Vājasaneyi Madhyandina Saṃhitā — Chapter 22 (34 mantras)
Vājasaneyi Madhyandina Saṃhitā — Chapter 22
Section titled “Vājasaneyi Madhyandina Saṃhitā — Chapter 22”tejo̍’si śu̱krama̱mṛta̍māyu̱ṣpā āyu̍rme pāhi |
Mantras
Section titled “Mantras”Mantra 1 {#mantra-1}
Section titled “Mantra 1 {#mantra-1}”Adhyāya: 22 | Mantra: 1
de̱vasya̍ tvā savi̱tuḥ pra̍sa̱ve’śvino̍rbā̱hubhyā̍ṃ pū̱ṣṇo hastā̍bhyā̱mā da̍de
Mantra 2 {#mantra-2}
Section titled “Mantra 2 {#mantra-2}”Adhyāya: 22 | Mantra: 2
i̱māma̍gṛbhṇan raśa̱nāmṛ̱tasya̱ pūrva̱ āyu̍ṣi vi̱dathe̍ṣu ka̱vyā | sā no̍ a̱smintsu̱ta ā ba̍bhūva ṛ̱tasya̱ sāma̍ntsa̱ramā̱rapa̍ntī
Mantra 3 {#mantra-3}
Section titled “Mantra 3 {#mantra-3}”Adhyāya: 22 | Mantra: 3
a̱bhi̱dhā a̍si̱ bhuva̍namasi ya̱ntā’si̍ dha̱rtā | sa tvama̱gniṃ vai̍śvāna̱ra sapra̍thasaṃ gaccha̱ svāhā̍kṛtaḥ
Mantra 4 {#mantra-4}
Section titled “Mantra 4 {#mantra-4}”Adhyāya: 22 | Mantra: 4
sva̱gā tvā̍ de̱vebhya̍: pra̱jāpa̍taye̱ brahma̱nnaśva̍ṃ bha̱ntsyāmi̍ de̱vebhya̍: pra̱jāpa̍taye̱ tena̍ rādhyāsam | taṃ ba̍dhāna de̱vebhya̍: pra̱jāpa̍taye̱ tena̍ rādhnuhi
Mantra 5 {#mantra-5}
Section titled “Mantra 5 {#mantra-5}”Adhyāya: 22 | Mantra: 5
pra̱jāpa̍taye tvā̱ juṣṭa̱ṃ prokṣā̍mīndrā̱gnibhyā̍ṃ tvā̱ juṣṭa̱ṃ prokṣā̍mi vā̱yave̍ tvā̱ juṣṭa̱ṃ prokṣā̍mi̱ viśve̍bhyastvā de̱vebhyo̱ juṣṭa̱ṃ prokṣā̍mi̱ sarve̍bhyastvā de̱vebhyo̱ juṣṭa̱ṃ prokṣā̍mi | yo arva̍nta̱ṃ jighāsati̱ tama̱bhya̱mīti̱ varu̍ṇaḥ| pa̱ro marta̍: pa̱raḥ śvā
Mantra 6 {#mantra-6}
Section titled “Mantra 6 {#mantra-6}”Adhyāya: 22 | Mantra: 6
a̱gnaye̱ svāhā̱ somā̍ya̱ svāhā̱ ‘pāṃ modā̍ya̱ svāhā̍ savi̱tre svāhā̍ vā̱yave̱ svāhā̱ viṣṇa̍ve̱ svāhendrā̍ya̱ svāhā̱ bṛha̱spata̍ye̱ svāhā̍ mi̱trāya̱ svāhā̱ varu̍ṇāya̱ svāhā̍
Mantra 7 {#mantra-7}
Section titled “Mantra 7 {#mantra-7}”Adhyāya: 22 | Mantra: 7
hi̱ṅkā̱rāya̱ svāhā̱ hiṅkṛ̍tāya̱ svāhā̱ kranda̍te̱ svāhā̍ ‘vakra̱ndāya̱ svāhā̱ protha̍te̱ svāhā̍ prapro̱thāya̱ svāhā̍ ga̱ndhāya̱ svāhā̍ ghrā̱tāya̱ svāhā̱ nivi̍ṣṭāya̱ svāhopa̍viṣṭāya̱ svāhā̱ sandi̍tāya̱ svāhā̱ valga̍te̱ svāhā ”sī̍nāya̱ svāhā̍ śayā̍nāya̱ svāhā̱ svapa̍te̱ svāhā̱ jāgra̍te̱ svāhā̱ kūja̍te̱ svāhā̱ prabu̍ddhāya̱ svāhā̍ vi̱jṛmbha̍māṇāya̱ svāhā̱ vicṛ̍tāya̱ svāhā̱ sahā̍nāya̱ svāhopa̍sthitāya̱ svāhā”ya̍nāya̱ svāhā̱ prāya̍ṇāya̱ svāhā̍
Mantra 8 {#mantra-8}
Section titled “Mantra 8 {#mantra-8}”Adhyāya: 22 | Mantra: 8
ya̱te svāhā̱ dhāva̍te̱ svāho̍ddrā̱vāya̱ svāhoddru̍tāya̱ svāhā̍ śūkā̱rāya̱ svāhā̱ śūkṛ̍tāya̱ svāhā̱ niṣa̍ṇṇāya̱ svāhotthi̍tāya̱ svāhā̍ ja̱vāya̱ svāhā̱ balā̍ya̱ svāhā̍ vi̱varta̍mānāya̱ svāhā̱ vivṛ̍ttāya̱ svāhā̍ vidhūnvā̱nāya̱ svāhā̱ vidhū̍tāya̱ svāhā̱ śuśrū̍ṣamāṇāya̱ svāhā̍ śṛṇva̱te svāhekṣa̍māṇāya̱ svāhe̍kṣi̱tāya̱ svāhā̱ vī̱kṣitāya̱ svāhā̍ nime̱ṣāya̱ svāhā̱ yadatti̱ tasmai̱ svāhā̱ yat piba̍ti̱ tasmai̱ svāhā̱ yanmūtra̍ṃ ka̱roti̱ tasmai̱ svāhā̍ kurva̱te svāhā̍ kṛ̱tāya̱ svāhā̍
Mantra 9 {#mantra-9}
Section titled “Mantra 9 {#mantra-9}”Adhyāya: 22 | Mantra: 9
tatsa̍vi̱turvare̍ṇya̱ṃ bhargo̍ de̱vasya̍ dhīmahi | dhiyo̱ yo na̍: praco̱dayā̍t
Mantra 10 {#mantra-10}
Section titled “Mantra 10 {#mantra-10}”Adhyāya: 22 | Mantra: 10
hira̍ṇyapāṇimū̱taye̍ savi̱tāra̱mupa̍ hvaye | sa cettā̍ de̱vatā̍ pa̱dam
Mantra 11 {#mantra-11}
Section titled “Mantra 11 {#mantra-11}”Adhyāya: 22 | Mantra: 11
de̱vasya̱ ceta̍to ma̱hīṃ pra sa̍vi̱turha̍vāmahe | su̱ma̱ti sa̱tyarā̍dhasam
Mantra 12 {#mantra-12}
Section titled “Mantra 12 {#mantra-12}”Adhyāya: 22 | Mantra: 12
su̱ṣṭu̱ti su̍matī̱vṛdho̍ rā̱ti sa̍vi̱turī̍mahe | pra de̱vāya̍ matī̱vide̍
Mantra 13 {#mantra-13}
Section titled “Mantra 13 {#mantra-13}”Adhyāya: 22 | Mantra: 13
rā̱ti satpa̍tiṃ ma̱he sa̍vi̱tāra̱mupa̍ hvaye | ā̱sa̱vaṃ de̱vavī̍taye
Mantra 14 {#mantra-14}
Section titled “Mantra 14 {#mantra-14}”Adhyāya: 22 | Mantra: 14
de̱vasya̍ savi̱turma̱timā̍sa̱vaṃ vi̱śvade̍vyam | dhi̱yā bhaga̍ṃ manāmahe
Mantra 15 {#mantra-15}
Section titled “Mantra 15 {#mantra-15}”Adhyāya: 22 | Mantra: 15
a̱gni stome̍na bodhaya samidhā̱no ama̍rtyam | ha̱vyā de̱veṣu̍ no dadhat
Mantra 16 {#mantra-16}
Section titled “Mantra 16 {#mantra-16}”Adhyāya: 22 | Mantra: 16
sa ha̍vya̱vāḍama̍rtya u̱śigdū̱taścano̍hitaḥ | a̱gnirdhi̱yā samṛ̍ṇvati
Mantra 17 {#mantra-17}
Section titled “Mantra 17 {#mantra-17}”Adhyāya: 22 | Mantra: 17
a̱gniṃ dū̱taṃ pu̱ro da̍dhe havya̱vāha̱mupa̍ bruve | de̱vām̐2 ā sā̍dayādi̱ha
Mantra 18 {#mantra-18}
Section titled “Mantra 18 {#mantra-18}”Adhyāya: 22 | Mantra: 18
ajī̍jano̱ hi pa̍vamāna̱ sūrya̍ṃ vi̱dhāre̱ śakma̍nā̱ paya̍: | gojī̍rayā̱ raha̍māṇa̱: pura̍ndhyā
Mantra 19 {#mantra-19}
Section titled “Mantra 19 {#mantra-19}”Adhyāya: 22 | Mantra: 19
vi̱bhūrmā̱trā pra̱bhūḥ pi̱trā’śvo̍’si̱ hayo̱’syatyo̍’si̱ mayo̱’syarvā̍’si̱ sapti̍rasi vā̱jya̱si̱ vṛṣā̍’si nṛ̱maṇā̍ asi | yayu̱rnāmā̍’si̱ śiśu̱rnāmā̍syādi̱tyānā̱ṃ patvā’nvi̍hi̱ devā̍ āśāpālā e̱taṃ de̱vebhyo’śva̱ṃ medhā̍ya̱ prokṣi̍ta rakṣate̱ha ranti̍ ri̱ha ra̍matāmi̱ha dhṛti̍ri̱ha svadhṛ̍ti̱: svāhā̍
Mantra 20 {#mantra-20}
Section titled “Mantra 20 {#mantra-20}”Adhyāya: 22 | Mantra: 20
kāya̱ svāhā̱ kasmai̱ svāhā̍ kata̱masmai̱ svāhā̱ svāhā̱”dhimādhī̍tāya̱ svāhā̱ mana̍: pra̱jāpa̍taye̱ svāhā̍ ci̱ttaṃ vijñā̍tā̱yādi̍tyai̱ svāhā ‘di̍tyai mahyai̱ svāhā ‘di̍tyai sumṛḍī̱kāyai̱ svāhā̱ sara̍svatyai̱ svāhā̱ sara̍svatyai pāva̱kāyai̱ svāhā̱ sara̍svatyai bṛhatyai̱ svāhā̍ pū̱ṣṇe svāhā̍ pū̱ṣṇe pra̍pa̱thyā̱ya̱ svāhā̍ pū̱ṣṇe na̱randhi̍ṣāya̱ svāhā̱ tvaṣṭre̱ svāhā̱ tvaṣṭre̍ tu̱rīpā̍ya̱ svāhā̱ tvaṣṭre̍ puru̱rūpā̍ya̱ svāhā̱ viṣṇa̍ve̱ svāhā̱ viṣṇa̍ve nibhūya̱pāya̱ svāhā̱ viṣṇa̍ve śipivi̱ṣṭāya̱ svāhā̍
Mantra 21 {#mantra-21}
Section titled “Mantra 21 {#mantra-21}”Adhyāya: 22 | Mantra: 21
viśvo̍ de̱vasya̍ ne̱turmarto̍ vurīta sa̱khyam | viśvo̍ rā̱ya i̍ṣudhyati dyu̱mnaṃ vṛ̍ṇīta pu̱ṣyase̱ svāhā̍
Mantra 22 {#mantra-22}
Section titled “Mantra 22 {#mantra-22}”Adhyāya: 22 | Mantra: 22
ā brahma̍n brāhma̱ṇo bra̍hmavarca̱sī jā̍yatā̱mā rā̱ṣṭre rā̍ja̱nyaḥ śūra̍ iṣa̱vyo’tivyā̱dhī ma̍hāra̱tho jā̍yatā̱ṃ dogdhrī̍ dhe̱nurvoḍhā̍na̱ḍvānā̱śuḥ sapti̱: pura̍ndhi̱ryoṣā̍ ji̱ṣṇū ra̍the̱ṣṭhāḥ sa̱bheyo̱ yuvāsya yaja̍mānasya vī̱ro jā̍yatā̱ṃ nikā̱me-ni̍kāme naḥ pa̱rjanyo̍ varṣatu̱ phala̍vatyo na̱ oṣa̍dhayaḥ pacyantāṃ yogakṣe̱mo na̍: kalpatām
Mantra 23 {#mantra-23}
Section titled “Mantra 23 {#mantra-23}”Adhyāya: 22 | Mantra: 23
prā̱ṇāya̱ svāhā̍ ‘pā̱nāya̱ svāhā̍ vyā̱nāya̱ svāhā̱ cakṣu̍ṣe̱ svāhā̱ śrotrā̍ya̱ svāhā̍ vā̱ce svāhā̱ mana̍se̱ svāhā̍
Mantra 24 {#mantra-24}
Section titled “Mantra 24 {#mantra-24}”Adhyāya: 22 | Mantra: 24
prācyai̍ di̱śe svāhā̱ ‘rvācyai̍ di̱śe svāhā̱ dakṣi̍ṇāyai di̱śe svāhā̱ ‘rvācyai̍ di̱śe svāhā̍ pra̱tīcyai̍ di̱śe svāhā̱ ‘rvācyai̍ di̱śe svāhodī̍cyai di̱śe svāhā̱ ‘rvācyai̍ di̱śe svāho̱rdhvāyai̍ di̱śe svāhā̱ ‘rvācyai̍ di̱śe svāhā ‘vā̍cyai di̱śe svāhā̱ ‘rvācyai̍ di̱śe svāhā̍
Mantra 25 {#mantra-25}
Section titled “Mantra 25 {#mantra-25}”Adhyāya: 22 | Mantra: 25
a̱dbhyaḥ svāhā̍ vā̱rbhyaḥ svāho̍da̱kāya̱ svāhā̱ tiṣṭha̍ntībhya̱: svāhā̱ srava̍ntībhya̱: svāhā̱ syanda̍mānābhya̱: svāhā̱ kūpyā̍bhya̱: svāhā̱ sūdyā̍bhya̱: svāhā̱ dhāryā̍bhya̱: svāhā̍ ‘rṇa̱vāya̱ svāhā̍ samu̱drāya̱ svāhā̍ sari̱rāya̱ svāhā̍
Mantra 26 {#mantra-26}
Section titled “Mantra 26 {#mantra-26}”Adhyāya: 22 | Mantra: 26
vātā̍ya̱ svāhā̍ dhū̱māya̱ svāhā̱ ‘bhrāya̱ svāhā̍ me̱ghāya̱ svāhā̍ vi̱dyota̍mānāya̱ svāhā̍ sta̱naya̍te̱ svāhā̍ ‘va̱sphūrja̍te̱ svāhā̱ varṣa̍te̱ svāhā̍ ‘va̱varṣa̍te̱ svāho̱graṃ varṣa̍te̱ svāhā̍ śī̱ghraṃ varṣa̍te̱ svāho̍dgṛhṇa̱te svāhodgṛ̍hītāya̱ svāhā̍ pruṣṇa̱te svāhā̍ śīkāya̱te svāhā̱ pruṣvā̍bhya̱: svāhā̍ hrā̱dunī̍bhya̱: svāhā̍ nīhā̱rāya̱ svāhā̍
Mantra 27 {#mantra-27}
Section titled “Mantra 27 {#mantra-27}”Adhyāya: 22 | Mantra: 27
a̱gnaye̱ svāhā̱ somā̍ya̱ svāhendrā̍ya̱ svāhā̍ pṛthivyai̱ svāhā̱ ‘ntari̍kṣāya̱ svāhā̍ di̱ve svāhā̍ di̱gbhyaḥ svāhā ”śā̍bhya̱: svāho̱rvyai̱ di̱śe svāhā̱ ‘rvācyai̍ di̱śe svāhā̍
Mantra 28 {#mantra-28}
Section titled “Mantra 28 {#mantra-28}”Adhyāya: 22 | Mantra: 28
nakṣa̍trebhya̱: svāhā̍ nakṣa̱triye̍bhya̱: svāhā̍ ‘horā̱trebhya̱: svāhā̍ ‘rdhamā̱sebhya̱: svāhā̱ māse̍bhya̱: svāhā̍ ṛ̱tubhya̱: svāhā̍ ”rta̱vebhya̱: svāhā̍ saṃvatsa̱rāya̱ svāhā̱ dyāvā̍pṛthi̱vībhyā svāhā̍ ca̱ndrāya̱ svāhā̱ sūryā̍ya̱ svāhā̍ ra̱śmibhya̱: svāhā̱ vasu̍bhya̱: svāhā̍ ru̱drebhya̱: svāhā̍ ”di̱tyebhya̱: svāhā̍ ma̱rudbhya̱: svāhā̱ viśve̍bhyo de̱vebhya̱: svāhā̱ mūle̍bhya̱: svāhā̱ śākhā̍bhya̱: svāhā̱ vana̱spati̍bhya̱: svāhā̱ puṣpe̍bhya̱: svāhā̱ phale̍bhya̱: svāhauṣa̍dhībhya̱: svāhā̍
Mantra 29 {#mantra-29}
Section titled “Mantra 29 {#mantra-29}”Adhyāya: 22 | Mantra: 29
pṛ̱thi̱vyai svāhā̱ ‘ntari̍kṣāya̱ svāhā̍ di̱ve svāhā̱ sūryā̍ya̱ svāhā̍ ca̱ndrāya̱ svāhā̱ nakṣa̍trebhya̱: svāhā̱ ‘dbhyaḥ svāhau̍ṣadhībhya̱: svāhā̱ vana̱spati̍bhya̱: svāhā̍ paripla̱vebhya̱: svāhā̍ carāca̱rebhya̱: svāhā̍ sarīsṛ̱pebhya̱: svāhā̍
Mantra 30 {#mantra-30}
Section titled “Mantra 30 {#mantra-30}”Adhyāya: 22 | Mantra: 30
asa̍ve̱ svāhā̱ vasa̍ve̱ svāhā̍ vi̱bhuve̱ svāhā̱ viva̍svate̱ svāhā̍ gaṇa̱śriye̱ svāhā̍ ga̱ṇapa̍taye̱ svāhā̍ ‘bhi̱bhuve̱ svāhā ‘dhi̍pataye̱ svāhā̍ śū̱ṣāya̱ svāhā̍ sasa̱rpāya̱ svāhā̍ ca̱ndrāya̱ svāhā̱ jyoti̍ṣe̱ svāhā̍ malimlu̱cāya̱ svāhā̱ divā̍ pa̱taya̍te̱ svāhā̍
Mantra 31 {#mantra-31}
Section titled “Mantra 31 {#mantra-31}”Adhyāya: 22 | Mantra: 31
madha̍ve̱ svāhā̱ mādha̍vāya̱ svāhā̍ śu̱krāya̱ svāhā̱ śuca̍ye̱ svāhā̱ nabha̍se̱ svāhā̍ nabha̱syā̱ya̱ svāhe̱ṣāya̱ svāho̱rjāya̱ svāhā̱ saha̍se̱ svāhā̍ saha̱syā̱ya̱ svāhā̱ tapa̍se̱ svāhā̍ tapa̱syā̱ya̱ svāhā̍ ‘hasaspa̱taye̱ svāhā̍
Mantra 32 {#mantra-32}
Section titled “Mantra 32 {#mantra-32}”Adhyāya: 22 | Mantra: 32
vājā̍ya̱ svāhā̍ prasa̱vāya̱ svāhā̍ ‘pi̱jāya̱ svāhā̱ krata̍ve̱ svāhā̱ sva: svāhā̍ mū̱rdhne svāhā̍ vyaśnu̱vine̱ svāhā ‘ntyā̍ya̱ svāhā ‘ntyā̍ya bhauva̱nāya̱ svāhā̱ bhuva̍nasya̱ pata̍ye̱ svāhā ‘dhi̍pataye̱ svāhā̍ pra̱jāpa̍taye̱ svāhā̍
Mantra 33 {#mantra-33}
Section titled “Mantra 33 {#mantra-33}”Adhyāya: 22 | Mantra: 33
āyu̍rya̱jñena̍ kalpatā svāhā̍ prā̱ṇo ya̱jñena̍ kalpatā svāhā̍ ‘pā̱no ya̱jñena̍ kalpatā svāhā̍ vyā̱no ya̱jñena̍ kalpatā svāho̍dā̱no ya̱jñena̍ kalpatā svāhā̍ samā̱no ya̱jñena̍ kalpatā svāhā̱ cakṣu̍rya̱jñena̍ kalpatā svāhā̱ śrotra̍ṃ ya̱jñena̍ kalpatā svāhā̱ vāgya̱jñena̍ kalpatā svāhā̱ mano̍ ya̱jñena̍ kalpatā svāhā̱ ”tmā ya̱jñena̍ kalpatā svāhā̍ bra̱hmā ya̱jñena̍ kalpatā svāhā̱ jyoti̍rya̱jñena̍ kalpatā svāhā̱ sva̱rya̱jñena̍ kalpatā svāhā̍ pṛ̱ṣṭhaṃ ya̱jñena̍ kalpatā svāhā̍ ya̱jño ya̱jñena̍ kalpatā svāhā̍
Mantra 34 {#mantra-34}
Section titled “Mantra 34 {#mantra-34}”Adhyāya: 22 | Mantra: 34
eka̍smai̱ svāhā̱ dvābhyā svāhā̍ śa̱tāya̱ svāhaika̍śatāya̱ svāhā̱ vyu̱ṣṭyai̱ svāhā̍ sva̱rgāya̱ svāhā̍