Vājasaneyi Madhyandina Saṃhitā — Chapter 37 (21 mantras)
Vājasaneyi Madhyandina Saṃhitā — Chapter 37
Section titled “Vājasaneyi Madhyandina Saṃhitā — Chapter 37”Mantras
Section titled “Mantras”Mantra 1 {#mantra-1}
Section titled “Mantra 1 {#mantra-1}”Adhyāya: 37 | Mantra: 1
de̱vasya̍ tvā savi̱tuḥ pra̍sa̱ve’śvino̍rbā̱hubhyā̍ṃ pū̱ṣṇo hastā̍bhyām | ā da̍de̱ nāri̍rasi
Mantra 2 {#mantra-2}
Section titled “Mantra 2 {#mantra-2}”Adhyāya: 37 | Mantra: 2
yu̱ñjate̱ mana̍ u̱ta yu̍ñjate̱ dhiyo̱ viprā̱ vipra̍sya bṛha̱to vi̍pa̱ścita̍: | vi hotrā̍ dadhe vayunā̱videka̱ inma̱hī de̱vasya̍ savi̱tuḥ pari̍ṣṭuti̱: svāhā̍
Mantra 3 {#mantra-3}
Section titled “Mantra 3 {#mantra-3}”Adhyāya: 37 | Mantra: 3
devī̍ dyāvāpṛthivī ma̱khasya̍ vāma̱dya śiro̍ rādhyāsaṃ deva̱yaja̍ne pṛthi̱vyāḥ | ma̱khāya̍ tvā ma̱khasya̍ tvā śī̱rṣṇe
Mantra 4 {#mantra-4}
Section titled “Mantra 4 {#mantra-4}”Adhyāya: 37 | Mantra: 4
devyo̍ vamryo bhū̱tasya̍ prathama̱jā ma̱khasya̍ vo̱’dya śiro̍ rādhyāsaṃ deva̱yaja̍ne pṛthi̱vyāḥ | ma̱khāya̍ tvā ma̱khasya̍ tvā śī̱rṣṇe
Mantra 5 {#mantra-5}
Section titled “Mantra 5 {#mantra-5}”Adhyāya: 37 | Mantra: 5
iya̱tyagra̍ āsīnma̱khasya̍ te̱’dya śiro̍ rādhyāsaṃ deva̱yaja̍ne pṛthi̱vyāḥ | ma̱khāya̍ tvā ma̱khasya̍ tvā śī̱rṣṇe
Mantra 6 {#mantra-6}
Section titled “Mantra 6 {#mantra-6}”Adhyāya: 37 | Mantra: 6
indra̱syauja̍ stha ma̱khasya̍ vo̱’dya śiro̍ rādhyāsaṃ deva̱yaja̍ne pṛthi̱vyāḥ | ma̱khāya̍ tvā ma̱khasya̍ śī̱rṣṇe | ma̱khāya̍ tvā ma̱khasya̍ tvā śī̱rṣṇe | ma̱khāya̍ tvā ma̱khasya̍ tvā śī̱rṣṇe
Mantra 7 {#mantra-7}
Section titled “Mantra 7 {#mantra-7}”Adhyāya: 37 | Mantra: 7
praitu̱ brahma̍ṇa̱spati̱: pra de̱vye̱tu sū̱nṛtā̍ | acchā̍ vī̱raṃ narya̍ṃ pa̱ṅktirā̍dhasaṃ de̱vā ya̱jñaṃ na̍yantu naḥ | ma̱khāya̍ tvā ma̱khasya̍ tvā śī̱rṣṇe | ma̱khāya̍ tvā ma̱khasya̍ tvā śī̱rṣṇe | ma̱khāya̍ tvā ma̱khasya̍ tvā śī̱rṣṇe
Mantra 8 {#mantra-8}
Section titled “Mantra 8 {#mantra-8}”Adhyāya: 37 | Mantra: 8
ma̱khasya̱ śiro̍’si | ma̱khāya̍ tvā ma̱khasya̍ tvā śī̱rṣṇe | ma̱khasya̱ śiro̍’si | ma̱khāya̍ tvā ma̱khasya̍ tvā śī̱rṣṇe | ma̱khasya̱ śiro̍’si | ma̱khāya̍ tvā ma̱khasya̍ tvā śī̱rṣṇe | ma̱khāya̍ tvā ma̱khasya̍ tvā śī̱rṣṇe ma̱khāya̍ tvā ma̱khasya̍ tvā śī̱rṣṇe ma̱khāya̍ tvā ma̱khasya̍ tvā śī̱rṣṇe
Mantra 9 {#mantra-9}
Section titled “Mantra 9 {#mantra-9}”Adhyāya: 37 | Mantra: 9
aśva̍sya tvā̱ vṛṣṇa̍: śa̱knā dhū̍payāmi deva̱yaja̍ne pṛthi̱vyāḥ | ma̱khāya̍ tvā ma̱khasya̍ tvā śī̱rṣṇe | aśva̍sya tvā̱ vṛṣṇa̍: śa̱knā dhū̍payāmi deva̱yaja̍ne pṛthi̱vyāḥ | ma̱khāya̍ tvā ma̱khasya̍ tvā śī̱rṣṇe | aśva̍sya tvā̱ vṛṣṇa̍: śa̱knā dhū̍payāmi deva̱yaja̍ne pṛthi̱vyāḥ | ma̱khāya̍ tvā ma̱khasya̍ tvā śī̱rṣṇe | ma̱khāya̍ tvā ma̱khasya̍ tvā śī̱rṣṇe | ma̱khāya̍ tvā ma̱khasya̍ tvā śī̱rṣṇe | ma̱khāya̍ tvā ma̱khasya̍ tvā śī̱rṣṇe
Mantra 10 {#mantra-10}
Section titled “Mantra 10 {#mantra-10}”Adhyāya: 37 | Mantra: 10
ṛ̱jave̍ tvā sā̱dhave̍ tvā sukṣi̱tyai tvā̍ | ma̱khāya̍ tvā ma̱khasya̍ tvā śī̱rṣṇe | ma̱khāya̍ tvā ma̱khasya̍ tvā śī̱rṣṇe | ma̱khāya̍ tvā ma̱khasya̍ tvā śī̱rṣṇe
Mantra 11 {#mantra-11}
Section titled “Mantra 11 {#mantra-11}”Adhyāya: 37 | Mantra: 11
ya̱māya̍ tvā ma̱khāya̍ tvā̱ sūrya̍sya tvā̱ tapa̍se | de̱vastvā̍ savi̱tā madhvā̍naktu pṛthi̱vyāḥ saspṛśa̍spāhi | a̱rcira̍si śo̱cira̍si̱ tapo̍’si
Mantra 12 {#mantra-12}
Section titled “Mantra 12 {#mantra-12}”Adhyāya: 37 | Mantra: 12
anā̍dhṛṣṭā pu̱rastā̍da̱gnerādhi̍patya̱ āyu̍rme dāḥ pu̱trava̍tī dakṣiṇa̱ta indra̱syādhi̍patye pra̱jāṃ me̍ dāḥ | su̱ṣadā̍ pa̱ścādde̱vasya̍ savi̱turādhi̍patye̱ cakṣu̍rme dā āsru̍tiruttara̱to dhā̱turādhi̍patye rā̱yaspoṣa̍ṃ me dāḥ | vidhṛ̍tiru̱pari̍ṣṭā̱dbṛha̱spate̱rādhi̍patye̱ ojo̍ me dā viśvā̍bhyo mā nā̱ṣṭrābhya̍spāhi mano̱raśvā̍si
Mantra 13 {#mantra-13}
Section titled “Mantra 13 {#mantra-13}”Adhyāya: 37 | Mantra: 13
svāhā̍ ma̱rudbhi̱: pari̍ śrīyasva di̱vaḥ saspṛśa̍spāhi | madhu̱ madhu̱ madhu̍
Mantra 14 {#mantra-14}
Section titled “Mantra 14 {#mantra-14}”Adhyāya: 37 | Mantra: 14
garbho̍ de̱vānā̍ṃ pi̱tā ma̍tī̱nāṃ pati̍: pra̱jānā̍m | saṃ de̱vo de̱vena̍ savi̱trā ga̍ta̱ sasūrye̍ṇa rocate
Mantra 15 {#mantra-15}
Section titled “Mantra 15 {#mantra-15}”Adhyāya: 37 | Mantra: 15
sama̱gnira̱gninā̍ gata̱ saṃ daive̍na savi̱trā sa sūrye̍ṇārociṣṭa | svāhā̱ sama̱gnistapa̍sā gata̱ saṃ daivye̍na savi̱trā sasūrye̍ṇārūrucata
Mantra 16 {#mantra-16}
Section titled “Mantra 16 {#mantra-16}”Adhyāya: 37 | Mantra: 16
dha̱rtā di̱vo vi bhā̍ti̱ tapa̍saspṛthi̱vyāṃ dha̱rtā de̱vo de̱vānā̱mama̍rtyastapo̱jāḥ | vāca̍ma̱sme ni ya̍ccha devā̱yuva̍m
Mantra 17 {#mantra-17}
Section titled “Mantra 17 {#mantra-17}”Adhyāya: 37 | Mantra: 17
apa̍śyaṃ go̱pāmani̍padyamāna̱mā ca̱ parā̍ ca pa̱thibhi̱ścara̍ntam | sa sa̱dhrīcī̱: sa viṣū̍cī̱rvasā̍na̱ ā va̍rīvartti̱ bhuva̍neṣva̱ntaḥ
Mantra 18 {#mantra-18}
Section titled “Mantra 18 {#mantra-18}”Adhyāya: 37 | Mantra: 18
viśvā̍sāṃ bhuvāṃ pate̱ viśva̍sya manasaspate̱ viśva̍sya vacasaspate̱ sarva̍sya vacasaspate | de̱va̱śruttvaṃ de̍va gharma de̱vo de̱vān pā̱hyatra̱ prāvī̱ranu̍ vāṃ de̱vavī̍taye | madhu̱ mādhvī̍bhyā̱ṃ madhu̱ mādhū̍cībhyām
Mantra 19 {#mantra-19}
Section titled “Mantra 19 {#mantra-19}”Adhyāya: 37 | Mantra: 19
hṛ̱de tvā̱ mana̍se tvā di̱ve tvā̱ sūryā̍ya tvā | ū̱rdhvo a̍dhva̱raṃ di̱vi de̱veṣu̍ dhehi
Mantra 20 {#mantra-20}
Section titled “Mantra 20 {#mantra-20}”Adhyāya: 37 | Mantra: 20
pi̱tā no̍’si pi̱tā no̍ bodhi̱ nama̍ste atu̱ mā mā̍ hisīḥ | tvaṣṭṛ̍mantastvā sapema pu̱trānpa̱śūnmayi̍ dhehi pra̱jāma̱smāsu̍ dhe̱hyari̍ṣṭā̱’ha sa̱ha pa̍tyā bhūyāsam
Mantra 21 {#mantra-21}
Section titled “Mantra 21 {#mantra-21}”Adhyāya: 37 | Mantra: 21
aha̍: ke̱tunā̍ juṣatā su̱jyoti̱rjyoti̍ṣā̱ svāhā̍ | rātri̍: ke̱tunā̍ juṣatā su̱jyoti̱rjyoti̍ṣā̱ svāhā̍