3 gṛtsamada (āṅgirasaḥ śaunahotraḥ paścād) bhārgavaḥ śaunakaḥ| śakuntaḥ (kapiñjalarūpīndraḥ)| triṣṭup|
kani̍kradajja̱nuṣa̍ṃ prabruvā̱ṇa iya̍rti̱ vāca̍mari̱teva̱ nāva̍m |
su̱ma̱ṅgala̍śca śakune̱ bhavā̍si̱ mā tvā̱ kā ci̍dabhi̱bhā viśvyā̍ vidat
||1||mā tvā̍ śye̱na ud va̍dhī̱nmā su̍pa̱rṇo mā tvā̍ vida̱diṣu̍mān vī̱ro astā̍ |
pitryā̱manu̍ pra̱diśa̱ṃ kani̍kradat suma̱ṅgalo̍ bhadravā̱dī va̍de̱ha
||2||ava̍ kranda dakṣiṇa̱to gṛ̱hāṇā̍ṃ suma̱ṅgalo̍ bhadravā̱dī śa̍kunte |
mā na̍: ste̱na ī̍śata̱ māghaśa̍ṃso bṛ̱had va̍dema vi̱dathe̍ su̱vīrā̍:
||3||