Vājasaneyi Madhyandina Saṃhitā — Chapter 34 (58 mantras)
Vājasaneyi Madhyandina Saṃhitā — Chapter 34
Section titled “Vājasaneyi Madhyandina Saṃhitā — Chapter 34”yajjāgra̍to dū̱ramu̱daiti̱ daiva̱ṃ tadu̍ su̱ptasya̱ tathai̱vaiti̍ |
Mantras
Section titled “Mantras”Mantra 1 {#mantra-1}
Section titled “Mantra 1 {#mantra-1}”Adhyāya: 34 | Mantra: 1
dū̱ra̱ṅga̱maṃ jyoti̍ṣā̱ṃ jyoti̱reka̱ṃ tanme̱ mana̍: śi̱vasa̍ṅkalpamastu
Mantra 2 {#mantra-2}
Section titled “Mantra 2 {#mantra-2}”Adhyāya: 34 | Mantra: 2
yena̱ karmā̍ṇya̱paso̍ manī̱ṣiṇo̍ ya̱jñe kṛ̱ṇvanti̍ vi̱dathe̍ṣu̱ dhīrā̍: | yada̍pū̱rvaṃ ya̱kṣama̱ntaḥ pra̱jānā̱ṃ tanme̱ mana̍: śi̱vasa̍ṅkalpamastu
Mantra 3 {#mantra-3}
Section titled “Mantra 3 {#mantra-3}”Adhyāya: 34 | Mantra: 3
yatpra̱jñāna̍mu̱ta ceto̱ dhṛti̍śca̱ yajjyoti̍ra̱ntara̱mṛta̍ṃ pra̱jāsu̍ | yasmā̱nna ṛ̱te kiṃ ca̱na karma̍ kri̱yate̱ tanme̱ mana̍: śi̱vasa̍ṅkalpamastu
Mantra 4 {#mantra-4}
Section titled “Mantra 4 {#mantra-4}”Adhyāya: 34 | Mantra: 4
yene̱daṃ bhū̱taṃ bhuva̍naṃ bhavi̱ṣyat pari̍gṛhītama̱mṛte̍na̱ sarva̍m | yena̍ ya̱jñastā̱yate̍ sa̱ptaho̍tā̱ tanme̱ mana̍: śi̱vasa̍ṅkalpamastu
Mantra 5 {#mantra-5}
Section titled “Mantra 5 {#mantra-5}”Adhyāya: 34 | Mantra: 5
yasmi̱nnṛca̱: sāma̱ yajūṣi̱ yasmi̱n prati̍ṣṭhitā rathanā̱bhāvi̍vā̱rāḥ | yasmi̍m̐ści̱tta sarva̱mota̍ṃ pra̱jānā̱ṃ tanme̱ mana̍: śi̱vasa̍ṅkalpamastu
Mantra 6 {#mantra-6}
Section titled “Mantra 6 {#mantra-6}”Adhyāya: 34 | Mantra: 6
su̱ṣā̱ra̱thiraśvā̍niva̱ yanma̍nu̱ṣyā̱nnenī̱yate̱’bhīśu̍bhirvā̱jina̍ iva | hṛ̱tprati̍ṣṭha̱ṃ yada̍ji̱raṃ javi̍ṣṭha̱ṃ tanme̱ mana̍: śi̱vasa̍ṅkalpamastu
Mantra 7 {#mantra-7}
Section titled “Mantra 7 {#mantra-7}”Adhyāya: 34 | Mantra: 7
pi̱tuṃ nu sto̍ṣaṃ ma̱ho dha̱rmāṇa̱ṃ tavi̍ṣīm | yasya̍ tri̱to vyoja̍sā vṛ̱traṃ vipa̍rvama̱rdaya̍t
Mantra 8 {#mantra-8}
Section titled “Mantra 8 {#mantra-8}”Adhyāya: 34 | Mantra: 8
anvida̍numate̱ tvaṃ manyā̍sai̱ śaṃ ca̍ naskṛdhi | kratve̱ dakṣā̍ya no hinu̱ pra ṇa̱ āyūṣi tāriṣaḥ
Mantra 9 {#mantra-9}
Section titled “Mantra 9 {#mantra-9}”Adhyāya: 34 | Mantra: 9
anu̍ no̱’dyānu̍matirya̱jñaṃ de̱veṣu̍ manyatām | a̱gniśca̍ havya̱vāha̍no̱ bhava̍taṃ dā̱śuṣe̱ maya̍:
Mantra 10 {#mantra-10}
Section titled “Mantra 10 {#mantra-10}”Adhyāya: 34 | Mantra: 10
sinī̍vāli̱ pṛthu̍ṣṭuke̱ yā de̱vānā̱masi̱ svasā̍ | ju̱ṣasva̍ ha̱vyamāhu̍taṃ pra̱jāṃ de̍vi didiḍḍhi naḥ
Mantra 11 {#mantra-11}
Section titled “Mantra 11 {#mantra-11}”Adhyāya: 34 | Mantra: 11
pañca̍ na̱dyaḥ sara̍svatī̱mapi̍ yanti̱ sasro̍tasaḥ | sara̍svatī̱ tu pa̍ñca̱dhā so de̱śe’bha̍vatsa̱rit
Mantra 12 {#mantra-12}
Section titled “Mantra 12 {#mantra-12}”Adhyāya: 34 | Mantra: 12
tvama̍gne pratha̱mo aṅgi̍rā̱ ṛṣi̍rde̱vo de̱vānā̍mabhavaḥ śi̱vaḥ sakhā̍ | tava̍ vra̱te ka̱vayo̍ vidma̱nāpa̱so’jā̍yanta ma̱ruto̱ bhrāja̍dṛṣṭayaḥ
Mantra 13 {#mantra-13}
Section titled “Mantra 13 {#mantra-13}”Adhyāya: 34 | Mantra: 13
tvaṃ no̍ agne̱ tava̍ deva pā̱yubhi̍rma̱ghono̍ rakṣa ta̱nva̱śca vandya | trā̱tā to̱kasya̱ tana̍ye̱ gavā̍ma̱syani̍meṣa rakṣa̍māṇa̱stava̍ vra̱te
Mantra 14 {#mantra-14}
Section titled “Mantra 14 {#mantra-14}”Adhyāya: 34 | Mantra: 14
u̱ttā̱nāyā̱mava̍ bharā ciki̱tvāntsa̱dyaḥ pravī̍tā̱ vṛṣa̍ṇaṃ jajāna | a̱ru̱ṣastū̍po̱ ruśa̍dasya̱ pāja̱ iḍā̍yāspu̱tro va̱yune̍’janiṣṭa
Mantra 15 {#mantra-15}
Section titled “Mantra 15 {#mantra-15}”Adhyāya: 34 | Mantra: 15
iḍā̍yāstvā pa̱de va̱yaṃ nābhā̍ pṛthi̱vyā adhi̍ | jāta̍vedo̱ nidhī̍ma̱hyagne̍ ha̱vyāya̱ voḍha̍ve
Mantra 16 {#mantra-16}
Section titled “Mantra 16 {#mantra-16}”Adhyāya: 34 | Mantra: 16
pra ma̍nmahe śavasā̱nāya̍ śū̱ṣamā̍ṅgū̱ṣaṃ girva̍ṇase aṅgira̱svat | su̱vṛ̱ktibhi̍ stuva̱ta ṛ̍gmi̱yāyārcā̍mā̱rkaṃ nare̱ viśru̍tāya
Mantra 17 {#mantra-17}
Section titled “Mantra 17 {#mantra-17}”Adhyāya: 34 | Mantra: 17
pra vo̍ ma̱he mahi̱ namo̍ bharadhvamāṅgū̱ṣya śavasā̱nāya̱ sāma̍ | yenā̍ na̱: pūrve̍ pi̱tara̍: pada̱jñā arca̍nto̱ aṅgi̍raso̱ gā avi̍ndan
Mantra 18 {#mantra-18}
Section titled “Mantra 18 {#mantra-18}”Adhyāya: 34 | Mantra: 18
i̱cchanti̍ tvā so̱myāsa̱: sakhā̍yaḥ su̱nvanti̱ soma̱ṃ dadha̍ti̱ prayāsi | titi̍kṣante a̱bhiśa̍sti̱ṃ janā̍nā̱mindra̱ tvadā kaśca̱na hi pra̍ke̱taḥ
Mantra 19 {#mantra-19}
Section titled “Mantra 19 {#mantra-19}”Adhyāya: 34 | Mantra: 19
na te̍ dū̱re pa̍ra̱mā ci̱drajāsyā tu pra yā̍hi harivo̱ hari̍bhyām | sthi̱rāya̱ vṛṣṇe̱ sava̍nā kṛ̱temā yu̱ktā grāvā̍ṇaḥ samidhā̱ne agnau
Mantra 20 {#mantra-20}
Section titled “Mantra 20 {#mantra-20}”Adhyāya: 34 | Mantra: 20
aṣā̍ḍhaṃ yu̱tsu pṛta̍nāsu̱ papri sva̱rṣāma̱psāṃ vṛ̱jana̍sya go̱pām | bha̱re̱ṣu̱jā su̍kṣi̱ti su̱śrava̍sa̱ṃ jaya̍nta̱ṃ tvāmanu̍ madema soma
Mantra 21 {#mantra-21}
Section titled “Mantra 21 {#mantra-21}”Adhyāya: 34 | Mantra: 21
somo̍ dhe̱nu somo̱ arva̍ntamā̱śu somo̍ vī̱raṃ ka̍rma̱ṇya̱ṃ dadāti | sā̱da̱nya̱ṃ vida̱thya sa̱bheya̍ṃ pitṛ̱śrava̍ṇa̱ṃ yo dadā̍śadasmai
Mantra 22 {#mantra-22}
Section titled “Mantra 22 {#mantra-22}”Adhyāya: 34 | Mantra: 22
tvami̱mā oṣa̍dhīḥ soma̱ viśvā̱stvama̱po a̍janaya̱stvaṃ gāḥ | tvamā ta̍tantho̱rvantari̍kṣa̱ṃ tvaṃ jyoti̍ṣā̱ vi tamo̍ vavartha
Mantra 23 {#mantra-23}
Section titled “Mantra 23 {#mantra-23}”Adhyāya: 34 | Mantra: 23
de̱vena̍ no̱ mana̍sā deva soma rā̱yo bhā̱ga sa̍hasāvanna̱bhi yu̍dhya | mā tvā ta̍na̱dīśi̍ṣe vī̱rya̱syo̱bhaye̍bhya̱: praci̍kitsā̱ gavi̍ṣṭau
Mantra 24 {#mantra-24}
Section titled “Mantra 24 {#mantra-24}”Adhyāya: 34 | Mantra: 24
aṣṭau̱ vya̍khyat ka̱kubha̍: pṛthi̱vyāstrī dhanva̱ yoja̍nā sa̱pta sindhū̍n | hi̱ra̱ṇyā̱kṣaḥ sa̍vi̱tā de̱va āgā̱ddadha̱dratnā̍ dā̱śuṣe̱ vāryā̍ṇi
Mantra 25 {#mantra-25}
Section titled “Mantra 25 {#mantra-25}”Adhyāya: 34 | Mantra: 25
hira̍ṇyapāṇiḥ savi̱tā vica̍rṣaṇiru̱bhe dyāvā̍pṛthi̱vī a̱ntarī̍yate | apāmī̍vā̱ṃ bādha̍te̱ veti̱ sūrya̍ma̱bhi kṛ̱ṣṇena̱ raja̍sā̱ dyāmṛ̍ṇoti
Mantra 26 {#mantra-26}
Section titled “Mantra 26 {#mantra-26}”Adhyāya: 34 | Mantra: 26
hira̍ṇyahasto̱ asu̍raḥ sunī̱thaḥ su̍mṛḍī̱kaḥ svavā̍m̐ yātva̱rvāṅ | a̱pa̱sedha̍n ra̱kṣaso̍ yātu̱dhānā̱nasthā̍dde̱vaḥ pra̍tido̱ṣaṃ gṛ̍ṇā̱naḥ
Mantra 27 {#mantra-27}
Section titled “Mantra 27 {#mantra-27}”Adhyāya: 34 | Mantra: 27
ye te̱ panthā̍: savitaḥ pū̱rvyāso̍’re̱ṇava̱: sukṛ̍tā a̱ntari̍kṣe | tebhi̍rno a̱dya pa̱thibhi̍: su̱gebhī̱ rakṣā̍ ca no̱ adhi̍ ca brūhi deva
Mantra 28 {#mantra-28}
Section titled “Mantra 28 {#mantra-28}”Adhyāya: 34 | Mantra: 28
u̱bhā pi̍batamaśvino̱bhā na̱: śarma̍ yacchatam | a̱vi̱dri̱yābhi̍rū̱tibhi̍:
Mantra 29 {#mantra-29}
Section titled “Mantra 29 {#mantra-29}”Adhyāya: 34 | Mantra: 29
apna̍svatīmaśvinā̱ vāca̍ma̱sme kṛ̱taṃ no̍ dasrā̱ vṛṣaṇā manī̱ṣām | a̱dyū̱tye’va̍se̱ ni hva̍ye vāṃ vṛ̱dhe ca̍ no bhavata̱ṃ vāja̍sātau
Mantra 30 {#mantra-30}
Section titled “Mantra 30 {#mantra-30}”Adhyāya: 34 | Mantra: 30
dyubhi̍ra̱ktubhi̱: pari̍ pātama̱smānari̍ṣṭebhiraśvinā̱ saubha̍gebhiḥ | tanno̍ mi̱tro varu̍ṇo māmahantā̱madi̍ti̱: sindhu̍: pṛthi̱vī u̱ta dyau:
Mantra 31 {#mantra-31}
Section titled “Mantra 31 {#mantra-31}”Adhyāya: 34 | Mantra: 31
ā kṛ̱ṣṇena̱ raja̍sā̱ varta̍māno nive̱śaya̍nna̱mṛta̱ṃ martya̍ṃ ca | hi̱ra̱ṇyaye̍na savi̱tā rathe̱nā de̱vo yā̍ti̱ bhuva̍nāni̱ paśya̍n
Mantra 32 {#mantra-32}
Section titled “Mantra 32 {#mantra-32}”Adhyāya: 34 | Mantra: 32
ā rā̍tri̱ pārthiva raja̍: pi̱tura̍prāyi̱ dhāma̍bhiḥ | di̱vaḥ sadāsi bṛha̱tī vi ti̍ṣṭhasa̱ ā tve̱ṣaṃ va̍rtate̱ tama̍:
Mantra 33 {#mantra-33}
Section titled “Mantra 33 {#mantra-33}”Adhyāya: 34 | Mantra: 33
uṣa̱stacci̱tramā bha̍rā̱smabhya̍ṃ vājinīvati | yena̍ to̱kaṃ ca̱ tana̍yaṃ ca̱ dhāma̍he
Mantra 34 {#mantra-34}
Section titled “Mantra 34 {#mantra-34}”Adhyāya: 34 | Mantra: 34
prā̱tara̱gniṃ prā̱tarindra havāmahe prā̱tarmi̱trāvaru̍ṇā prā̱tara̱śvinā̍ | prā̱tarbhaga̍ṃ pū̱ṣaṇa̱ṃ brahma̍ṇa̱spati̍ṃ prā̱taḥ soma̍mu̱ta ru̱dra hu̍vema
Mantra 35 {#mantra-35}
Section titled “Mantra 35 {#mantra-35}”Adhyāya: 34 | Mantra: 35
prā̱ta̱rjita̱ṃ bhaga̍mu̱gra hu̍vema va̱yaṃ pu̱tramadi̍te̱ryo vi̍dha̱rtā | ā̱dhraści̱dyaṃ manya̍mānastu̱raści̱drājā̍ ci̱dyaṃ bhaga̍ṃ bha̱kṣītyāha̍
Mantra 36 {#mantra-36}
Section titled “Mantra 36 {#mantra-36}”Adhyāya: 34 | Mantra: 36
bhaga̱ praṇe̍ta̱rbhaga̱ satya̍rādho̱ bhage̱māṃ dhiya̱muda̍vā̱ dada̍nnaḥ | bhaga̱ pra no̍ janaya̱ gobhi̱raśvai̱rbhaga̱ pra nṛbhi̍rnṛ̱vanta̍: syāma
Mantra 37 {#mantra-37}
Section titled “Mantra 37 {#mantra-37}”Adhyāya: 34 | Mantra: 37
u̱tedānī̱ṃ bhaga̍vantaḥ syāmo̱ta pra̍pi̱tva u̱ta madhye̱ ahnā̍m | u̱todi̍tā maghava̱ntsūrya̍sya va̱yaṃ de̱vānā suma̱tau syā̍ma
Mantra 38 {#mantra-38}
Section titled “Mantra 38 {#mantra-38}”Adhyāya: 34 | Mantra: 38
bhaga̍ e̱va bhaga̍vām̐2 astu devā̱stena̍ va̱yaṃ bhaga̍vantaḥ syāma | taṃ tvā̍ bhaga̱ sarva̱ ijjo̍havīti̱ sa no̍ bhaga pura e̱tā bha̍ve̱ha
Mantra 39 {#mantra-39}
Section titled “Mantra 39 {#mantra-39}”Adhyāya: 34 | Mantra: 39
sama̍dhva̱rāyo̱ṣaso̍ namanta dadhi̱krāve̍va̱ śuca̍ye pa̱dāya̍ | a̱rvā̱cī̱naṃ va̍su̱vida̱ṃ bhaga̍ṃ no̱ ratha̍mi̱vāśvā̍ vā̱jina̱ ā va̍hantu
Mantra 40 {#mantra-40}
Section titled “Mantra 40 {#mantra-40}”Adhyāya: 34 | Mantra: 40
aśvā̍vatī̱rgoma̍tīrna u̱ṣāso̍ vī̱rava̍tī̱: sada̍mucchantu bha̱drāḥ | ghṛ̱taṃ duhā̍nā vi̱śvata̱: prapī̍tā yū̱yaṃ pā̍ta sva̱stibhi̱: sadā̍ naḥ
Mantra 41 {#mantra-41}
Section titled “Mantra 41 {#mantra-41}”Adhyāya: 34 | Mantra: 41
pūṣa̱n tava̍ vra̱te va̱yaṃ na ri̍ṣyema̱ kadā̍ ca̱na | sto̱tāra̍sta i̱ha sma̍si
Mantra 42 {#mantra-42}
Section titled “Mantra 42 {#mantra-42}”Adhyāya: 34 | Mantra: 42
pa̱thaspa̍tha̱: pari̍patiṃ vaca̱syā kāme̍na kṛ̱to a̱bhyā̱naḍa̱rkam | sa no̍ rāsacchu̱rudha̍śca̱ndrāgrā̱ dhiya̍ṃ – dhiya sīṣadhāti̱ pra pū̱ṣā
Mantra 43 {#mantra-43}
Section titled “Mantra 43 {#mantra-43}”Adhyāya: 34 | Mantra: 43
trīṇi̍ pa̱dā vi ca̍krame̱ viṣṇu̍rgo̱pā adā̍bhyaḥ | ato̱ dharmā̍ṇi dhā̱raya̍n
Mantra 44 {#mantra-44}
Section titled “Mantra 44 {#mantra-44}”Adhyāya: 34 | Mantra: 44
tadviprā̍so vipa̱nyavo̍ jāgṛ̱vāsa̱: sami̍ndhate | viṣṇo̱ryatpa̍ra̱maṃ pa̱dam
Mantra 45 {#mantra-45}
Section titled “Mantra 45 {#mantra-45}”Adhyāya: 34 | Mantra: 45
ghṛ̱tava̍tī̱ bhuva̍nānāmabhi̱śriyo̱rvī pṛ̱thvī ma̍dhu̱dughe̍ su̱peśa̍sā | dyāvā̍pṛthi̱vī varu̍ṇasya̱ dharma̍ṇā̱ viṣka̍bhite a̱jare̱ bhūri̍retasā
Mantra 46 {#mantra-46}
Section titled “Mantra 46 {#mantra-46}”Adhyāya: 34 | Mantra: 46
ye na̍: sa̱patnā̱ apa̱ te bha̍vantvindrā̱gnibhyā̱mava̍ bādhāmahe̱ tān | vasa̍vo ru̱drā ā̍di̱tyā u̍pari̱spṛśa̍ṃ mo̱graṃ cettā̍ramadhirā̱jama̍kran
Mantra 47 {#mantra-47}
Section titled “Mantra 47 {#mantra-47}”Adhyāya: 34 | Mantra: 47
ā nā̍satyā tri̱bhire̍kāda̱śairi̱ha de̱vebhi̍ryātaṃ madhu̱peya̍maśvinā | prāyu̱stāri̍ṣṭa̱ṃ nī rapāsi mṛkṣata sedha̍ta̱ṃ dveṣo̱ bhava̍ta sacā̱bhuvā̍
Mantra 48 {#mantra-48}
Section titled “Mantra 48 {#mantra-48}”Adhyāya: 34 | Mantra: 48
e̱ṣa va̱ stomo̍ maruta i̱yaṃ gīrmā̍ndā̱ryasya̍ mā̱nyasya̍ kā̱roḥ | eṣā yā̍sīṣṭa ta̱nve̱ va̱yāṃ vi̱dyāme̱ṣaṃ vṛ̱jana̍ṃ jī̱radā̍num
Mantra 49 {#mantra-49}
Section titled “Mantra 49 {#mantra-49}”Adhyāya: 34 | Mantra: 49
sa̱hasto̍māḥ sa̱haccha̍ndasa ā̱vṛta̍: sa̱hapra̍mā̱ ṛṣa̍yaḥ sa̱pta dai̍vyāḥ | pūrve̍ṣā̱ṃ panthā̍manu̱dṛśya̱ dhīrā̍ a̱nvāle̍bhire ra̱thyo na ra̱śmīn
Mantra 50 {#mantra-50}
Section titled “Mantra 50 {#mantra-50}”Adhyāya: 34 | Mantra: 50
ā̱yu̱ṣya̱ṃ varca̱sya rā̱yaspoṣa̱maudbhi̍dam | i̱da hira̍ṇya̱ṃ varca̍sva̱jjaitrā̱yāvi̍śatādu̱ mām
Mantra 51 {#mantra-51}
Section titled “Mantra 51 {#mantra-51}”Adhyāya: 34 | Mantra: 51
na tadrakṣāsi̱ na pi̍śā̱cāsta̍ranti de̱vānā̱moja̍: prathama̱ja hye̱tat | yo bi̱bharti̍ dākṣāya̱ṇa hira̍ṇya sa de̱veṣu̍ kṛṇute dī̱rghamāyu̱: sa ma̍nu̱ṣye̱ṣu kṛṇute dī̱rghamāyu̍:
Mantra 52 {#mantra-52}
Section titled “Mantra 52 {#mantra-52}”Adhyāya: 34 | Mantra: 52
yadāba̍dhnan dākṣāya̱ṇā hira̍ṇya śa̱tānī̍kāya sumana̱syamā̍nāḥ | tanma̱ ā ba̍dhnāmi śa̱taśā̍radā̱yāyu̍ṣmāñja̱rada̍ṣṭi̱ryathāsa̍m
Mantra 53 {#mantra-53}
Section titled “Mantra 53 {#mantra-53}”Adhyāya: 34 | Mantra: 53
u̱ta no’hi̍rbu̱dhnya̱: śṛṇotva̱ja eka̍pātpṛthi̱vī sa̍mu̱draḥ | viśve̍ de̱vā ṛ̍tā̱vṛdho̍ huvā̱nā stu̱tā mantrā̍: kaviśa̱stā a̍vantu
Mantra 54 {#mantra-54}
Section titled “Mantra 54 {#mantra-54}”Adhyāya: 34 | Mantra: 54
i̱mā gira̍ ādi̱tyebhyo̍ ghṛ̱tasnū̍: sa̱nādrāja̍bhyo ju̱hvā̱ juhomi | śṛ̱ṇotu̍ mi̱tro a̍rya̱mā bhago̍ nastuvijā̱to varu̍ṇo̱ dakṣo̱ aśa̍:
Mantra 55 {#mantra-55}
Section titled “Mantra 55 {#mantra-55}”Adhyāya: 34 | Mantra: 55
sa̱pta ṛṣa̍ya̱: prati̍hitā̱: śarī̍re sa̱pta ra̍kṣanti̱ sada̱mapra̍mādam | sa̱ptāpa̱: svapa̍to lo̱kamī̍yu̱statra̍ jāgṛto̱ asva̍pnajau satra̱sadau̍ ca de̱vau
Mantra 56 {#mantra-56}
Section titled “Mantra 56 {#mantra-56}”Adhyāya: 34 | Mantra: 56
utti̍ṣṭha brahmaṇaspate deva̱yanta̍stvemahe | upa̱ pra ya̍ntu ma̱ruta̍: su̱dāna̍va̱ indra̍ prā̱śūrbha̍vā̱ sacā̍
Mantra 57 {#mantra-57}
Section titled “Mantra 57 {#mantra-57}”Adhyāya: 34 | Mantra: 57
pra nū̱naṃ brahma̍ṇa̱spati̱rmantra̍ṃ vadatyu̱kthya̱m | yasmi̱nnindro̱ varu̍ṇo mi̱tro a̍rya̱mā de̱vā okāsi cakri̱re
Mantra 58 {#mantra-58}
Section titled “Mantra 58 {#mantra-58}”Adhyāya: 34 | Mantra: 58
brahma̍ṇaspate̱ tvama̱sya ya̱ntā sū̱ktasya̍ bodhi̱ tana̍yaṃ ca jinva | viśva̱ṃ tadbha̱draṃ yadava̍nti de̱vā bṛ̱hadva̍dema vi̱dathe̍ su̱vīrā̍: || ya i̱mā viśvā̍ vi̱śvaka̍rmā̱ yo na̍: pi̱tā ‘nna̍pa̱te’nna̍sya no dehi