4 prayasvanta ātreyāḥ| agniḥ| anuṣṭup, 4 paṃktiḥ|
yama̍gne vājasātama̱ tvaṃ ci̱n manya̍se ra̱yim |
taṃ no̍ gī̱rbhiḥ śra̱vāyya̍ṃ deva̱trā pa̍nayā̱ yuja̍m
||1||ye a̍gne̱ neraya̍nti te vṛ̱ddhā u̱grasya̱ śava̍saḥ |
apa̱ dveṣo̱ apa̱ hvaro̱'nyavra̍tasya saścire
||2||hotā̍raṃ tvā vṛṇīma̱he'gne̱ dakṣa̍sya̱ sādha̍nam |
ya̱jñeṣu̍ pū̱rvyaṃ gi̱rā praya̍svanto havāmahe
||3||i̱tthā yathā̍ ta ū̱taye̱ saha̍sāvandi̱vedi̍ve |
rā̱ya ṛ̱tāya̍ sukrato̱ gobhi̍: ṣyāma sadha̱mādo̍ vī̱raiḥ syā̍ma sadha̱māda̍:
||4||