Vājasaneyi Madhyandina Saṃhitā — Chapter 19 (95 mantras)
Vājasaneyi Madhyandina Saṃhitā — Chapter 19
Section titled “Vājasaneyi Madhyandina Saṃhitā — Chapter 19”svā̱dvīṃ tvā̍ svā̱dunā̍ tī̱vrāṃ tī̱vreṇā̱mṛtā̍ma̱mṛte̍na | madhu̍matī̱ṃ madhu̍matā sṛ̱jāmi̱ sa some̍na |
Mantras
Section titled “Mantras”Mantra 1 {#mantra-1}
Section titled “Mantra 1 {#mantra-1}”Adhyāya: 19 | Mantra: 1
somo̍’sya̱śvibhyā̍ṃ pacyasva̱ sara̍svatyai pacya̱svendrā̍ya su̱trāmṇe̍ pacyasva
Mantra 2 {#mantra-2}
Section titled “Mantra 2 {#mantra-2}”Adhyāya: 19 | Mantra: 2
parī̱to ṣi̍ñca̱tā su̱ta somo̱ ya u̍tta̱ma ha̱viḥ | da̱dha̱nvā yo naryo̍ a̱psvantarā su̱ṣāva̱ soma̱madri̍bhiḥ
Mantra 3 {#mantra-3}
Section titled “Mantra 3 {#mantra-3}”Adhyāya: 19 | Mantra: 3
vā̱yoḥ pū̱taḥ pa̱vitre̍ṇa pra̱tyaṅksomo̱ ati̍drutaḥ | indra̍sya̱ yujya̱: sakhā̍
Mantra 4 {#mantra-4}
Section titled “Mantra 4 {#mantra-4}”Adhyāya: 19 | Mantra: 4
pu̱nāti̍ te pari̱sruta soma sūrya̍sya duhi̱tā | vāre̍ṇa̱ śaśva̍tā̱ tanā̍
Mantra 5 {#mantra-5}
Section titled “Mantra 5 {#mantra-5}”Adhyāya: 19 | Mantra: 5
brahma̍ kṣa̱traṃ pa̍vate̱ teja̍ indri̱ya sura̍yā̱ soma̍: su̱ta āsu̍to̱ madā̍ya | śu̱kreṇa̍ deva de̱vatā̍: pipṛgdhi̱ rase̱nānna̱ṃ yaja̍mānāya dhehi
Mantra 6 {#mantra-6}
Section titled “Mantra 6 {#mantra-6}”Adhyāya: 19 | Mantra: 6
ku̱vida̱ṅga yava̍manto̱ yava̍ṃ ci̱dyathā̱ dāntya̍nupū̱rvaṃ vi̱yūya̍ | i̱hehai̍ṣāṃ kṛṇuhi̱ bhoja̍nāni̱ ye ba̱rhiṣo̱ nama̍ ukti̱ṃ yaja̍nti | u̱pa̱yā̱magṛ̍hīto’sya̱śvibhyā̍ṃ tvā̱ sara̍svatyai̱ tvendrā̍ya tvā su̱trāmṇa̍ e̱ṣa te̱ yoni̱steja̍se tvā vī̱ryā̱ya tvā̱ balā̍ya tvā
Mantra 7 {#mantra-7}
Section titled “Mantra 7 {#mantra-7}”Adhyāya: 19 | Mantra: 7
nānā̱ hi vā̍ṃ de̱vahi̍ta sada̍skṛ̱taṃ mā sa sṛ̍kṣāthāṃ para̱me vyo̍man | surā̱ tvamasi̍ śu̱ṣmiṇī̱ soma̍ e̱ṣa mā mā̍ hisī̱: svāṃ yoni̍māvi̱śantī̍
Mantra 8 {#mantra-8}
Section titled “Mantra 8 {#mantra-8}”Adhyāya: 19 | Mantra: 8
u̱pa̱yā̱magṛ̍hīto̱’syāśvi̍na̱ṃ teja̍: sārasva̱taṃ vī̱rya̱mai̱ndraṃ bala̍m | e̱ṣa te̱ yoni̱rmodā̍ya tvā ”na̱ndāya̍ tvā̱ maha̍se tvā
Mantra 9 {#mantra-9}
Section titled “Mantra 9 {#mantra-9}”Adhyāya: 19 | Mantra: 9
tejo̍’si̱ tejo̱ mayi̍ dhehi vī̱rya̱masi vī̱ryaṃ mayi̍ dhehi bala̍masi̱ bala̱ṃ mayi̍ dhe̱hyojo̱’syojo̱ mayi̍ dhehi ma̱nyura̍si ma̱nyuṃ mayi̍ dhehi̱ saho̍’si̱ saho̱ mayi̍ dhehi
Mantra 10 {#mantra-10}
Section titled “Mantra 10 {#mantra-10}”Adhyāya: 19 | Mantra: 10
yā vyā̱ghraṃ viṣū̍cikobhau̱ vṛka̍ṃ ca̱ rakṣa̍ti | śye̱naṃ pa̍ta̱triṇa siha semaṃ pā̱tvaha̍saḥ
Mantra 11 {#mantra-11}
Section titled “Mantra 11 {#mantra-11}”Adhyāya: 19 | Mantra: 11
yadā̍pi̱peṣa̍ mā̱tara̍ṃ pu̱traḥ pramu̍dito̱ dhaya̍n | e̱tattada̍gne anṛ̱ṇo bha̍vā̱myaha̍tau pi̱tarau̱ mayā̍ | sa̱mpṛca̍ stha̱ saṃ mā̍ bha̱dreṇa̍ pṛṅkta vi̱pṛca̍ stha̱ vi mā̍ pā̱pmanā̍ pṛṅkta
Mantra 12 {#mantra-12}
Section titled “Mantra 12 {#mantra-12}”Adhyāya: 19 | Mantra: 12
de̱vā ya̱jñama̍tanvata bheṣa̱jaṃ bhi̱ṣajā̱’śvinā̍ | vā̱cā sara̍svatī bhi̱ṣagindrā̍yendri̱yāṇi̱ dadha̍taḥ
Mantra 13 {#mantra-13}
Section titled “Mantra 13 {#mantra-13}”Adhyāya: 19 | Mantra: 13
dī̱kṣāyai̍ rū̱pa śaṣpā̍ṇi prāya̱ṇīya̍sya̱ tokmā̍ni | kra̱yasya̍ rū̱pa soma̍sya lā̱jāḥ so̍māśavo̱ madhu̍
Mantra 14 {#mantra-14}
Section titled “Mantra 14 {#mantra-14}”Adhyāya: 19 | Mantra: 14
ā̱ti̱thya̱rū̱paṃ māsa̍raṃ mahāvī̱rasya̍ na̱gnahu̍: | rū̱pamu̍pa̱sadā̍me̱tatti̱sro rātrī̱: surā”su̍tā
Mantra 15 {#mantra-15}
Section titled “Mantra 15 {#mantra-15}”Adhyāya: 19 | Mantra: 15
soma̍sya rū̱paṃ krī̱tasya̍ pari̱srutpari̍ ṣicyate | a̱śvibhyā̍ṃ du̱gdhaṃ bhe̍ṣa̱jamindrā̍yai̱ndra sara̍svatyā
Mantra 16 {#mantra-16}
Section titled “Mantra 16 {#mantra-16}”Adhyāya: 19 | Mantra: 16
ā̱sa̱ndī rū̱pa rā̍jāsandyai̱ vedyai̍ ku̱mbhī su̍rā̱dhānī̍ | anta̍ra uttarave̱dyā rū̱paṃ kā̍rota̱ro bhi̱ṣak
Mantra 17 {#mantra-17}
Section titled “Mantra 17 {#mantra-17}”Adhyāya: 19 | Mantra: 17
vedyā̱ vedi̱: samā̍pyate ba̱rhiṣā̍ ba̱rhiri̍ndri̱yam | yūpe̍na̱ yūpa̍ āpyate̱ praṇī̍to a̱gnira̱gninā̍
Mantra 18 {#mantra-18}
Section titled “Mantra 18 {#mantra-18}”Adhyāya: 19 | Mantra: 18
ha̱vi̱rdhāna̱ṃ yada̱śvinā”gnī̍dhra̱ṃ yatsara̍svatī | indrā̍yai̱ndra sada̍skṛ̱taṃ pa̍tnī̱śāla̱ṃ gārha̍patyaḥ
Mantra 19 {#mantra-19}
Section titled “Mantra 19 {#mantra-19}”Adhyāya: 19 | Mantra: 19
prai̱ṣebhi̍: prai̱ṣānā̍pnotyā̱prībhi̍rā̱prīrya̱jñasya̍ | pra̱yā̱jebhi̍ranuyā̱jān va̍ṣaṭkā̱rebhi̱rāhu̍tīḥ
Mantra 20 {#mantra-20}
Section titled “Mantra 20 {#mantra-20}”Adhyāya: 19 | Mantra: 20
pa̱śubhi̍: pa̱śūnā̍pnoti puro̱ḍāśai̍rha̱vīṣyā | chando̍bhiḥ sāmidhe̱nīryā̱jyā̱bhirvaṣaṭkā̱rān
Mantra 21 {#mantra-21}
Section titled “Mantra 21 {#mantra-21}”Adhyāya: 19 | Mantra: 21
dhā̱nāḥ ka̍ra̱mbhaḥ sakta̍vaḥ parīvā̱paḥ payo̱ dadhi̍ | soma̍sya rū̱pa ha̱viṣa̍ ā̱mikṣā̱ vāji̍na̱ṃ madhu̍
Mantra 22 {#mantra-22}
Section titled “Mantra 22 {#mantra-22}”Adhyāya: 19 | Mantra: 22
dhā̱nānā rū̱paṃ kuva̍laṃ parīvā̱pasya̍ go̱dhūmā̍: | saktū̍nā rū̱paṃ bada̍ramupa̱vākā̍: kara̱mbhasya̍
Mantra 23 {#mantra-23}
Section titled “Mantra 23 {#mantra-23}”Adhyāya: 19 | Mantra: 23
paya̍so rū̱paṃ yadyavā̍ da̱dhno rū̱paṃ ka̱rkandhū̍ni | soma̍sya rū̱paṃ vāji̍na sau̱myasya̍ rū̱pamā̱mikṣā̍
Mantra 24 {#mantra-24}
Section titled “Mantra 24 {#mantra-24}”Adhyāya: 19 | Mantra: 24
ā śrā̍va̱yeti̍ sto̱triyā̍: pratyāśrā̱vo anu̍rūpaḥ | yajeti̍ dhāyyārū̱paṃ pra̍gā̱thā ye̍yajāma̱hāḥ
Mantra 25 {#mantra-25}
Section titled “Mantra 25 {#mantra-25}”Adhyāya: 19 | Mantra: 25
a̱rdha̱ – ṛ̱cairu̱kthānā rū̱paṃ pa̱dairā̍pnoti ni̱vida̍: | pra̱ṇa̱vai: śa̱strāṇā rū̱paṃ paya̍sā̱ soma̍ āpyate
Mantra 26 {#mantra-26}
Section titled “Mantra 26 {#mantra-26}”Adhyāya: 19 | Mantra: 26
a̱śvibhyā̍ṃ prātaḥ sava̱namindre̍ṇai̱ndraṃ mādhya̍ṃndinam | vai̱śva̱de̱va sara̍svatyā tṛ̱tīya̍mā̱pta sava̍nam
Mantra 27 {#mantra-27}
Section titled “Mantra 27 {#mantra-27}”Adhyāya: 19 | Mantra: 27
vā̱ya̱vyai̱rvāya̱vyā̱nyāpnoti̱ sate̍na droṇakala̱śam | ku̱mbhībhyā̍mambhṛ̱ṇau su̱te sthā̱lībhi̍ sthā̱līrā̍pnoti
Mantra 28 {#mantra-28}
Section titled “Mantra 28 {#mantra-28}”Adhyāya: 19 | Mantra: 28
yaju̍rbhirāpyante̱ grahā̱ grahai̱ stomā̍śca̱ viṣṭu̍tīḥ | chando̍bhirukthāśa̱strāṇi̱ sāmnā̍vabhṛ̱tha ā̍pyate
Mantra 29 {#mantra-29}
Section titled “Mantra 29 {#mantra-29}”Adhyāya: 19 | Mantra: 29
iḍā̍bhirbha̱kṣānā̍pnoti sūktavā̱kenā̱śiṣa̍: | śa̱ṃyunā̍ patnīsaṃyā̱jāntsa̍miṣṭaya̱juṣā̍ sasthām
Mantra 30 {#mantra-30}
Section titled “Mantra 30 {#mantra-30}”Adhyāya: 19 | Mantra: 30
vra̱tena̍ dī̱kṣāmā̍pnoti dī̱kṣayā̍”pnoti̱ dakṣi̍ṇām | dakṣi̍ṇā śra̱ddhāmā̍pnoti śra̱ddhayā̍ sa̱tyamā̍pyate
Mantra 31 {#mantra-31}
Section titled “Mantra 31 {#mantra-31}”Adhyāya: 19 | Mantra: 31
e̱tāva̍drū̱paṃ ya̱jñasya̱ yadde̱vairbrahma̍ṇā kṛ̱tam | tade̱tatsarva̍māpnoti ya̱jñe sau̍trāma̱ṇī su̱te
Mantra 32 {#mantra-32}
Section titled “Mantra 32 {#mantra-32}”Adhyāya: 19 | Mantra: 32
surā̍vantaṃ barhi̱ṣada su̱vīra̍ṃ ya̱jña hi̍nvanti mahi̱ṣā namo̍bhiḥ | dadhā̍nā̱: soma̍ṃ di̱vi de̱vatā̍su̱ made̱mendra̱m̐ yaja̍mānāḥ sva̱rkāḥ
Mantra 33 {#mantra-33}
Section titled “Mantra 33 {#mantra-33}”Adhyāya: 19 | Mantra: 33
yaste̱ rasa̱: sambhṛ̍ta̱ oṣa̍dhīṣu̱ soma̍sya̱ śuṣma̱: sura̍yā su̱tasya̍ | tena̍ jinva̱ yaja̍māna̱ṃ made̍na̱ sara̍svatīma̱śvinā̱vindra̍ma̱gnim
Mantra 34 {#mantra-34}
Section titled “Mantra 34 {#mantra-34}”Adhyāya: 19 | Mantra: 34
yama̱śvinā̱ namu̍cerāsu̱rādadhi̱ sara̍sva̱tyasu̍nodindri̱yāya̍ | i̱maṃ ta śu̱kraṃ madhu̍manta̱mindu soma rājā̍nami̱ha bha̍kṣayāmi
Mantra 35 {#mantra-35}
Section titled “Mantra 35 {#mantra-35}”Adhyāya: 19 | Mantra: 35
yadatra̍ ri̱pta ra̱sina̍: su̱tasya̱ yadindro̱ api̍ba̱cchacī̍bhiḥ | a̱haṃ tada̍sya̱ mana̍sā śi̱vena̱ soma rājā̍nami̱ha bha̍kṣayāmi
Mantra 36 {#mantra-36}
Section titled “Mantra 36 {#mantra-36}”Adhyāya: 19 | Mantra: 36
pi̱tṛbhya̍: svadhā̱yibhya̍: sva̱dhā nama̍: pitāma̱hebhya̍: svadhā̱yibhya̍: sva̱dhā nama̱: prapi̍tāmahebhyaḥ svadhā̱yibhya̍: sva̱dhā nama̍: | akṣa̍n pi̱taro ‘mī̍madanta pi̱taro ‘tī̍tṛpanta pi̱tara̱: pita̍ra̱: śundha̍dhvam
Mantra 37 {#mantra-37}
Section titled “Mantra 37 {#mantra-37}”Adhyāya: 19 | Mantra: 37
pu̱nantu̍ mā pi̱tara̍: so̱myāsa̍: pu̱nantu̍ mā pitāma̱hāḥ pu̱nantu̱ prapi̍tāmahāḥ | pa̱vitre̍ṇa śa̱tāyu̍ṣā | pu̱nantu̍ mā pitāma̱hāḥ pu̱nantu̱ prapi̍tāmahāḥ | pa̱vitre̍ṇa śa̱tāyu̍ṣā̱ viśva̱māyu̱rvya̱śnavai
Mantra 38 {#mantra-38}
Section titled “Mantra 38 {#mantra-38}”Adhyāya: 19 | Mantra: 38
agna̱ āyū̍ ṣi pavasa̱ ā su̱vorja̱miṣa̍ṃ ca naḥ | ā̱re bā̍dhasva du̱cchunā̍m
Mantra 39 {#mantra-39}
Section titled “Mantra 39 {#mantra-39}”Adhyāya: 19 | Mantra: 39
pu̱nantu̍ mā devaja̱nā̍: pu̱nantu̱ mana̍sā̱ dhiya̍: | pu̱nantu̱ viśvā̍ bhū̱tāni̱ jāta̍vedaḥ punī̱hi mā̍
Mantra 40 {#mantra-40}
Section titled “Mantra 40 {#mantra-40}”Adhyāya: 19 | Mantra: 40
pa̱vitre̍ṇa punīhi mā śu̱kreṇa̍ deva̱ dīdya̍t | agne̱ kratvā̱ kratū̱m̐1 ranu̍
Mantra 41 {#mantra-41}
Section titled “Mantra 41 {#mantra-41}”Adhyāya: 19 | Mantra: 41
yatte̍ pa̱vitra̍ma̱rciṣyagne̱ vita̍tamanta̱rā | brahma̱ tena̍ punātu mā
Mantra 42 {#mantra-42}
Section titled “Mantra 42 {#mantra-42}”Adhyāya: 19 | Mantra: 42
pava̍māna̱: so a̱dya na̍: pa̱vitre̍ṇa̱ vica̍rṣaṇiḥ | yaḥ potā̱ sa pu̍nātu mā
Mantra 43 {#mantra-43}
Section titled “Mantra 43 {#mantra-43}”Adhyāya: 19 | Mantra: 43
u̱bhābhyā̍ṃ deva savitaḥ pa̱vitre̍ṇa sa̱vena̍ ca | māṃ pu̍nīhi vi̱śvata̍:
Mantra 44 {#mantra-44}
Section titled “Mantra 44 {#mantra-44}”Adhyāya: 19 | Mantra: 44
vai̱śva̱de̱vī pu̍na̱tī de̱vyāgā̱dyasyā̍mi̱mā ba̱hvya̱sta̱nvo̍ vī̱tapṛ̍ṣṭhāḥ | tayā̱ mada̍ntaḥ sadha̱māde̍ṣu va̱ya syā̍ma̱ pata̍yo rayī̱ṇām
Mantra 45 {#mantra-45}
Section titled “Mantra 45 {#mantra-45}”Adhyāya: 19 | Mantra: 45
ye sa̍mā̱nāḥ sama̍nasaḥ pi̱taro̍ yama̱rājye̍ | teṣā̍m̐llo̱kaḥ sva̱dhā namo̍ ya̱jño de̱veṣu̍ kalpatām
Mantra 46 {#mantra-46}
Section titled “Mantra 46 {#mantra-46}”Adhyāya: 19 | Mantra: 46
ye sa̍mā̱nāḥ sama̍naso jī̱vā jī̱veṣu̍ māma̱kāḥ | teṣā śrīrmayi̍ kalpatāma̱smim̐llo̱ke śa̱ta samā̍:
Mantra 47 {#mantra-47}
Section titled “Mantra 47 {#mantra-47}”Adhyāya: 19 | Mantra: 47
dve sṛ̱tī a̍śṛṇavaṃ pitṝ̱ṇāma̱haṃ de̱vānā̍mu̱ta martyā̍nām | tābhyā̍mi̱daṃ viśva̱meja̱tsame̍ti̱ yada̍nta̱rā pi̱tara̍ṃ mā̱tara̍ṃ ca
Mantra 48 {#mantra-48}
Section titled “Mantra 48 {#mantra-48}”Adhyāya: 19 | Mantra: 48
i̱da ha̱viḥ pra̱jana̍naṃ me astu̱ daśa̍vīra sarva̍gaṇa sva̱staye̍ | ā̱tma̱sani̍ prajā̱sani̍ paśu̱sani̍ loka̱sanya̍bhaya̱sani̍ | a̱gniḥ pra̱jāṃ ba̍hu̱lāṃ me̍ karo̱tvanna̱ṃ payo̱ reto̍ a̱smāsu̍ dhatta
Mantra 49 {#mantra-49}
Section titled “Mantra 49 {#mantra-49}”Adhyāya: 19 | Mantra: 49
udī̍ratā̱mava̍ra̱ utparā̍sa̱ unma̍dhya̱māḥ pi̱tara̍: so̱myāsa̍: | asu̱ṃ ya ī̱yura̍vṛ̱kā ṛ̍ta̱jñāste no̍’vantu pi̱taro̱ have̍ṣu
Mantra 50 {#mantra-50}
Section titled “Mantra 50 {#mantra-50}”Adhyāya: 19 | Mantra: 50
aṅgi̍raso naḥ pi̱taro̱ nava̍gvā̱ atha̍rvāṇo̱ bhṛga̍vaḥ so̱myāsa̍: | teṣā̍ṃ va̱ya su̍ma̱tau ya̱jñiyā̍nā̱mapi̍ bha̱dre sau̍mana̱se syā̍ma
Mantra 51 {#mantra-51}
Section titled “Mantra 51 {#mantra-51}”Adhyāya: 19 | Mantra: 51
ye na̱: pūrve̍ pi̱tara̍: so̱myāso̍’nūhi̱re so̍mapī̱thaṃ vasi̍ṣṭhāḥ | tebhi̍rya̱maḥ sa̍rarā̱ṇo ha̱vīṣyu̱śannu̱śadbhi̍: pratikā̱mama̍ttu
Mantra 52 {#mantra-52}
Section titled “Mantra 52 {#mantra-52}”Adhyāya: 19 | Mantra: 52
tva so̍ma̱ pra ci̍kito manī̱ṣā tva raji̍ṣṭha̱manu̍ neṣi̱ panthā̍m | tava̱ praṇī̍tī pi̱taro̍ na indo de̱veṣu̱ ratna̍mabhajanta̱ dhīrā̍:
Mantra 53 {#mantra-53}
Section titled “Mantra 53 {#mantra-53}”Adhyāya: 19 | Mantra: 53
tvayā̱ hi na̍: pi̱tara̍: soma̱ pūrve̱ karmā̍ṇi ca̱kruḥ pa̍vamāna̱ dhīrā̍: | va̱nvannavā̍taḥ pari̱dhīm̐1 rapo̍rṇu vī̱rebhi̱raśvai̍rma̱ghavā̍ bhavā naḥ
Mantra 54 {#mantra-54}
Section titled “Mantra 54 {#mantra-54}”Adhyāya: 19 | Mantra: 54
tva so̍ma pi̱tṛbhi̍: saṃvidā̱no’nu̱ dyāvā̍pṛthi̱vī ā ta̍tantha | tasmai̍ ta indo ha̱viṣā̍ vidhema va̱ya syā̍ma̱ pata̍yo rayī̱ṇām
Mantra 55 {#mantra-55}
Section titled “Mantra 55 {#mantra-55}”Adhyāya: 19 | Mantra: 55
barhi̍ṣadaḥ pitara ū̱tya rvāgi̱mā vo̍ ha̱vyā ca̍kṛmā ju̱ṣadhva̍m | ta ā ga̱tāva̍sā̱ śanta̍me̱nāthā̍ na̱: śaṃ yora̍ra̱po da̍dhāta
Mantra 56 {#mantra-56}
Section titled “Mantra 56 {#mantra-56}”Adhyāya: 19 | Mantra: 56
ā’haṃ pi̱tṝntsu̍vi̱datrā̍m̐2 avitsi̱ napā̍taṃ ca vi̱krama̍ṇaṃ ca̱ viṣṇo̍: | ba̱rhi̱ṣado̱ ye sva̱dhayā̍ su̱tasya̱ bhaja̍nta pi̱tvasta i̱hāga̍miṣṭhāḥ
Mantra 57 {#mantra-57}
Section titled “Mantra 57 {#mantra-57}”Adhyāya: 19 | Mantra: 57
upa̍hūtāḥ pi̱tara̍: so̱myāso̍ barhi̱ṣye̱ṣu ni̱dhiṣu̍ pri̱yeṣu̍ | ta ā ga̍mantu̱ ta i̱ha śru̍va̱ntvadhi̍ bruvantu̱ te̍’vantva̱smān
Mantra 58 {#mantra-58}
Section titled “Mantra 58 {#mantra-58}”Adhyāya: 19 | Mantra: 58
ā ya̍ntu naḥ pi̱tara̍: so̱myāso̍’gniṣvā̱ttāḥ pa̱thibhi̍rdeva̱yānai̍: | a̱smin ya̱jñe sva̱dhayā̱ mada̱nto’dhi̍ bruvantu̱ te̱’vantva̱smān
Mantra 59 {#mantra-59}
Section titled “Mantra 59 {#mantra-59}”Adhyāya: 19 | Mantra: 59
agni̍ṣvāttāḥ pitara̱ eha ga̍cchata̱ sada̍: – sadaḥ sadata supraṇītayaḥ | a̱ttā ha̱vīṣi̱ praya̍tāni ba̱rhiṣyathā̍ ra̱yi sarva̍vīraṃ dadhātana
Mantra 60 {#mantra-60}
Section titled “Mantra 60 {#mantra-60}”Adhyāya: 19 | Mantra: 60
ye a̍gniṣvā̱ttā ye ana̍gniṣvāttā̱ madhye̍ di̱vaḥ sva̱dhayā̍ mā̱daya̍nte | tebhya̍: sva̱rāḍasu̍nītime̱tāṃ ya̍thāva̱śaṃ ta̱nva̱ṃ kalpayāti
Mantra 61 {#mantra-61}
Section titled “Mantra 61 {#mantra-61}”Adhyāya: 19 | Mantra: 61
a̱gni̱ṣvā̱ttānṛ̍tu̱mato̍ havāmahe nārāśase so̍mapī̱thaṃ ya ā̱śuḥ | te no̱ viprā̍saḥ su̱havā̍ bhavantu va̱ya syā̍ma̱ pata̍yo rayī̱ṇām
Mantra 62 {#mantra-62}
Section titled “Mantra 62 {#mantra-62}”Adhyāya: 19 | Mantra: 62
ācyā̱ jānu̍ dakṣiṇa̱to ni̱ṣadye̱maṃ ya̱jñama̱bhi gṛ̍ṇīta̱ viśve̍ | mā hisiṣṭa pitara̱: kena̍ cinno̱ yadva̱ āga̍: puru̱ṣatā̱ karā̍ma
Mantra 63 {#mantra-63}
Section titled “Mantra 63 {#mantra-63}”Adhyāya: 19 | Mantra: 63
āsī̍nāso aru̱ṇīnā̍mu̱pasthe̍ ra̱yiṃ dha̍tta dā̱śuṣe̱ martyā̍ya | pu̱trebhya̍: pitara̱stasya̱ vasva̱: pra ya̍cchata̱ ta i̱horja̍ṃ dadhāta
Mantra 64 {#mantra-64}
Section titled “Mantra 64 {#mantra-64}”Adhyāya: 19 | Mantra: 64
yama̍gne kavyavāhana̱ tvaṃ ci̱nmanya̍se ra̱yim | tanno̍ gī̱rbhiḥ śra̱vāyya̍ṃ deva̱trā pa̍nayā̱ yuja̍m
Mantra 65 {#mantra-65}
Section titled “Mantra 65 {#mantra-65}”Adhyāya: 19 | Mantra: 65
yo a̱gniḥ ka̍vya̱vāha̍naḥ pi̱tṝn yakṣa̍dṛtā̱vṛdha̍: | predu̍ ha̱vyāni̍ vocati de̱vebhya̍śca pi̱tṛbhya̱ ā
Mantra 66 {#mantra-66}
Section titled “Mantra 66 {#mantra-66}”Adhyāya: 19 | Mantra: 66
tvama̍gna īḍi̱taḥ ka̍vyavāha̱nāvā̍ḍḍha̱vyāni̍ sura̱bhīṇi̍ kṛ̱tvī | prādā̍: pi̱tṛbhya̍: sva̱dhayā̱ te a̍kṣanna̱ddhi tvaṃ de̍va̱ praya̍tā ha̱vīṣi̍
Mantra 67 {#mantra-67}
Section titled “Mantra 67 {#mantra-67}”Adhyāya: 19 | Mantra: 67
ye ce̱ha pi̱taro̱ ye ca̱ neha yām̐śca̍ vi̱dma yām̐2 u̍ ca̱ na pra̍vi̱dma | tvaṃ ve̍ttha̱ yati̱ te jā̍tavedaḥ sva̱dhābhi̍rya̱jñam̐ sukṛ̍taṃ juṣasva
Mantra 68 {#mantra-68}
Section titled “Mantra 68 {#mantra-68}”Adhyāya: 19 | Mantra: 68
i̱daṃ pi̱tṛbhyo̱ namo̍ astva̱dya ye pūrvā̍so̱ ya upa̍rāsa ī̱yuḥ | ye pārthi̍ve̱ raja̱syā niṣa̍ttā̱ ye vā̍ nū̱na su̍vṛ̱janā̍su vi̱kṣu
Mantra 69 {#mantra-69}
Section titled “Mantra 69 {#mantra-69}”Adhyāya: 19 | Mantra: 69
adhā̱ yathā̍ naḥ pi̱tara̱: parā̍saḥ pra̱tnāso̍ agna ṛ̱tamā̍śuṣā̱ṇāḥ | śucīda̍ya̱n dīdhi̍timuktha̱śāsa̱: kṣāmā̍ bhi̱ndanto̍ aru̱ṇīrapa̍ vran
Mantra 70 {#mantra-70}
Section titled “Mantra 70 {#mantra-70}”Adhyāya: 19 | Mantra: 70
u̱śanta̍stvā̱ ni dhī̍mahyu̱śanta̱: sami̍dhīmahi | u̱śannu̍śa̱ta ā va̍ha pi̱tṝn ha̱viṣe̱ atta̍ve
Mantra 71 {#mantra-71}
Section titled “Mantra 71 {#mantra-71}”Adhyāya: 19 | Mantra: 71
a̱pāṃ phene̍na̱ namu̍ce̱: śira̍ i̱ndroda̍vartayaḥ | viśvā̱ yadaja̍ya̱ spṛdha̍:
Mantra 72 {#mantra-72}
Section titled “Mantra 72 {#mantra-72}”Adhyāya: 19 | Mantra: 72
somo̱ rājā̱mṛta su̱ta ṛ̍jī̱ṣeṇā̍jahānmṛ̱tyum | ṛ̱tena̍ sa̱tyami̍ndri̱yaṃ vi̱pāna śu̱kramandha̍sa̱ indra̍syendri̱yami̱daṃ payo̱’mṛta̱ṃ madhu̍
Mantra 73 {#mantra-73}
Section titled “Mantra 73 {#mantra-73}”Adhyāya: 19 | Mantra: 73
a̱dbhyaḥ kṣī̱raṃ vya̍piba̱t kruṅṅā̍ṅgira̱so dhi̱yā | ṛ̱tena̍ sa̱tyami̍ndri̱yaṃ vi̱pāna śu̱kramandha̍sa̱ indra̍syendri̱yami̱daṃ payo̱’mṛta̱ṃ madhu̍
Mantra 74 {#mantra-74}
Section titled “Mantra 74 {#mantra-74}”Adhyāya: 19 | Mantra: 74
soma̍ma̱dbhyo vya̍piba̱cchanda̍sā hasaḥ śu̍ci̱ṣat | ṛ̱tena̍ sa̱tyami̍ndri̱yaṃ vi̱pāna śu̱kramandha̍sa̱ indra̍syendri̱yami̱daṃ payo̱’mṛta̱ṃ madhu̍
Mantra 75 {#mantra-75}
Section titled “Mantra 75 {#mantra-75}”Adhyāya: 19 | Mantra: 75
annā̍tpari̱sruto̱ rasa̱ṃ brahma̍ṇā̱ vya̍pibat kṣa̱traṃ paya̱: soma̍ṃ pra̱jāpa̍tiḥ | ṛ̱tena̍ sa̱tyami̍ndri̱yaṃ vi̱pāna śu̱kramandha̍sa̱ indra̍syendri̱yami̱daṃ payo̱’mṛta̱ṃ madhu̍
Mantra 76 {#mantra-76}
Section titled “Mantra 76 {#mantra-76}”Adhyāya: 19 | Mantra: 76
reto̱ mūtra̱ṃ vi ja̍hāti̱ yoni̍ṃ pravi̱śadi̍ndra̱yim | garbho̍ ja̱rāyu̱ṇā”vṛ̍ta̱ ulba̍ṃ jahāti̱ janma̍nā | ṛ̱tena̍ sa̱tyami̍ndri̱yaṃ vi̱pāna śu̱kramandha̍sa̱ indra̍syendri̱yami̱daṃ payo̱’mṛta̱ṃ madhu̍
Mantra 77 {#mantra-77}
Section titled “Mantra 77 {#mantra-77}”Adhyāya: 19 | Mantra: 77
dṛ̱ṣṭvā rū̱pe vyāka̍rot satyānṛ̱te pra̱jāpa̍tiḥ | aśra̍ddhā̱manṛ̱te’da̍dhācchra̱ddhā sa̱tye pra̱jāpa̍tiḥ | ṛ̱tena̍ sa̱tyami̍ndri̱yaṃ vi̱pāna śu̱kramandha̍sa̱ indra̍syendri̱yami̱daṃ payo̱’mṛta̱ṃ madhu̍
Mantra 78 {#mantra-78}
Section titled “Mantra 78 {#mantra-78}”Adhyāya: 19 | Mantra: 78
vede̍na rū̱pe vya̍pibat sutāsu̱tau pra̱jāpa̍tiḥ | ṛ̱tena̍ sa̱tyami̍ndri̱yaṃ vi̱pāna śu̱kramandha̍sa̱ indra̍syendri̱yami̱daṃ payo̱’mṛta̱ṃ madhu̍
Mantra 79 {#mantra-79}
Section titled “Mantra 79 {#mantra-79}”Adhyāya: 19 | Mantra: 79
dṛ̱ṣṭvā pa̍ri̱sruto̱ rasa śu̱kreṇa̍ śu̱kraṃ vya̍pibat paya̱: soma̍ṃ pra̱jāpa̍tiḥ | ṛ̱tena̍ sa̱tyami̍ndri̱yaṃ vi̱pāna śu̱kramandha̍sa̱ indra̍syendri̱yami̱daṃ payo̱’mṛta̱ṃ madhu̍
Mantra 80 {#mantra-80}
Section titled “Mantra 80 {#mantra-80}”Adhyāya: 19 | Mantra: 80
sīse̍na̱ tantra̱ṃ mana̍sā manī̱ṣiṇa̍ ūrṇāsū̱treṇa̍ ka̱vayo̍ vayanti | a̱śvinā̍ ya̱jña sa̍vi̱tā sara̍sva̱tīndra̍sya rū̱paṃ varu̍ṇo bhiṣa̱jyan
Mantra 81 {#mantra-81}
Section titled “Mantra 81 {#mantra-81}”Adhyāya: 19 | Mantra: 81
tada̍sya rū̱pama̱mṛta śacī̍bhista̱sro da̍dhurde̱vatā̍: sararā̱ṇāḥ | lomā̍ni̱ śaṣpai̍rbahu̱dhā na tokma̍bhi̱stvaga̍sya māsama̍bhava̱nna lā̱jāḥ
Mantra 82 {#mantra-82}
Section titled “Mantra 82 {#mantra-82}”Adhyāya: 19 | Mantra: 82
tada̱śvinā̍ bhi̱ṣajā̍ ru̱drava̍rtanī̱ sara̍svatī vayati̱ peśo̱ anta̍ram | asthi̍ ma̱jjāna̱ṃ māsa̍raiḥ kārota̱reṇa̱ dadha̍to̱ gavā̍ṃ tva̱ci
Mantra 83 {#mantra-83}
Section titled “Mantra 83 {#mantra-83}”Adhyāya: 19 | Mantra: 83
sara̍svatī̱ mana̍sā peśa̱laṃ vasu̱ nāsa̍tyābhyāṃ vayati darśa̱taṃ vapu̍: | rasa̍ṃ pari̱srutā̱ na rohi̍taṃ na̱gnahu̱rdhīra̱stasa̍ra̱ṃ na vema̍
Mantra 84 {#mantra-84}
Section titled “Mantra 84 {#mantra-84}”Adhyāya: 19 | Mantra: 84
paya̍sā śu̱krama̱mṛta̍ṃ ja̱nitra sura̍yā̱ mūtrā̍jjanayanta̱ reta̍: | apāma̍tiṃ durma̱tiṃ bādha̍mānā̱ ūva̍dhya̱ṃ vāta sa̱bvaṃ tadā̱rāt
Mantra 85 {#mantra-85}
Section titled “Mantra 85 {#mantra-85}”Adhyāya: 19 | Mantra: 85
indra̍: su̱trāmā̱ hṛda̍yena sa̱tyaṃ pu̍ro̱ḍāśe̍na savi̱tā ja̍jāna | yakṛ̍t klo̱māna̱ṃ varu̍ṇo bhiṣa̱jyan mata̍sne vāya̱vyairna mi̍nāti pi̱ttam
Mantra 86 {#mantra-86}
Section titled “Mantra 86 {#mantra-86}”Adhyāya: 19 | Mantra: 86
ā̱ntrāṇi̍ sthā̱līrmadhu̱ pinva̍mānā̱ gudā̱: pātrā̍ṇi su̱dughā̱ na dhe̱nuḥ | śye̱nasya̱ patra̱ṃ na plī̱hā śacī̍bhirāsa̱ndī nābhi̍ru̱dara̱ṃ na mā̱tā
Mantra 87 {#mantra-87}
Section titled “Mantra 87 {#mantra-87}”Adhyāya: 19 | Mantra: 87
ku̱mbho va̍ni̱ṣṭhurja̍ni̱tā śacī̍bhi̱ryasmi̱nnagre̱ yonyā̱ṃ garbho̍ a̱ntaḥ | plā̱śirvya̍ktaḥ śa̱tadhā̍ra̱ utso̍ du̱he na ku̱mbhī sva̱dhāṃ pi̱tṛbhya̍:
Mantra 88 {#mantra-88}
Section titled “Mantra 88 {#mantra-88}”Adhyāya: 19 | Mantra: 88
mukha sada̍sya̱ śira̱ it sate̍na ji̱hvā pa̱vitra̍ma̱śvinā̱santsara̍svatī | cappa̱ṃ na pā̱yurbhi̱ṣaga̍sya̱ vālo̍ va̱stirna śepo̱ hara̍sā tara̱svī
Mantra 89 {#mantra-89}
Section titled “Mantra 89 {#mantra-89}”Adhyāya: 19 | Mantra: 89
a̱śvibhyā̱ṃ cakṣu̍ra̱mṛta̱ṃ grahā̍bhyā̱ṃ chāge̍na̱ tejo̍ ha̱viṣā̍ śṛ̱tena̍ | pakṣmā̍ṇi go̱dhūmai̱: kuva̍lairu̱tāni̱ peśo̱ na śu̱kramasi̍taṃ vasāte
Mantra 90 {#mantra-90}
Section titled “Mantra 90 {#mantra-90}”Adhyāya: 19 | Mantra: 90
avi̱rna me̱ṣo na̱si vī̱ryā̱ya prā̱ṇasya̱ panthā̍ a̱mṛto̱ grahā̍bhyām | sara̍svatyupa̱vākai̍rvyā̱naṃ nasyā̍ni ba̱rhirbada̍rairjajāna
Mantra 91 {#mantra-91}
Section titled “Mantra 91 {#mantra-91}”Adhyāya: 19 | Mantra: 91
indra̍sya rū̱pamṛ̍ṣa̱bho balā̍ya̱ karṇā̍bhyā śrotra̍ma̱mṛta̱ṃ grahā̍bhyām | yavā̱ na ba̱rhirbhru̱vi kesa̍rāṇi ka̱rkandhu̍ jajñe̱ madhu̍ sāra̱ghaṃ mukhā̍t
Mantra 92 {#mantra-92}
Section titled “Mantra 92 {#mantra-92}”Adhyāya: 19 | Mantra: 92
ā̱tmannu̱pasthe̱ na vṛka̍sya̱ loma̱ mukhe̱ śmaśrū̍ṇi̱ na vyā̍ghralo̱ma | keśā̱ na śī̱rṣanyaśa̍se śriyai̱ śikhā̍ sihasya̱ loma̱ tviṣi̍rindri̱yāṇi̍
Mantra 93 {#mantra-93}
Section titled “Mantra 93 {#mantra-93}”Adhyāya: 19 | Mantra: 93
aṅgā̍nyā̱tman bhi̱ṣajā̱ tada̱śvinā̱tmāna̱maṅgai̱: sama̍dhā̱t sara̍svatī | indra̍sya rū̱pa śa̱tamā̍na̱māyu̍śca̱ndreṇa̱ jyoti̍ra̱mṛta̱ṃ dadhā̍nāḥ
Mantra 94 {#mantra-94}
Section titled “Mantra 94 {#mantra-94}”Adhyāya: 19 | Mantra: 94
sara̍svatī̱ yonyā̱ṃ garbha̍ma̱ntara̱śvibhyā̱ṃ patnī̱ sukṛ̍taṃ bibharti | a̱pā rase̍na̱ varu̍ṇo̱ na sāmnendra śri̱yai ja̱naya̍nna̱psu rājā̍
Mantra 95 {#mantra-95}
Section titled “Mantra 95 {#mantra-95}”Adhyāya: 19 | Mantra: 95
teja̍: paśū̱nā ha̱viri̍ndri̱yāva̍t pari̱srutā̱ paya̍sā sāra̱ghaṃ madhu̍ | a̱śvibhyā̍ṃ du̱gdhaṃ bhi̱ṣajā̱ sara̍svatyā sutāsu̱tābhyā̍ma̱mṛta̱: soma̱ indu̍: