5 naiṛrtaḥ kapotaḥ|viśvedevāḥ| triṣṭup|
devā̍: ka̱pota̍ iṣi̱to yadi̱cchandū̱to niṝ̍tyā i̱damā̍ja̱gāma̍ |
tasmā̍ arcāma kṛ̱ṇavā̍ma̱ niṣkṛ̍ti̱ṃ śaṃ no̍ astu dvi̱pade̱ śaṃ catu̍ṣpade
||1||śi̱vaḥ ka̱pota̍ iṣi̱to no̍ astvanā̱gā de̍vāḥ śaku̱no gṛ̱heṣu̍ |
a̱gnirhi vipro̍ ju̱ṣatā̍ṃ ha̱virna̱: pari̍ he̱tiḥ pa̱kṣiṇī̍ no vṛṇaktu
||2||he̱tiḥ pa̱kṣiṇī̱ na da̍bhātya̱smānā̱ṣṭryāṃ pa̱daṃ kṛ̍ṇute agni̱dhāne̍ |
śaṃ no̱ gobhya̍śca̱ puru̍ṣebhyaścāstu̱ mā no̍ hiṃsīdi̱ha de̍vāḥ ka̱pota̍:
||3||yadulū̍ko̱ vada̍ti mo̱ghame̱tadyatka̱pota̍: pa̱dama̱gnau kṛ̱ṇoti̍ |
yasya̍ dū̱taḥ prahi̍ta e̱ṣa e̱tattasmai̍ ya̱māya̱ namo̍ astu mṛ̱tyave̍
||4||ṛ̱cā ka̱pota̍ṃ nudata pra̱ṇoda̱miṣa̱ṃ mada̍nta̱: pari̱ gāṃ na̍yadhvam |
sa̱ṃyo̱paya̍nto duri̱tāni̱ viśvā̍ hi̱tvā na̱ ūrja̱ṃ pra pa̍tā̱tpati̍ṣṭhaḥ
||5||