5 vavrirātreyaḥ| agniḥ| gāyatrī, 3-4 anuṣṭup, 5 virāḍ rūpā|
a̱bhya̍va̱sthāḥ pra jā̍yante̱ pra va̱vrerva̱vriści̍keta | u̱pasthe̍ mā̱turvi ca̍ṣṭe
||1||ju̱hu̱re vi ci̱taya̱nto'ni̍miṣaṃ nṛ̱mṇaṃ pā̍nti | ā dṛ̱l̤ahāṃ pura̍ṃ viviśuḥ
||2||ā śvai̍tre̱yasya̍ ja̱ntavo̍ dyu̱mad va̍rdhanta kṛ̱ṣṭaya̍: |
ni̱ṣkagrī̍vo bṛ̱hadu̍ktha e̱nā madhvā̱ na vā̍ja̱yuḥ
||3||pri̱yaṃ du̱gdhaṃ na kāmya̱majā̍mi jā̱myoḥ sacā̍ |
gha̱rmo na vāja̍jaṭha̱ro'da̍bdha̱: śaśva̍to̱ dabha̍:
||4||krīl̤a̍n no raśma̱ ā bhu̍va̱: saṃ bhasma̍nā vā̱yunā̱ vevi̍dānaḥ |
tā a̍sya san dhṛ̱ṣajo̱ na ti̱gmāḥ susa̍ṃśitā va̱kṣyo̍ vakṣaṇe̱sthāḥ
||5||