5 pūrurātreyaḥ| agniḥ| anuṣṭup, 5 paṃktiḥ|
ā ya̱jñairde̍va̱ martya̍ i̱tthā tavyā̍ṃsamū̱taye̍ |
a̱gniṃ kṛ̱te sva̍dhva̱re pū̱rurī̍l̤ī̱tāva̍se
||1||asya̱ hi svaya̍śastara ā̱sā vi̍dharma̱n manya̍se |
taṃ nāka̍ṃ ci̱traśo̍ciṣaṃ ma̱ndraṃ pa̱ro ma̍nī̱ṣayā̍
||2||a̱sya vāsā u̍ a̱rciṣā̱ ya āyu̍kta tu̱jā gi̱rā |
di̱vo na yasya̱ reta̍sā bṛ̱hacchoca̍ntya̱rcaya̍:
||3||a̱sya kratvā̱ vice̍taso da̱smasya̱ vasu̱ ratha̱ ā |
adhā̱ viśvā̍su̱ havyo̱'gnirvi̱kṣu pra śa̍syate
||4||nū na̱ iddhi vārya̍mā̱sā sa̍canta sū̱raya̍: |
ūrjo̍ napāda̱bhiṣṭa̍ye pā̱hi śa̱gdhi sva̱staya̍ u̱taidhi̍ pṛ̱tsu no̍ vṛ̱dhe
||5||