5 śāso bhāradvājaḥ| indraḥ| anuṣṭup|
śā̱sa i̱tthā ma̱hām̐ a̍syamitrakhā̱do adbhu̍taḥ | na yasya̍ ha̱nyate̱ sakhā̱ na jīya̍te̱ kadā̍ ca̱na
||1||sva̱sti̱dā vi̱śaspati̍rvṛtra̱hā vi̍mṛ̱dho va̱śī | vṛṣendra̍: pu̱ra e̍tu naḥ soma̱pā a̍bhayaṃka̱raḥ
||2||vi rakṣo̱ vi mṛdho̍ jahi̱ vi vṛ̱trasya̱ hanū̍ ruja | vi ma̱nyumi̍ndra vṛtrahanna̱mitra̍syābhi̱dāsa̍taḥ
||3||vi na̍ indra̱ mṛdho̍ jahi nī̱cā ya̍ccha pṛtanya̱taḥ | yo a̱smām̐ a̍bhi̱dāsa̱tyadha̍raṃ gamayā̱ tama̍:
||4||ape̍ndra dviṣa̱to mano'pa̱ jijyā̍sato va̱dham | vi ma̱nyoḥ śarma̍ yaccha̱ varī̍yo yavayā va̱dham
||5||