīravidyā ca vīrasūrvīranandinī ||
||139||vīreśvarī viśālākṣī viṣṇumāyā vimohinī |
vidyāvatī viṣṇurūpā viśālanayanojjvalā ||
||140||viṣṇumātā ca viśvātmā viṣṇujāyāsvarūpiṇī |
vārāhī varadā vandyā vikhyātā vilasalkacā ||
||141||brahmeśī brahmadā brāhmī brahmāṇī brahmarūpiṇī |
dvārakā viśvavandyā ca viśvapāśavimocanī |
viśvāsakāriṇī viśvā viśvaśaktirvicakṣaṇā ||
||142||bāṇacāpadharā vīrā bindusthā bindumālinī |
ṣaṭcakrabhedinī ṣoḍhā ṣoḍaśāranivāsinī ||
||143||śitikaṇṭhapriyā śāntā śākinī vātarūpiṇī |
śāśvatī śambhuvanitā śāmbhavī śivarūpiṇī ||
||144||śivamātā ca śivadā śivā śivahṛdāsanā |
śuklāmbarā śītalā ca śīlā śīlapradāyinī ||
||145||śiśupriyā vaidyavidyā sālagrāmaśilā śuciḥ |
haripriyā haramūrtirharinetrakṛtālayā ||
||146||harivaktrodbhavā hālā harivakṣaḥsthalasthitā |
kṣemaṅkarī kṣitiḥ kṣetrā kṣudhitasya prapūraṇī ||
||147||vaiśyā ca kṣatriyā śūdrī kṣatriyāṇāṃ kuleśvarī |
harapatnī harārādhyā harasūrhararūpiṇī ||
||148||sarvānandamayī siddhissarvarakṣāsvarūpiṇī |
sarvaduṣṭapraśamanī sarvepsitaphalapradā ||
||149||sarvasiddheśvarārādhyā sarvamaṅgalamaṅgalā |
||150||phalaśrutiḥ
puṇyaṃ sahasranāmedaṃ tava prītyā prakāśitam ||
||151||gopanīyaṃ prayatnena paṭhanīyaṃ prayatnataḥ |
nātaḥ parataraṃ puṇyaṃ nātaḥ parataraṃ tapaḥ ||
||152||nātaḥ parataraṃ stotraṃ nātaḥ paratarā gatiḥ |
stotraṃ nāmasahasrākhyaṃ mama vaktrādvinirgatam ||
||153||yaḥ paṭhetparayā bhaktyā śṛṇuyādvā samāhitaḥ |
mokṣārthī labhate mokṣaṃ svargārthī svargamāpnuyāt ||
||154||kāmārthī labhate kāmaṃ dhanārthī labhate dhanam |
vidyārthī labhate vidyāṃ yaśo'rthī labhate yaśaḥ ||
||155||kanyārthī labhate kanyāṃ sutārthī labhate sutān |
mūrkho'pi labhate śāstraṃ coro'pi labhate gatim ||
||156||gurviṇī janayetputraṃ kanyāṃ vindati satpatim |
saṃkrāntyāṃ ca caturdaśyāmaṣṭamyāṃ ca viśeṣataḥ ||
||157||paurṇamāsyāmamāvāsyāṃ navamyāṃ bhaumavāsare |
paṭhedvā pāṭhayedvāpi pūjayedvāpi pustakam ||
||158||sa muktassarvapāpebhyaḥ kāmeśvarasamo bhavet |
lakṣmīvān sutavāṃścaiva vallabhassarvayoṣitām ||
||159||tasya vaśyaṃ bhavedāśu trailokyaṃ sacarācaram |
vidyānāṃ pārago vipraḥ kṣatriyo vijayī raṇe ||
||160||vaiśyo dhanasamṛddhassyācchūdrassukhamavāpnuyāt |
kṣetre ca bahusasyaṃ syādgāvaśca bahudugdhadāḥ ||
||161||nāśubhaṃ nāpadastasya na bhayaṃ nṛpaśatrutaḥ |
jāyate nāśubhā buddhirlabhate kulapūjyatām ||
||162||na bādhante grahāstasya na rakṣāṃsi na pannagāḥ |
na piśācā na ḍākinyo bhūtabhetālaḍambhakāḥ ||
||163||bālagrahābhibhūtānāṃ bālānāṃ śāntikārakam |
dvandvānāṃ pratibhede ca maitrīkaraṇamuttamam ||
||164||lohapāśaidṛḍhairbaddho bandī veśmani durgame |
tiṣṭhañchṛṇvanpatanmartyo mucyate nātra saṃśayaḥ ||
||165||paśyanti nahi te śokaṃ viyogaṃ cirajīvinaḥ |
śṛṇvatī baddhagarbhā ca sukhaṃ caiva prasūyate ||
||166||ekadā paṭhanādeva sarvapāpakṣayo bhavet |
naśyanti ca mahārogā daśadhāvartanena ca ||
||167||śatadhāvartane caiva vācāṃ siddhiḥ prajāyate |
navarātre jitāhāro dṛḍhabuddhirjitendriyaḥ ||
||168||ambikāyatane vidvān śuciṣmān mūrtisannidhau |
ekākī ca daśāvartaṃ paṭhandhīraśca nirbhayaḥ ||
||169||sākṣāttvagavatī tasmai prayacchedīpsitaṃ phalam |
siddhapīṭhe girau ramye siddhakṣetre surālaye ||
||170||paṭhanātsādhakasyāśu siddhirbhavati vāñchitā |
daśāvartaṃ paṭhennityaṃ bhūmīśāyī naraśśuciḥ ||
||171||svapne mūrtimayāṃ devīṃ varadāṃ so'pi paśyati |
āvartanasahasrairye japanti puruṣottamāḥ ||
||172||te siddhā siddhidā loke śāpānugrahaṇakṣamāḥ |
prayacchantaśca sarvasvaṃ sevante tānmahīśvarāḥ ||
||173||bhūrjapatre'ṣṭagandhena likhitvā tu śubhe dine |
dhārayedyantritaṃ śīrṣe pūjayitvā kumārikām ||
||174||brāhmaṇān varanārīśca dhūpaiḥ kusumacandanaiḥ |
kṣīrakhaṇḍādibhojyāṃśca bhojayitvā subhaktitaḥ ||
||175||badhnanti ye mahārakṣāṃ bālānāṃ ca viśeṣataḥ |
rudraṃ dṛṣṭvā yathā devaṃ viṣṇuṃ dṛṣṭvā ca dānavāḥ ||
||176||pannagā garuḍaṃ dṛṣṭvā siṃhaṃ dṛṣṭvā yathā gajāḥ |
maṇḍūkā bhoginaṃ dṛṣṭvā mārjāraṃ mūṣikāstathā ||
||177||vighnabhūtāḥ palāyante tasya vaktravilokanāt |
agnicorabhayaṃ tasya kadācinnaiva sambhavet ||
||178||pātakānvividhānso'pi merumandarasannibhān |
bhasmitānkurute kṣipraṃ tṛṇaṃ vahnihutaṃ yathā ||
||179||nṛpāśca vaśyatāṃ yānti nṛpapūjyāśca te narāḥ |
mahārṇave mahānadyāṃ potasthe ca na bhīḥ kacit ||
||180||raṇe dyūte vivāde ca vijayaṃ prāpnuvanti te |
sarvatra pūjito lokairbahumānapurassaraiḥ ||
||181||ratirāgavivṛddhāśca vihvalāḥ kāmapīḍitāḥ |
yauvanākrāntadehāstān śrayante vāmalocanāḥ ||
||182||sahasraṃ japate yastu khecarī jāyate naraḥ |
sahasradaśakaṃ devi yaḥ paṭhedbhaktimānnaraḥ ||
||183||sā tasya jagatāṃ dhātrī pratyakṣā bhavati dhruvam |
lakṣaṃ pūrṇaṃ yadā devi stotrarājaṃ japetsudhīḥ ||
||184||bhavapāśavinirmukto mama tulyo na saṃśayaḥ |
sarvatīrtheṣu yatpuṇyaṃ sarvatīrtheṣu yatphalam ||
||185||sarvadharmeṣu yajñeṣu sarvadāneṣu yatphalam |
sarvavedeṣu prokteṣu yatphalaṃ parikīrtitam ||
||186||tatpuṇyaṃ koṭiguṇitaṃ sakṛjjaptvā labhennaraḥ |
dehānte paramaṃ sthānaṃ yatsurairapi durlabham |
sa yāsyati na sandehasstavarājasya kīrtanāt ||
||187||iti rudrayāmale śrīannapūrṇāsahasranāmastotraṃ sampūrṇam