3 pataṃgaḥ prājāpatyaḥ| māyābhedaḥ| triṣṭup| 1 jagatī|
pa̱ta̱ṃgama̱ktamasu̍rasya mā̱yayā̍ hṛ̱dā pa̍śyanti̱ mana̍sā vipa̱ścita̍: |
sa̱mu̱dre a̱ntaḥ ka̱vayo̱ vi ca̍kṣate̱ marī̍cīnāṃ pa̱dami̍cchanti ve̱dhasa̍:
||1||pa̱ta̱ṃgo vāca̱ṃ mana̍sā bibharti̱ tāṃ ga̍ndha̱rvo̍'vada̱dgarbhe̍ a̱ntaḥ |
tāṃ dyota̍mānāṃ sva̱rya̍ṃ manī̱ṣāmṛ̱tasya̍ pa̱de ka̱vayo̱ ni pā̍nti
||2||apa̍śyaṃ go̱pāmani̍padyamāna̱mā ca̱ parā̍ ca pa̱thibhi̱ścara̍ntam |
sa sa̱dhrīcī̱: sa viṣū̍cī̱rvasā̍na̱ ā va̍rīvarti̱ bhuva̍neṣva̱ntaḥ
||3||