Vājasaneyi Madhyandina Saṃhitā — Chapter 9 (40 mantras)
Vājasaneyi Madhyandina Saṃhitā — Chapter 9
Section titled “Vājasaneyi Madhyandina Saṃhitā — Chapter 9”deva̍ savita̱: prasu̍va ya̱jñaṃ prasu̍va ya̱jñapa̍ti̱ṃ bhagā̍ya |
Mantras
Section titled “Mantras”Mantra 1 {#mantra-1}
Section titled “Mantra 1 {#mantra-1}”Adhyāya: 9 | Mantra: 1
di̱vyo ga̍ndha̱rvaḥ ke̍tu̱pūḥ keta̍ṃ naḥ punātu vā̱caspati̱rvāja̍ṃ naḥ svadatu̱ svāhā̍
Mantra 2 {#mantra-2}
Section titled “Mantra 2 {#mantra-2}”Adhyāya: 9 | Mantra: 2
dhru̍va̱sada̍ṃ tvā nṛ̱ṣada̍ṃ mana̱:sada̍mupayā̱magṛ̍hīto̱’sīndrā̍ya tvā̱ juṣṭa̍ṃ gṛhṇāmye̱ṣa te̱ yoni̱rindrā̍ya tvā̱ juṣṭa̍tamam | a̍psu̱ṣada̍ṃ tvā ghṛta̱sada̍ṃ vyoma̱sada̍mupayā̱magṛ̍hīto̱’sīndrā̍ya tvā̱ juṣṭa̍ṃ gṛhṇāmye̱ṣa te̱ yoni̱rindrā̍ya tvā̱ juṣṭa̍tamam | pṛthi̱vī̱sada̍ṃ tvā’ntarikṣa̱sada̍ṃ divi̱sada̍ṃ deva̱sada̍ṃ nāka̱sada̍mupayā̱magṛ̍hīto̱’sīndrā̍ya tvā̱ juṣṭa̍ṃ gṛhṇāmye̱ṣa te̱ yoni̱rindrā̍ya tvā̱ juṣṭa̍tamam
Mantra 3 {#mantra-3}
Section titled “Mantra 3 {#mantra-3}”Adhyāya: 9 | Mantra: 3
a̱pā rasa̱mudva̍yasa sūrye̱ santa sa̱māhi̍tam | a̱pā rasa̍sya̱ yo rasa̱staṃ vo̍ gṛhṇāmyutta̱mamu̍payā̱magṛ̍hīto̱ sīndrā̍ya tvā̱ juṣṭa̍ṃ gṛhṇāmye̱ṣa te̱ yoni̱rindrā̍ya tvā̱ juṣṭa̍tamam
Mantra 4 {#mantra-4}
Section titled “Mantra 4 {#mantra-4}”Adhyāya: 9 | Mantra: 4
grahā̍ ūrjāhutayo̱ vyanto̱ viprā̍ya ma̱tim | teṣā̱ṃ viśi̍priyāṇāṃ vo̱’hamiṣa̱mūrja sama̍grabhamupayā̱magṛ̍hīto̱’sīndrā̍ya tvā̱ juṣṭa̍ṃ gṛhṇāmye̱ṣa te̱ yoni̱rindrā̍ya tvā̱ juṣṭa̍tamam | sa̱mpṛcau̍ stha̱: saṃ mā̍ bha̱dreṇa̍ pṛṅktaṃ vi̱pṛcau̍ stho̱ vi mā̍ pā̱pmanā̍ pṛṅktam
Mantra 5 {#mantra-5}
Section titled “Mantra 5 {#mantra-5}”Adhyāya: 9 | Mantra: 5
indra̍sya̱ vajro̍’si vāja̱sāstvayā̱yaṃ vāja se̍t | vāja̍sya̱ nu pra̍sa̱ve mā̱tara̍ṃ ma̱hīmadi̍ti̱ṃ nāma̱ vaca̍sā karāmahe | yasyā̍mi̱daṃ viśva̱ṃ bhuva̍namāvi̱veśa̱ tasyā̍ṃ no de̱vaḥ sa̍vi̱tā dharma̍ sāviṣat
Mantra 6 {#mantra-6}
Section titled “Mantra 6 {#mantra-6}”Adhyāya: 9 | Mantra: 6
a̱psvantara̱mṛta̍ma̱psu bhe̍ṣa̱jama̱pāmu̱ta praśa̍sti̱ṣvaśvā̱ bhava̍ta vā̱jina̍: | devī̍rāpo̱ yo va̍ ū̱rmiḥ pratū̍rtiḥ ka̱kunmā̍n vāja̱sāstenā̱yaṃ vāja set
Mantra 7 {#mantra-7}
Section titled “Mantra 7 {#mantra-7}”Adhyāya: 9 | Mantra: 7
vāto̍ vā̱ mano̍ vā gandha̱rvāḥ sa̱ptaviśatiḥ | te agre’śva̍mayuñja̱m̐ste a̍smiñja̱vamā da̍dhuḥ
Mantra 8 {#mantra-8}
Section titled “Mantra 8 {#mantra-8}”Adhyāya: 9 | Mantra: 8
vāta̍rahā bhava vājinyu̱jyamā̍na̱ indra̍syeva̱ dakṣi̍ṇaḥ śri̱yaidhi̍ | yu̱ñjantu̍ tvā ma̱ruto̍ viśva̱veda̍sa̱ ā te̱ tvaṣṭā̍ pa̱tsu ja̱vaṃ da̍dhātu
Mantra 9 {#mantra-9}
Section titled “Mantra 9 {#mantra-9}”Adhyāya: 9 | Mantra: 9
ja̱vo yaste̍ vāji̱nnihi̍to̱ guhā̱ yaḥ śye̱ne parī̍tto̱ aca̍racca̱ vāte̍ | tena̍ no vāji̱n vala̍vā̱n bale̍na vāja̱jicca̱ bhava̱ sama̍ne ca pārayi̱ṣṇuḥ | vāji̍no vājajito̱ vāja sari̱ṣyanto̱ bṛha̱spate̍rbhā̱gamava̍jighrata
Mantra 10 {#mantra-10}
Section titled “Mantra 10 {#mantra-10}”Adhyāya: 9 | Mantra: 10
de̱vasyā̱ha sa̍vi̱tuḥ sa̱ve sa̱tyasa̍vaso̱ bṛha̱spate̍rutta̱maṃ nāka ruheyam | de̱vasyā̱ha sa̍vi̱tuḥ sa̱ve sa̱tyasa̍vasa̱ indra̍syotta̱maṃ nāka ruheyam | de̱vasyā̱ha sa̍vi̱tuḥ sa̱ve sa̱tyapra̍savaso̱ bṛha̱spate̍rutta̱maṃ nāka̍maruham | de̱vasyā̱ha sa̍vi̱tuḥ sa̱ve sa̱tyapra̍savasa̱ indra̍syotta̱maṃ nāka̍maruham
Mantra 11 {#mantra-11}
Section titled “Mantra 11 {#mantra-11}”Adhyāya: 9 | Mantra: 11
bṛha̍spate̱ vāja̍ṃ jaya̱ bṛha̱spata̍ye̱ vāca̍ṃ vadata̱ bṛha̱spati̱ṃ vāja̍ṃ jāpayata | indra̱ vāja̍ṃ ja̱yendrā̍ya̱ vāca̍ṃ vada̱tendra̱ṃ vāja̍ṃ jāpayata
Mantra 12 {#mantra-12}
Section titled “Mantra 12 {#mantra-12}”Adhyāya: 9 | Mantra: 12
e̱ṣā va̱: sā sa̱tyā sa̱ṃvāga̍bhū̱dyayā̱ bṛha̱spati̱ṃ vāja̱majī̍japa̱tājī̍japata̱ bṛha̱spati̱ṃ vāja̱ṃ vana̍spatayo̱ vimu̍cyadhvam | e̱ṣā va̱: sā sa̱tyā sa̱ṃvāga̍bhū̱dyayendra̱ṃ vāja̱majī̍japa̱tājī̍japa̱tendra̱ṃ vāja̱ṃ vana̍spatayo̱ vimu̍cyadhvam
Mantra 13 {#mantra-13}
Section titled “Mantra 13 {#mantra-13}”Adhyāya: 9 | Mantra: 13
de̱vasyā̱ha sa̍vi̱tuḥ sa̱ve sa̱tyapra̍savaso̱ bṛha̱spate̍rvāja̱jito̱ vāja̍ṃ jeṣam | vāji̍no vājaji̱to’dhva̍na skabhnu̱vanto̱ yoja̍nā̱ mimā̍nā̱: kāṣṭhā̍ṃ gacchata
Mantra 14 {#mantra-14}
Section titled “Mantra 14 {#mantra-14}”Adhyāya: 9 | Mantra: 14
e̱ṣa sya vā̱jī kṣi̍pa̱ṇiṃ tu̍raṇyati grī̱vāyā̍ṃ ba̱ddho a̍pika̱kṣa ā̱sani̍ | kratu̍ṃ dadhi̱krā anu̍ sasani̍ṣyadatpa̱thāmaṅkāsyanvā̱panī̍paṇa̱t svāhā̍
Mantra 15 {#mantra-15}
Section titled “Mantra 15 {#mantra-15}”Adhyāya: 9 | Mantra: 15
u̱ta smā̍sya̱ druva̍tasturaṇya̱taḥ pa̱rṇaṃ na veranu̍vāti praga̱rdhina̍: | śye̱nasye̍va̱ dhraja̍to aṅka̱saṃ pari̍ dadhi̱krāvṇa̍: sa̱horjā tari̍trata̱: svāhā̍
Mantra 16 {#mantra-16}
Section titled “Mantra 16 {#mantra-16}”Adhyāya: 9 | Mantra: 16
śaṃ no̍ bhavantu vā̱jino̱ have̍ṣu de̱vatā̍tā mi̱tadra̍vaḥ sva̱rkāḥ | ja̱mbhaya̱nto’hi̱ṃ vṛka rakṣā̍si̱ sane̍mya̱smadyu̍yava̱nnamī̍vāḥ
Mantra 17 {#mantra-17}
Section titled “Mantra 17 {#mantra-17}”Adhyāya: 9 | Mantra: 17
te no̱ arva̍nto havana̱śruto̱ hava̱ṃ viśve̍ śṛṇvantu vā̱jino̍ mi̱tadra̍vaḥ | sa̱ha̱sra̱sā me̱dhasā̍tā sani̱ṣyavo̍ ma̱ho ye dhana sami̱theṣu̍ jabhri̱re
Mantra 18 {#mantra-18}
Section titled “Mantra 18 {#mantra-18}”Adhyāya: 9 | Mantra: 18
vāje̍-vāje’vata vājino no̱ dhane̍ṣu viprā amṛtā ṛtajñāḥ | a̱sya madhva̍: pibata mā̱daya̍dhvaṃ tṛ̱ptā yā̍ta pa̱thibhi̍rdeva̱yānai̍:
Mantra 19 {#mantra-19}
Section titled “Mantra 19 {#mantra-19}”Adhyāya: 9 | Mantra: 19
ā mā̱ vāja̍sya prasa̱vo ja̍gamyā̱deme dyāvā̍pṛthi̱vī vi̱śvarū̍pe | ā mā̍ gantāṃ pi̱tarā̍ mā̱tarā̱ cā mā̱ somo̍ amṛta̱tvena̍ gamyāt | vāji̍no vājajito̱ vāja sasṛ̱vāso̱ bṛha̱spate̍rbhā̱gamava̍jighrata nimṛjā̱nāḥ
Mantra 20 {#mantra-20}
Section titled “Mantra 20 {#mantra-20}”Adhyāya: 9 | Mantra: 20
ā̱paye̱ svāhā̍ svā̱paye̱ svāhā̍ ‘pi̱jāya̱ svāhā̍ krata̍ve̱ svāhā̱ vasa̍ve̱ svāhā̍ ‘ha̱rpata̍ye̱ svāhā̍ ‘hne̍ mu̱gdhāya̱ svāhā̍ mu̱gdhāya̍ vainaśi̱nāya̱ svāhā̍ vinaśina̍ āntyāya̱nāya̱ svāhā ‘ntyā̍ya bhauva̱nāya̱ svāhā̱ bhuva̍nasya̱ pata̍ye̱ svāhā’dhi̍pataye̱ svāhā̍
Mantra 21 {#mantra-21}
Section titled “Mantra 21 {#mantra-21}”Adhyāya: 9 | Mantra: 21
āyu̍rya̱jñena̍ kalpatāṃ prā̱ṇo ya̱jñena̍ kalpatā̱ṃ cakṣu̍rya̱jñena̍ kalpatātāṃ śrotra̍ṃ ya̱jñena̍ kalpatā̱ṃ pṛ̱ṣṭhaṃ ya̱jñena̍ kalpatā̱ṃ ya̱jño ya̱jñena̍ kalpatām | pra̱jāpa̍teḥ pra̱jā a̍bhūma̱ sva̱rdevā aganmā̱mṛtā̍ abhūma
Mantra 22 {#mantra-22}
Section titled “Mantra 22 {#mantra-22}”Adhyāya: 9 | Mantra: 22
a̱sme vo̍ astvindri̱yama̱sme nṛ̱mṇamu̱ta kratu̍ra̱sme varcāsi santu vaḥ | namo̍ mā̱tre pṛ̍thi̱vyai̱ namo̍ mā̱tre pṛ̍thi̱vyā i̱yaṃ te̱ rāḍ ya̱ntā’si̱ yama̍no dhru̱vo̱’si dha̱ruṇa̍: | kṛ̱ṣyai tvā̱ kṣemā̍ya tvā ra̱yyai tvā̱ poṣā̍ya tvā
Mantra 23 {#mantra-23}
Section titled “Mantra 23 {#mantra-23}”Adhyāya: 9 | Mantra: 23
vāja̍sye̱maṃ pra̍sa̱vaḥ su̍ṣu̱ve’gre̱ soma rājā̍na̱moṣa̍dhīṣva̱psu | tā a̱smabhya̱ṃ madhu̍matīrbhavantu va̱ya rā̱ṣṭre jā̍gṛyāma pu̱rohi̍tā̱: svāhā̍
Mantra 24 {#mantra-24}
Section titled “Mantra 24 {#mantra-24}”Adhyāya: 9 | Mantra: 24
vāja̍sye̱māṃ pra̍sa̱vaḥ śi̍śriye̱ diva̍mi̱mā ca̱ viśvā̱ bhuva̍nāni sa̱mrāṭ | adi̍tsantaṃ dāpayati prajā̱nantsa no̍ ra̱yi sarva̍vīra̱ṃ ni ya̍cchatu̱ svāhā̍
Mantra 25 {#mantra-25}
Section titled “Mantra 25 {#mantra-25}”Adhyāya: 9 | Mantra: 25
vāja̍sya̱ nu pra̍sa̱va ā ba̍bhūve̱mā ca̱ viśvā̱ bhuva̍nāni sa̱rvata̍: | sane̍mi̱ rājā̱ pari̍ yāti vi̱dvān pra̱jāṃ puṣṭi̍ṃ va̱rdhaya̍māno a̱sme svāhā̍
Mantra 26 {#mantra-26}
Section titled “Mantra 26 {#mantra-26}”Adhyāya: 9 | Mantra: 26
soma rājā̍na̱mava̍se̱’gnima̱nvā̍rabhāmahe | ā̱di̱tyānviṣṇu sūrya̍ṃ bra̱hmāṇa̍ṃ ca̱ bṛha̱spati svāhā̍
Mantra 27 {#mantra-27}
Section titled “Mantra 27 {#mantra-27}”Adhyāya: 9 | Mantra: 27
a̱rya̱maṇa̱ṃ bṛha̱spati̱mindra̱ṃ dānā̍ya codaya | vāca̱ṃ viṣṇu sara̍svatī savi̱tāra̍ṃ ca vā̱jina svāhā̍
Mantra 28 {#mantra-28}
Section titled “Mantra 28 {#mantra-28}”Adhyāya: 9 | Mantra: 28
agne̱ acchā̍ vade̱ha na̱: prati̍ naḥ su̱manā̍ bhava | pra no̍ yaccha sahasraji̱ttva hi dha̍na̱dā asi̱ svāhā̍
Mantra 29 {#mantra-29}
Section titled “Mantra 29 {#mantra-29}”Adhyāya: 9 | Mantra: 29
pra no̍ yacchatvarya̱mā pra pū̱ṣā pra bṛha̱spati̍: | pra vāgde̱vī da̍dātu na̱: svāhā̍
Mantra 30 {#mantra-30}
Section titled “Mantra 30 {#mantra-30}”Adhyāya: 9 | Mantra: 30
de̱vasya̍ tvā savi̱tuḥ pra̍sa̱ve’śvino̍rbā̱hubhyā̍ṃ pū̱ṣṇo hastā̍bhyām | sara̍svatyai vā̱co ya̱nturya̱ntriye̍ dadhāmi̱ bṛha̱spate̍ṣṭvā̱ sāmrā̍jyenā̱bhi ṣi̍ñcāmyasau
Mantra 31 {#mantra-31}
Section titled “Mantra 31 {#mantra-31}”Adhyāya: 9 | Mantra: 31
a̱gnirekā̍kṣareṇa prā̱ṇamuda̍jaya̱ttamujje̍ṣama̱śvinau̱ dvya̱kṣareṇa dvi̱pado̍ manu̱ṣyānuda̍jayatā̱ṃ tānujje̍ṣa̱ṃ viṣṇu̱strya̱kṣareṇa̱ trīm̐llo̱kānuda̍jaya̱ttānujje̍ṣaṃ soma̱ścatu̍rakṣareṇa̱ catu̍ṣpadaḥ pa̱śūnuda̍jaya̱ttānujje̍ṣam
Mantra 32 {#mantra-32}
Section titled “Mantra 32 {#mantra-32}”Adhyāya: 9 | Mantra: 32
pū̱ṣā pañcā̍kṣareṇa̱ pañca̱ diśa̱ uda̍jaya̱ttā ujje̍ṣaṃ savi̱tā ṣaḍa̍kṣareṇa̱ ṣaḍṛ̱tūnuda̍jaya̱ttānujje̍ṣaṃ ma̱ruta̍: sa̱ptākṣa̍reṇa sa̱pta grā̱myān pa̱śūnuda̍jaya̱m̐stānujje̍ṣa̱ṃ bṛha̱spati̍ra̱ṣṭākṣa̍reṇa gāya̱trīmuda̍jaya̱ttāmujje̍ṣam
Mantra 33 {#mantra-33}
Section titled “Mantra 33 {#mantra-33}”Adhyāya: 9 | Mantra: 33
mi̱tro navā̍kṣareṇa tri̱vṛta stoma̱muda̍jaya̱ttamujje̍ṣa̱ṃ varu̍ṇo̱ daśā̍kṣareṇa vi̱rāja̱muda̍jaya̱ttāmujje̍ṣa̱mindra̱ e̱kāda̍śākṣareṇa tri̱ṣṭubha̱muda̍jaya̱ttāmujje̍ṣa̱ṃ viśve̍ de̱vā dvāda̍śākṣareṇa̱ jaga̍tī̱muda̍jaya̱m̐stāmujje̍ṣam
Mantra 34 {#mantra-34}
Section titled “Mantra 34 {#mantra-34}”Adhyāya: 9 | Mantra: 34
vasa̍va̱strayo̍daśākṣareṇa trayoda̱śa stoma̱muda̍jaya̱m̐stamujje̍ṣaṃ ru̱drāścatu̍rdaśākṣareṇa caturda̱śa stoma̱muda̍jaya̱m̐stamujje̍ṣamādi̱tyāḥ pañca̍daśākṣareṇa pañcada̱śa stoma̱muda̍jaya̱m̐stamujje̍ṣa̱madi̍ti̱: ṣoḍa̍śākṣareṇa ṣoḍa̱śa stoma̱muda̍jaya̱ttamujje̍ṣaṃ pra̱jāpa̍tiḥ sa̱ptada̍śākṣareṇa saptada̱śa stoma̱muda̍jaya̱ttamujje̍ṣam
Mantra 35 {#mantra-35}
Section titled “Mantra 35 {#mantra-35}”Adhyāya: 9 | Mantra: 35
e̱ṣa te̍ nirṛte bhā̱gastaṃ ju̍ṣasva̱ svāhā̱’gnine̍trebhyo de̱vebhya̍: pura̱: sadbhya̱: svāhā̍ ya̱mane̍trebhyo de̱vebhyo̍ dakṣi̱ṇāsadbhya̱: svāhā̍ vi̱śvade̍vanetrebhyo de̱vebhya̍: paścā̱tsadbhya̱: svāhā̍ mi̱trāvaru̍ṇanetrebhyo vā ma̱runne̍trebhyo vā de̱vebhya̍ uttarā̱sadbhya̱: svāhā̱ soma̍netrebhyo de̱vebhya̍ upari̱sadbhyo̱ duva̍svadbhya̱: svāhā̍
Mantra 36 {#mantra-36}
Section titled “Mantra 36 {#mantra-36}”Adhyāya: 9 | Mantra: 36
ye de̱vā a̱gnine̍trāḥ pura̱: sada̱stebhya̱: svāhā̱ ye de̱vā ya̱mane̍trā dakṣi̱ṇāsada̱stebhya̱: svāhā̱ ye de̱vā vi̱śvade̍vanetrāḥ paścā̱tsada̱stebhya̱: svāhā̱ ye de̱vā mi̱trāvaru̍ṇanetrā vā ma̱runne̍trā vottarā̱sada̱stebhya̱: svāhā̱ ye de̱vāḥ soma̍netrā upari̱sado̱ duva̍svanta̱stebhya̱: svāhā̍
Mantra 37 {#mantra-37}
Section titled “Mantra 37 {#mantra-37}”Adhyāya: 9 | Mantra: 37
agne̱ saha̍sva̱ pṛta̍nā a̱bhimā̍tī̱rapā̍sya | du̱ṣṭara̱stara̱nnarā̍tī̱rvarco̍ dhā ya̱jñavā̍hasi
Mantra 38 {#mantra-38}
Section titled “Mantra 38 {#mantra-38}”Adhyāya: 9 | Mantra: 38
de̱vasya̍ tvā savi̱tuḥ pra̍sa̱ve’śvino̍rbā̱hubhyā̍ṃ pū̱ṣṇo hastā̍bhyām | u̱pāśorvī̱rye̱ṇa juhomi ha̱ta rakṣa̱: svāhā̱ rakṣa̍sāṃ tvā ba̱dhāyāba̍dhiṣma̱ rakṣo’ba̍dhiṣmā̱muma̱sau ha̱taḥ
Mantra 39 {#mantra-39}
Section titled “Mantra 39 {#mantra-39}”Adhyāya: 9 | Mantra: 39
sa̱vi̱tā tvā̍ sa̱vānā suva̱tāma̱gnirgṛ̱hapa̍tīnā somo̱ vana̱spatī̍nām | bṛha̱spati̍rvā̱ca indro̱ jyaiṣṭhyā̍ya ru̱draḥ pa̱śubhyo̍ mi̱traḥ sa̱tyo varu̍ṇo̱ dharma̍patīnām
Mantra 40 {#mantra-40}
Section titled “Mantra 40 {#mantra-40}”Adhyāya: 9 | Mantra: 40
i̱maṃ de̍vā asapa̱tna su̍vadhvaṃ maha̱te kṣa̱trāya̍ maha̱te jyaiṣṭhyā̍ya maha̱te jāna̍rājyā̱yendra̍syendri̱yāya̍ | i̱mama̱muṣya̍ pu̱trama̱muṣyai̍ pu̱trama̱syai vi̱śa e̱ṣa vo̍’mī̱ rājā̱ somo̱’smāka̍ṃ brāhma̱ṇānā rājā̍