7 kāśyapo'sito devalo vā | pavamāna: soma: | gāyatrī |
pari̍ suvā̱no gi̍ri̱ṣṭhāḥ pa̱vitre̱ somo̍ akṣāḥ | made̍ṣu sarva̱dhā a̍si
||1||tvaṃ vipra̱stvaṃ ka̱virmadhu̱ pra jā̱tamandha̍saḥ | made̍ṣu sarva̱dhā a̍si
||2||tava̱ viśve̍ sa̱joṣa̍so de̱vāsa̍: pī̱timā̍śata | made̍ṣu sarva̱dhā a̍si
||3||ā yo viśvā̍ni̱ vāryā̱ vasū̍ni̱ hasta̍yorda̱dhe | made̍ṣu sarva̱dhā a̍si
||4||ya i̱me roda̍sī ma̱hī saṃ mā̱tare̍va̱ doha̍te | made̍ṣu sarva̱dhā a̍si
||5||pari̱ yo roda̍sī u̱bhe sa̱dyo vāje̍bhi̱rarṣa̍ti | made̍ṣu sarva̱dhā a̍si
||6||sa śu̱ṣmī ka̱laśe̱ṣvā pu̍nā̱no a̍cikradat | made̍ṣu sarva̱dhā a̍si
||7||