5 bārhaspatyo bharadvāja: | indra: | triṣṭup |
ahe̍l̤amāna̱ upa̍ yāhi ya̱jñaṃ tubhya̍ṃ pavanta̱ inda̍vaḥ su̱tāsa̍: |
gāvo̱ na va̍jri̱ntsvamoko̱ acchendrā ga̍hi pratha̱mo ya̱jñiyā̍nām
||1||yā te̍ kā̱kutsukṛ̍tā̱ yā vari̍ṣṭhā̱ yayā̱ śaśva̱tpiba̍si̱ madhva̍ ū̱rmim |
tayā̍ pāhi̱ pra te̍ adhva̱ryura̍sthā̱tsaṃ te̱ vajro̍ vartatāmindra ga̱vyuḥ
||2||e̱ṣa dra̱pso vṛ̍ṣa̱bho vi̱śvarū̍pa̱ indrā̍ya̱ vṛṣṇe̱ sama̍kāri̱ soma̍: |
e̱taṃ pi̍ba harivaḥ sthātarugra̱ yasyeśi̍ṣe pra̱divi̱ yaste̱ anna̍m
||3||su̱taḥ somo̱ asu̍tādindra̱ vasyā̍na̱yaṃ śreyā̍ñciki̱tuṣe̱ raṇā̍ya |
e̱taṃ ti̍tirva̱ upa̍ yāhi ya̱jñaṃ tena̱ viśvā̱stavi̍ṣī̱rā pṛ̍ṇasva
||4||hvayā̍masi̱ tvendra̍ yāhya̱rvāṅara̍ṃ te̱ soma̍sta̱nve̍ bhavāti |
śata̍krato mā̱daya̍svā su̱teṣu̱ prāsmām̐ a̍va̱ pṛta̍nāsu̱ pra vi̱kṣu
||5||