4 bārhaspatyo bharadvāja: | pūṣā |triṣṭup , 2 jagatī |
śu̱kraṃ te̍ a̱nyadya̍ja̱taṃ te̍ a̱nyadviṣu̍rūpe̱ aha̍nī̱ dyauri̍vāsi |
viśvā̱ hi mā̱yā ava̍si svadhāvo bha̱drā te̍ pūṣanni̱ha rā̱tira̍stu
||1||a̱jāśva̍: paśu̱pā vāja̍pastyo dhiyaṃji̱nvo bhuva̍ne̱ viśve̱ arpi̍taḥ |
aṣṭrā̍ṃ pū̱ṣā śi̍thi̱rāmu̱dvarī̍vṛjatsa̱ṃcakṣā̍ṇo̱ bhuva̍nā de̱va ī̍yate
||2||yāste̍ pūṣa̱nnāvo̍ a̱ntaḥ sa̍mu̱dre hi̍ra̱ṇyayī̍ra̱ntari̍kṣe̱ cara̍nti |
tābhi̍ryāsi dū̱tyāṃ sūrya̍sya̱ kāme̍na kṛta̱ śrava̍ i̱cchamā̍naḥ
||3||pū̱ṣā su̱bandhu̍rdi̱va ā pṛ̍thi̱vyā i̱l̤aspati̍rma̱ghavā̍ da̱smava̍rcāḥ |
yaṃ de̱vāso̱ ada̍duḥ sū̱ryāyai̱ kāme̍na kṛ̱taṃ ta̱vasa̱ṃ svañca̍m
||4||