gaṃgeśvaramāhātmyavarṇanam
īśvara uvāca
tato gacchenmahādevi maṃgalātpaścime sthitam ||
gaṃgāsrotastathā liṃgaṃ surārkaṃ ca viśeṣataḥ
||1||ततो गच्छेन्महादेवि मंगलात्पश्चिमे स्थितम् ॥
गंगास्रोतस्तथा लिंगं सुरार्कं च विशेषतः
tāngacchedvidhivaddevi yadi yātrāphalepsutā ||
snātvā piṇḍapradānaṃ ca kuryāttatra yathārthataḥ ||
brāhmaṇebhyastathā deyamannaṃ bhūri sadakṣiṇam
||2||तान्गच्छेद्विधिवद्देवि यदि यात्राफलेप्सुता ॥
स्नात्वा पिण्डप्रदानं च कुर्यात्तत्र यथार्थतः ॥
ब्राह्मणेभ्यस्तथा देयमन्नं भूरि सदक्षिणम्
iti te kathitaṃ mayā priye kalipāpaughavināśanaṃ śubham ||
nikhilaṃ tīrthamahodayodayaṃ paṭhitaṃ sadvinihaṃti pāpasaṃhatim
||3||इति ते कथितं मया प्रिये कलिपापौघविनाशनं शुभम् ॥
निखिलं तीर्थमहोदयोदयं पठितं सद्विनिहंति पापसंहतिम्
idaṃ na deyaṃ durbuddheḥ sutarāṃ pāpanāśanam ||
śrotavyaṃ vidhinā tadvadbhaviṣyoktavidhānataḥ
||4||इदं न देयं दुर्बुद्धेः सुतरां पापनाशनम् ॥
श्रोतव्यं विधिना तद्वद्भविष्योक्तविधानतः
iti śrīskānde mahāpurāṇa ekāśītisāhasryāṃ saṃhitāyāṃ saptame prabhāsakhaṃḍe prathame prabhāsakṣetramāhātmye gaṃgeśvaramāhātmyavarṇanaṃnāma paṃcamo'dhyāyaḥ || 5 ||