8 kāśyapo'sito devalo vā | pavamāna: soma: | gāyatrī |
pra ni̱mnene̍va̱ sindha̍vo̱ ghnanto̍ vṛ̱trāṇi̱ bhūrṇa̍yaḥ | somā̍ asṛgramā̱śava̍:
||1||a̱bhi su̍vā̱nāsa̱ inda̍vo vṛ̱ṣṭaya̍: pṛthi̱vīmi̍va | indra̱ṃ somā̍so akṣaran
||2||atyū̍rmirmatsa̱ro mada̱: soma̍: pa̱vitre̍ arṣati | vi̱ghnanrakṣā̍ṃsi deva̱yuḥ
||3||ā ka̱laśe̍ṣu dhāvati pa̱vitre̱ pari̍ ṣicyate | u̱kthairya̱jñeṣu̍ vardhate
||4||ati̱ trī so̍ma roca̱nā roha̱nna bhrā̍jase̱ diva̍m | i̱ṣṇantsūrya̱ṃ na co̍dayaḥ
||5||a̱bhi viprā̍ anūṣata mū̱rdhanya̱jñasya̍ kā̱rava̍: | dadhā̍nā̱ścakṣa̍si pri̱yam
||6||tamu̍ tvā vā̱jina̱ṃ naro̍ dhī̱bhirviprā̍ ava̱syava̍: | mṛ̱janti̍ de̱vatā̍taye
||7||madho̱rdhārā̱manu̍ kṣara tī̱vraḥ sa̱dhastha̱māsa̍daḥ | cāru̍ṝ̱tāya̍ pī̱taye̍
||8||